Apocalipsis 19:3 - Biblia Yanowamö

³ Ö̦jö däjä bä a̦ i̦cali faö co̦oma. Abinaja bä cuma. —¡Yai Bada tä nofi da doaje! Bä nö bleaabä jamö, bä wa̦queshi nia tolucublamou shi wa̦lii —bä cuma.

Apocalipsis 19:3 Iomraidhean Croise

Génesis 19:28

tä möö mö wädäama. Sodomateli bä ulifibö möö fa cuaanö, Comolateli bä ulifibö möö fa cuaanö, ö̦jö tä ulifi lä yalöi tä möö jödödou fa cuaanö, tä waqueshi tolucaö dalalema. Cowa wacö bada waumodou lä cuo weinaja, waqueshi bä bada ushujuwä ulelou cuaama.

Judas 1:7

¿Ö̦jö tawä? Sodomateli bä ma cui, Comolateli bä ma cui, ö̦jamö bä bälöblao fe lä fa̦yoono wei bä ma cui, inaja bä yabäcäo cuo mö feduo showaoma. Bä nofi ca̦i beshili jushublalou nö quiliadima. Ö̦jö cudeenö, cowa ba̦limi wacöbänö Yai Bada tänö bä nö blemalalema. ¿Ö̦jö tawä? Bämacö quilibä tä a̦.

Apocalipsis 14:11

Bä nö bleaabä jamö, ö̦jö bä wa̦queshi nia tolucudio shi wa̦lii. Bä yanöcöblou balöa mlai ja, showadi bä nö nia shino bleaadii. Yalo a waiteli jaba ma cui nija, a nö idubö ma cui nija, ö̦jö cäcöbö nija bä nö bayeli nacaobä bä möfe lä boo wei, inaja bä nia taamaö, ö̦jö etä a̦fa oninö bä ca̦i lä oniblamou wei —a cuma.

Apocalipsis 18:18

Babiloniateli bä shabonobö lä ö̦shöö wei bä wa̦queshi dablaöje ja, bä bufi wa̦lidilanö abinaja bä nia cuu. —Ei täbä a̦fa lojode lä wäyäno wejei täbä lä culenaja, ¿wedi jamö ai täbä lojode li cuwä mö feduwä? Täbä ai cuami waiquiwä —bä nia cuu.

Apocalipsis 18:9

Bita jamö bä bada lä bälöblai bänö, Babiloniateli bä nija bä lä joleblalono wei bä lä cuinö bä nomöa ni bouje. Madofi täbä ja Babiloniateli bä bufi fa yaimonö, täbä lä bufii wejei täbä däablaö lä showadaono wejeinaja, cama bä ma cui bä ca̦i cuaaö mö feduo showaoma. Bä shabonobö lä ö̦shöö wei tä wa̦queshi dablaöje däjä bä nia ö̦cöö.

Apocalipsis 19:1

Ö̦jö a̦jele a wa̦ faö fa balöonö, fedu jamö ai ya täbä a̦ i̦cali faö ji̦lilema. Jai bluca täbä co̦camolayoma dejemi täbä a̦ bada ji̦limamou cuoma. Abinaja täbä cuma. —¡Yai Bada a nofi da doablaje! ¡Bämalecö lä jucäaö wei ö̦jö a, Yai Bada bäma a lä bufibou wei a lä cui! ¡Ö̦jö a wa̦fa shino doblao tamobä! ¡Ö̦jö a nö shino wa̦lojaö ayawä!

Apocalipsis 19:4

Ö̦jö däjä bada 24 bä lä cuinö, yaitawä 4 bä ca̦i lä cuinö, Yai Bada a döcäobä etäcö cotä jamö bä möfe bolanö, a lä döcäle a wa̦fa Bada doblao tamaje. Abinaja bä cuma. —Inaja lä tä cuobä. ¡Cafä wa nofi yai doamobä! —bä cuma.