Apocalipsis 2:12 - Biblia Yanowamö

¹² Ya tä lä möno wei, abinaja a cuu nomöjöoma. —Becamo jamö, iba bä lä yododaö wei bä nija a lä läle a lä cui nija, wa etä ca̦i nia oni shömaö. Sibala ya namö mö feduduwä lä showabole, wale wa̦no nia oniblaö.

Apocalipsis 2:12 Iomraidhean Croise

Hebreos 4:12

Yai Bada tä a̦ malä cule. Tä a̦ lofote. Sibala bä ma namo wei ma cui, Yai Bada bei tä a̦ yai lucäö si ijejewä yaiwä. Bei täbä bufi yai wawäblamaö. Bä nia lä cuaaö wei tä ma cui, bä bufi cuaablalou lä ja̦too wei tä ma cui, wawädowä etä dablamaö.

Apocalipsis 1:11

A wa̦ faö ja abinaja wale nowa tama. —Cafä nija tä lä wawäblou wei wa tä a̦ bluca fa oniblalönö, iba 7 bä lä yododoblai bä nijamö si oni da shömölö. Efesoteli bä nija ca̦i, Eminateli bä nija ca̦i, Becamoteli bä nija ca̦i, Diadilateli bä nija ca̦i, Saditeli bä nija ca̦i, Filadefiateli bä nija ca̦i, Laodiseateli bä nija ca̦i —wale nowa tama.

Apocalipsis 1:16

Jayu boconö shidicali 7 bä showaboma. Sibala namo mö feduduwä, bei caficö ja a waejeoma. Bei buficö lä cui, motoca a yo̦loloblou däjä a mömou shi dowäjäwä lä culenaja bei buficö mömou cuoma.

Apocalipsis 19:15

Täbä wayu ca̦i lä juu wei a lä cuinö, sibala namo mö feduduwä a ca̦i bada waejemabou. Ö̦jö a namonö, bä bälöblawä lä yaiblai bä nö nia bluca bleaamaö. Bä nosiemaö ja a wa̦ nia lojodoaö. Duo shibä judenö jaboca bä lä̦cashiblou si lä ijejeinaja bä nia taamaö. Yai Bada tä nö lä wa̦lojale a lä cui, a nö wa̦lowä lä jushuo wei a waitelimou bufiobä jamö bä lä löblaaö wejei bä lä cui, ö̦jönö bä nia calucaö.

Apocalipsis 19:21

Cabayo a ja a lä döcäo wei e sibalanö, ai bä bluca shäalalema, sibala namo mö feduduwä a bada lä waejemabou wei a showawänö. Ö̦jö däjä, yalo bä ösö jamö lä lelaadayou wei bä lä cui, ö̦jö bä ya̦jibä ja bä bluca bädölaliyoma.

Apocalipsis 2:1

Ya tä lä möno wei abinaja a cuu nomöjöoma. —Efeso jamö iba bä lä yododaö wei bä nija a lä läle a lä cui nija, wa tä a̦ nia oni shömaö. Jayu ya boconö, shidicali 7 ya bä lä showabole ya. Cowa wacöbä shi̦i cublamobä täbä lä i̦tatale jamö ya juadalou, olo bä ja täbä lä cui jamö. Ö̦jö ya lä cui wale wa̦no nia oniblaö.

Apocalipsis 2:16

Bä bufi mö yabajadou co̦obä, o̦jö lä. Bä bufi lädoimi ja, yedu ya bä nabä nia waloyoluu. Ya sibala lä waejemabole anö, bä doblou lä mlai bä nija ya nia ishoyoluu.

Jueces 3:16

A fuu showao mlao däjä, Aodo a lä cuinö, sibala si namö mö lä fedudui si taa fa balölänö, a lä didio wei sicö u̦eshi jamö a besi ya̦bou ja̦tooma, jayu boco lä cui wacu ja.