Apocalipsis 2:1 - Biblia Yanowamö

¹ Ya tä lä möno wei abinaja a cuu nomöjöoma. —Efeso jamö iba bä lä yododaö wei bä nija a lä läle a lä cui nija, wa tä a̦ nia oni shömaö. Jayu ya boconö, shidicali 7 ya bä lä showabole ya. Cowa wacöbä shi̦i cublamobä täbä lä i̦tatale jamö ya juadalou, olo bä ja täbä lä cui jamö. Ö̦jö ya lä cui wale wa̦no nia oniblaö.

Apocalipsis 2:1 Iomraidhean Croise

Mateo 18:20

Camiyä ya wa̦ ja, bolacadabö wamacö lä yododaö wei jamö, ö̦jamö lä camiyänö bämacö nia ca̦i cuo. Bolacabö wafäcö bädawä ma cui, inaja showawä —Jesús a cuma.

Mateo 28:20

Cafä wamacö nija ya tä tamaö lä bufino weinaja bä cuaaö mö feduo showaobä, bä damaö da cuaaje. ¿Ö̦jö tawä? Yai Bada tänö täbä jödödöwä waicaö showao mlao däjä, showadi bämacö ca̦i nia cudio —bä nowa tama.

Juan 5:35

Cowa wacö shi̦i lä culenaja a li Juan cuoma. Ö̦jö wama tä shi̦i nofi jaba doaö ma ojodaono wei ma cui, wamacö nö dedejeblonomi dicowä.

Hechos 18:19

Efeso jamö Pablonö cäcöbö ca̦i fa washölöblalunö, cäcöbö tabi feiquefälöma. Cäcöbö tabi fa feiquefälönö, judio bä yododabä yafi jamö cama Pablo a falayoma. Ö̦jamö Jesucristo etä a̦ wäyäö ja, judio bä nija a wa̦ lojodoama.

Hechos 18:21

Ö̦jö ma cui, a nia lä juu wei tä a̦fa wäyäö ja, abinaja a cuma. —Eja Yai Bada tänö wale shömaö co̦o ja, bämacö fe waloo co̦ofälöö weicätä —a cuma. Ö̦jö däjä, Efeso jamö a fa shu̦luculonö, a befi ca̦i caläa showalayofälöma.

Hechos 19:1

Colido jamö Abolo a cuo showao däjä, jefu bä jamö Pablo a jayuyou fa cuaaimadunö, Efeso jamö a co̦blaliyoma. Ö̦jamö a fa waloicunö, Jesucristo nija bä lä nocao wei ai ebä dalalema.

2 Corintios 6:16

Täbä nö jole ijidubö lä bufiblamou wei täbä lä cui, Yai Bada etä yafi jamö ¿ö̦jö täbä nia dablamou daanö? ¿Ö̦jö tawä? Ja̦o. Camiyä bämacö lä cui, ¿Yai Bada bäma ecö yafibömi daanö? Yai Bada tä demi cua shi lä wa̦lile, ö̦jö bäma ecö yafibö malä cui. Yai Bada etä a̦ oni lä cuu weinaja showawä. Abenaja Yai Bada a cuma. Ö̦jö ya bä ca̦i nia bälöo. Ya bä nia ca̦i fuu. Cama bä lija showadi ya nia bufiblamodii. Iba bä nia yai cuo.

Apocalipsis 1:16

Jayu boconö shidicali 7 bä showaboma. Sibala namo mö feduduwä, bei caficö ja a waejeoma. Bei buficö lä cui, motoca a yo̦loloblou däjä a mömou shi dowäjäwä lä culenaja bei buficö mömou cuoma.

Apocalipsis 1:20

Jayu ya boco jamö shidicali 7 wa bä lä möfe täbä jamö, ya tä a̦ nia wawämaö, wa bufi wedinajamou mlaobä. Ö̦jö bä lä cuinö, iba 7 bä lä yododoblai etäbä bada lä läo wei täbä jömamou. Camiyänö ya ebä lämabou. Cowa 7 wacöbä cublamobä täbä lä cuinö, iba 7 bä lä yododoblai bä li jömamou mö feduo —a cuma.

Apocalipsis 12:1

Ö̦jö däjä, tä nia lä cublou wei tä jömabä, judu möso jamö ai tä nö bada quilijiwä bädaledayoma. Suwä a wawälayoma. Motoca a ja a didioma. Belibo a jamö mamicö döcäoma. Shidicali 12 bä yojoboma.

Apocalipsis 2:12

Ya tä lä möno wei, abinaja a cuu nomöjöoma. —Becamo jamö, iba bä lä yododaö wei bä nija a lä läle a lä cui nija, wa etä ca̦i nia oni shömaö. Sibala ya namö mö feduduwä lä showabole, wale wa̦no nia oniblaö.

Apocalipsis 2:18

Ya tä lä möno wei, abinaja a cuu nomöjöoma. —Bei. Diadila jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada ya e Ijilubö. Cowa wacö lä culenaja ya mamocu mömou nö quilijiwä cuwä. Duo shibä shi de̦lelewä lä culenaja ya mamicö cuwä. Ö̦jö ya lä cui, wale wa̦no nia oniblaö.

Apocalipsis 2:8

Ya tä lä möno wei, abinaja a cuu nomöjöoma. —Emina jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä jaba ya, jödödö ya ca̦i. Nomawä ya ma cuono wei ya demi jocädou co̦layoma. Ö̦jö ya lä cui wale wa̦no nia oniblaö.

Apocalipsis 3:1

Ya tä lä möno wei, abinaja a cuu nomöjöoma. —Bei. Sadi jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada etä a̦ juamobä ebä 7 yai lä cui, camiyänö ya ebä juwäbou. Shidicali 7 bä lä cui ya bä ca̦i showabou. Ö̦jö ya lä cui, wale wa̦no nia oniblaö. ’Iba Saditeli bä lä cuaaö wei ya tä daö. Bä mömou dodijidawä cudeenö bä a̦fa demi taö ma cujei bä demimi. Bä nomawä.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.

Apocalipsis 3:7

Ya tä lä möno wei, abinaja a cuu nomöjöoma. —Filadefia jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä yami ya lä yaile ya. Ya lä bejedimou wei ya. Bada tä David a lojode jömaö ayaobä tä caloblamodima lä cui, camiyänö ya tä tabou nomöjöa lä cule. Camiyänö ya yoca calobou waiquia ja, yoca nia laaimije. Ya yoca labou ja, yoca nia ca̦i caloblaimije. Ö̦jö ya lä cui, wale wa̦no nia oniblaö.