Apocalipsis 2:3 - Biblia Yanowamö

³ Ya bä daö. Bä ma yabäcaöje däjä bä waiquidoimi. Camiyä ya nowa ja bä nö ma bleaamaö ma cujei, bä modablou mlai ja bä nö shino wa̦lojaö fe yadio.

Apocalipsis 2:3 Iomraidhean Croise

Marcos 15:21

Jesús a öböbou ca̦i lä juimadujei jamö, Sileneteli Simón a lä co̦imi a mö bamalefälömaje. Alejado, Lufo, ö̦jö cäcöbö lä cui bei fö̦ö e cuoma. A mö fa bamalöjenö, ö̦jö nija fii defi nia lä blilio wei defi yalucua nomöjöa fe yadimaquemaje, edefi ca̦i nojaobä.

Lucas 14:27

Camiyä ya nowa ja a nö bleaamamou bufiomi ja, camiyä nija a nö nocaobimi waiquiwä.

Lucas 18:1

Jesúsnö täbä yömölaö ja, shominaja tä a̦ wäyäö ja̦looma. Bä bufi ujudublou mlai ja, Yai Bada nija bä nö bayeli shino nacaodibä, bä yömölalema.

Lucas 21:19

Wamacö nö wa̦lojaö fe lä yadio wei tänö wamacö nia ba̦limi cuodayou —Jesús a cuma.

Lucas 5:5

Simón abinaja a cuu mö feduoma. —Bada tä. Yuli yama bä nia fa ya̦caanö, yamacö juu fe jaluma ma cui, yamacö nö bleaaö fe jaluma. Moli yama a ya̦caö buonomi. Ö̦jö ma cui, inaja cafä wa cuu ja, ya täbä nia walalawä queamaö co̦o —a Simón cuma.

Lucas 8:15

’A mashita lä dodijidai jamö ai mobä bläläa lä culayono weinaja, ai bä ma cuinö tä a̦ ji̦liaö cuwä mö feduweje —a cuma—. Ö̦jö bä lä dodijaö wei bä lä cuinö, bä bufi bejedimolanö tä a̦ ji̦liaö cuaaöje. Tä a̦ fa ji̦liajenö, tä a̦ nofi jaducubou dodijioje. Bä bufi yanöcölanö tä a̦ juadiije ja, etä yai dodijidawä cublaliyo.

Juan 15:21

Ö̦jö ma cui, wale lä shömöleno wei a daimije yalo, iba wamacö cudeenö wamacö nia inaja taamaö dodijioje.

Romanos 12:12

Yai Bada tänö wamacö nia lä bayeliblaö wei, bufi doblalolanö tä nö da daboje. Wamacö nö bleaabä tä cua ja, bufi yanöcöwä bä cuo fe da yadio. Yai Bada lija bä nö shi̦lo bayeli da nacao.

Romanos 16:12

Difena, Difosa cäcöbä lija wamale a̦fa ca̦i da wäyä, Bada tä lija cäcöbä suwä lä ojodamou wei. Besida lija ca̦i. Ö̦jö yama a nofimaö. Bada tä lija a ojodamou ja, ö̦jö bei a nö yai wa̦lojoablalou.

Romanos 2:7

Ai bä lä cuinö bä nia lä ba̦limiblou wei tä shi̦lo dayäaöje. Yai Bada tänö bä nia lä doblamabodayou wei tä ca̦i. Wawädowä bä nia lä tamabou wei tä ca̦i. Ö̦jö bä lä cui Yai Bada tänö bä nia ba̦limiblamaö.

Romanos 8:25

Ö̦jö ma cui, tä dablamou showao mlao däjä bämacö mölaö ja, bämacö bufi yanöcölanö bämacö nö nia dao.

1 Corintios 13:7

Bä bufi lä nofio wei bä lä cui, bä waiquidoimi. Yai Bada etä a̦ bejedi bufibou showao fe yadioje. Bä mölaö fe yadio. Bä nö ma bleaaö wei ma cui, bä nö wa̦lojaö fe yadio.

1 Corintios 16:16

Einaja täbä dodijaö lä cuaaö wei, wama täbä a̦ yai fuabä. Ö̦jö bä lä bayeliblaö wejei bä ma cui, wama bä a̦ ca̦i bluca fuaö mö feduobä.

2 Corintios 10:15

Ai täbä ojodamou lä dodijaö wei tä ja, camiyä yamacö a̦fa nia wäamamoimi. Camiyä yamacönö yama tä tano malä mlai. Yamacö nia jimöo bashiblaomi. Ma, camiyä yamacö nia ojodamou lä majöo wei jamö, yamacö bufi shi̦lo yai shalilio waiquia lä cule. Ö̦jö tä ja, yamacö li mölaö waiquia. Jesucristo wama a nofi mölabou lofotoo däjä, wamacö fe bluca lä fa̦yole täbä lijamö yamacö nia ojodamou nomöjöo,

2 Corintios 11:23

“Cristo yama a wa̦ lä fuaö wei yamacö”, bä ma cuu wei, ¡camiyä yai! Camiyänö ya wa̦ yai li fuaö dodijio. ¿Ö̦jö tawä? Ei ya wa̦ lä fale tänö, jai ya shi wa̦lii ya wa̦ ji̦limamou cuwä ma cui, ya wa̦ nia wabäo showao fe yadio. Bei. ¡Camiyä yai! Camiyä bei ya shi̦lo ojodamou yaio. Showadi wale fe lä lamaö wejei, camiyä ei bei ya yai. Wale si ca̦i shi̦lo yafelimaöje. Bluca bei ya mili nomaoblou cuaaö.

2 Corintios 4:1

Yai Bada tänö yamalecö nofi ojodabolanö, Jesucristo yama a wa̦no wäyäö cuaabä wamalecö shimölema. Ö̦jö cudeenö, yamacö bufi ujudublou buomi.

2 Corintios 4:16

Ö̦jö cudeenö, yamacö bufi ujudubloimi. Bei yamacö sicö ma wa̦lidiaaö ma dodijio däjä ma cui, bei yamacö bufi shi̦lo dodijidawä balaö fe yadia lä cuimadi.

2 Corintios 5:9

¿Ö̦jö tawä? Ö̦jö ma cui, Bada lijamö yamacö ma culadi ma cui, äyämö yamacö blajawä bälöa ma showale ma cui, ö̦jö yama tä bufi doblamabobä yama ecö li waiquiwä.

2 Corintios 6:5

Ai däjä yamalecö si yowaöje. Ai däjä yamalecö fe labouje. Ai däjä yamalecö nabä läläoje. Yamacö ojodamou modaaö. Yamacö ca̦i majalishi waiyou. Yamalecö ca̦i ofämaö talajei.

Gálatas 6:2

Aifä a lä cui a bufi nö bleaaö ja, a da bayelibla. Inaja wamacö taamayou ja, Cristo wama a nosie yai fuaö malä cui.

Gálatas 6:9

Dodijidawä tä ja bämacö bufi modablao mlai. Dodijidawä bäma tä lä taö wei bämacönö, dodijidawä bäma tä nia co̦aö mö yabao co̦o malä cui.

Filipenses 2:16

Täbä lä ba̦limiblamaö wei wama tä a̦ lofotobolanö, wama tä a̦ wäyäö cuaabä. Jesucristo a itou co̦oyoluu däjä, wamacö nö lä wa̦lojano wei tä ja ya bufi doblalobä. Ya shi jalimobä. “¡Ei malä cui! ¡Ya nö bleaano malä mlai!”, ya cubä.

Filipenses 4:3

Cafä lija ya wa̦ ca̦i faö lä cule, cafä sho dodijidawä bäfäcö shi̦lo lä ojodamou wei wa lä cui lija. Ei ya cöbä a̦fa suwä lä jayumafe cäcöbä nofimayou co̦obä, wa cöbä cadidamabä, ö̦jö lä. Dodijidawä wale mada bayeliblaböblei. Jesucristo yama etä a̦ dodijidawä wäyäö fe yadiobä, cäcöbä nö mada wa̦lojablei. Clemede sho, iba ai bä ca̦i bluca lä yädäono wei bä sho, bäma tä a̦ wäyäö fe lä yadiono wei däjä, cäcöbä nö suwä mada wa̦lojablei. Täbä nia lä ba̦limiodayou wei täbä a̦fa lä onibole sibä ja, Bada tänö täbä a̦fa bluca malä oniboladi.

Colosenses 1:11

Cama tä lofotenö wamacö nö yai wa̦lojomabobä. Ö̦jö tä lä doblale a shi̦lo yai lofote cua. Wamacö nö yai lä wa̦lojomabou wei däjä, wamacö bufi shi̦lo yai doblao fe yadiobä. Wamacö bufi ca̦i shi̦lo yanöcöwä cuo fe yadiobä.

1 Tesalonicenses 1:3

¿Ö̦jö tawä? Fayä Yai Bada bäma a lä bufiblaö wei a lija, showadi bämacö nö bayeli nacaö. Jesucristo wama a nofi mölabolanö, wamacö lä dodijaö wei yama tä nofi jaducäbou. Wamacö ojodao talei. Wamacö bufi nofimolanö, ai wama bä bayeliblaö nö wa̦lojaö talei. Bada tä Jesucristo wama a nö dabou showalanö, showadi wamacö mölaö dodijio talei.

1 Tesalonicenses 2:9

Iba wamacö lä cui, yamacö ojodamou nö wa̦lojaö fe lä yadiono wei wama tä daö. Yama täbä no nii co̦amabä, jalu däjä ma cui, didi däjä ma cui, yamacö ojodamou showaoma. Yai Bada tä a̦ ja bämacö lä yömölano wei däjä, cafä bämacö niibö yabäcaö mlaobä yamacö ojodamodima.

1 Tesalonicenses 5:12

Iba wamacö. Bämacö moyawäblamabä yamacö a̦ fe blacäjou. Bada tä Jesucristo tä a̦ ja, wamacö lä cadidamaö wejei wama bä nö waiblaö mlai, dodijidawä wamacö yömölamobä. Ö̦jö bä bada lä cui, wama bä a̦ fuabä bä malä cui. Wamacö bufi jaducäblamabeje bä malä ojodamou wei.

2 Tesalonicenses 3:13

Iba cä wamacö. Wamacö lä dodijaö wei tä ja bä modaa dijä.

2 Tesalonicenses 3:5

Bada tä lä cuinö wamacö bufi yai cadidamabä, yamacö a̦ faö. Yai Bada tänö bejedi wamacö lä nofimaö wei wama tä dablabä. Bufi yanöcölanö Cristo wama a nö dabou fe yadiobä.

2 Tesalonicenses 3:8

No mlai ja yama täbä nii waö mada mlaoblei. No mlai ja yamacö bayeliblamou mada mlaoblei. Bämacö nö bleaamaö mlaobä, yamacö ojodamodii fe balojooma.

1 Timoteo 4:10

Yai Bada tä demi cua shi lä wa̦lile bäma a nofi mölabou yalo bämacö malä ojodamodii wei, bämacö nö malä wa̦lojadii wei. Ö̦jönö täbä bluca fucäabä a. Jesucristo bäma a bejedi lä bufibou wei bämalecö yai fucäabä a li.

1 Timoteo 5:17

Yai Bada ebä ca̦i lä yododaö wejei bä bada lä cui, dodijidawä bä ojodamou ja, “Ei yama bä nia bayeliblaö”, wama bä nofi tabobä. “Ei yama bä a̦ nia fuaö”, wama bä nofi ca̦i tabobä. Yai Bada tä a̦ wäyäö nö lä wa̦lojaö wejei, bä ca̦i damaö nö lä wa̦lojaö wejei, wama bä yai bayeliblaö dodijiobä.

Hebreos 10:36

Wamacö nö wa̦lojabä tä waiquiwä. Yai Bada tänö tä tamaö lä bufii wei wama tä taö fa cadidionö, tä a̦fa lä wäqueno wei wama tä yai däadayobä.

Hebreos 12:1

Ö̦jö bä jaba lä cuono wei bä lä cuinö, Yai Bada a wa̦ nofi lä mölabou wejei tä wawädowä damalalemaje. ¿Ö̦jö tawä? Jai bämalecö fe fa̦yobouje bä cuwä waiquiwä yalo, bämacö ca̦i dodijaö mö da feduo, ö̦jö lä. Bämacö lä yabäcamou wei bäma tä da joya. Wa̦lidiwä bäma tä fujeblaö si ijejewä lä mlai tä ca̦i. Ö̦jö däjä Yai Bada tänö bämalecö taamaö lä bufii weinaja, bämacö cuaaö cadidou fe da yadio.

Hebreos 13:13

Ö̦jö cudeenö, cama lija bämacö yaua fa showadaicunö, Jesús a nö ca̦i yamili bleaamaö siboo lä cuono wejeinaja, inaja bämacö taamamou ojodao cuo mö feduobä.

Hebreos 6:10

Cama lija wamacö lä ojodamou wei tä lä cui, Yai Bada tänö tä nofi mojodubobä a malä mlai. A dodijaö. Yai Bada wama a nofimaö yalo, cama wama ebä lä bayeliblano wei, wama ebä bayeliblaö lä showale, tä daö.

Hebreos 6:12

Wamacö mojimou mlai ja, bä lä dodijaö wei wama bä yai owämabä. Bä lä dodijaö wei bä lä cui, bä bufi yanöcöwä ca̦i mölaö fa showaonö, Yai Bada tänö tä a̦fa lä wäqueno wei tä nia yai däaöje.

Hebreos 6:15

Ö̦jö cudeenö, bufi yanöcölanö Ablaamö a nö fa dadionö, Yai Bada tänö tä a̦fa lä wäqueno wei tä ya̦cumö dälema.

2 Pedro 1:6

Bufi dao wamacö culanö, bä bufi ca̦i da wasöo. Wamacö bufi wasöolanö, bufi yanöcöwä bä ca̦i da cuo. Bufi yanöcöwä wamacö culanö, Yai Bada nija bufi shaliliwä bä ca̦i da cuicu.

Apocalipsis 1:9

Camiyä Juan ya lä cui camiyä bämacö bluca. Jesucristo a nowa ja wamacö nö bleaamaö lä culajeinaja, inaja showawä camiyä yale nö ca̦i bleaamaö mö feduaje. Jesucristo a bälöa dodijiqueyoluu däjä, cafä wamacö nia lä cuo weinaja camiyä ya nia ca̦i cuo mö feduo. Ö̦jö wama a nö dabolanö wamacö nö wa̦lojaö fe lä yadio weinaja, camiyä ya nö ca̦i wa̦lojaö cuo mö feduo talei. ¿Ö̦jö tawä? Yai Bada ya etä a̦ wäyäö nofi jushuaö yalo, Jesucristonö tä a̦ lä wawämano wei ya etä a̦ ca̦i wayoablalaö fe yadia cudeenö, Bamo tä ulifi lä jo̦cole jamö wale shi wa̦limaquemaje.

Apocalipsis 3:10

¿Ö̦jö tawä? Iba bä nö wa̦lojaö fe yadioma, ya bä nowa lä tano weinaja showawä. Ö̦jö cudeenö, bita jamö yanowamö täbä bluca lä bälöblai bä wabamobä tä cublou däjä, bä nö nia yai lä bleaaö wei däjä, iba bä lä cui ya bä nia lojodomabou fe yadio.