Apocalipsis 17:3 - Biblia Yanowamö

³ Ö̦jö däjä Yai Bada tä Bufinö wale lojodobou showao däjä, ulifi bloque a jamö wale bälaquema. Yalo waiteli wacä a jamö, suwä ya döcäa dalalema. Yai Bada tä nö lä waiblaö wejei tä a̦ oninö, a yalo waiteli onio nö mlaoma. Bei febä 7 cuoma, bei yo̦labä 10.

Apocalipsis 17:3 Iomraidhean Croise

1 Reyes 18:12

’¿Ö̦jö tawä? —a cuma—. Ya fulayono wei ja, Jeobaa a Bufinö wa nia shomi jamö bälaö juo ja̦too, “Quijamö daanö”, ya bufi nö cubö lä mlai jamö. Inaja tä fa cuonö, Acaba a bada lija cafä bä a̦fa wäyäö ja, eja wa nia ma dayäaö wei ma cui, wa dablaimi tä nowa ja, wale nia shäö. ¿Ö̦jö tawä? Cafä bä nosie fuamobä ya lä cuinö, ya fiyao däjä Jeobaa ya nö quili lä tano weinaja ya cua lä showale däjä ma cui, wale nia shämaö —e cuma.

Mateo 27:28

Ö̦jamö lä Jesús camishi ecö fa jayublalöjenö, wacä labe cäcö ja a jole jole lucäa nomöjömalemaje, bä nö bada ö̦jöböamobä, bä showadi lä didio wei cäcö lä culenaja cäcö ja.

Hechos 8:39

Cäcöbö washölöblou fa co̦lonö, Yai Bada tä Bufinö Felipe a däa showadalefälöma. ¿Ö̦jö tawä? Bada tänö Felipe a dablaö co̦o mlai ja, a bufi ca̦i doblao co̦a co̦layoma.

2 Tesalonicenses 2:4

Yai Bada a ma cui lija, täbä bluca lä bufiblamou wei täbä ma cui ja, a wa̦ nia lämou. “Camiyä wamale bufiblabä cä ya waiquiwä”, a nia cuu. Yai Bada etä yafi ma cui ja, a fa lucälönö, ö̦jamö lä a nia loo läo bashio.

Apocalipsis 1:10

Bada tä Jesucristo ebä yododabä tä mö jalu ja, Yai Bada tä Bufinö wale lojodobolanö, bei ya mabucabö jamö ya wa̦ ji̦lia mö talema. Amowa fibä jolaöje däjä fibä a̦ nacläaö lä cuaaö weinaja a wa̦ nacli cuoma.

Apocalipsis 12:14

Ö̦jö ma cui, ulifi bloque jamö a suwä yäfälöbä, mojomö majecö bada ja, a dobämolayoma, yaitawä täcö ja a docubä. A nia lä bayeliblamono wei jamö, belibo 42 a lublou showao mlao däjä, a nofi nia yashuo balöoma.

Apocalipsis 12:3

Ö̦jö däjä, ai tä nö quilijiwä damoa nomöjöa co̦laliyoma. ¿Ö̦jö tawä? Yaitawä täcö bada wacä wawälayoma. 7 febä cuoma, 10 bei yo̦labä ca̦i. Bei febä jamö, bada täbänö bä lä yojobou wejei täbä wai 7 yojoblamoma.

Apocalipsis 12:6

Ö̦jö däjä, ulifi bloque jamö a suwä doculayoma, a nofi yashuobä, Yai Bada tänö tä ulifi nofi tabou lä waiquiono wei jamö. Belibo 42 a lublou showao mlao däjä, ö̦jamö a nia bayeliblamoma.

Apocalipsis 17:18

’¿Ö̦jö tawä? —a cuma—. Ö̦jö wa suwä lä möno wei a lä cuinö, bä a̦fa yai lojode lä wäyäö wejei bä shabonobö jömamou. Bita jamö bä bada lä bälöblai, ö̦jö bä nija bä bluca nosiemamou —wale nowa tama.

Apocalipsis 17:4

Wacä ushujuwä cäcö ja a suwä didioma, wacä mö jude cäcö ca̦i ja. Olo bänö a baushioma, maa mabä baushi nowa wai lä bluca wei mabä ca̦inö. Dobä bä nowa wai au lä bluca wei bä ca̦inö. Uba nashiwä toubä fe ca̦i lajowä däboma, olo bä ja tä lä cui tä ja. Ö̦jö toubä lä cuinö, a suwä doblou lä mlai etä jömamoma, Yai Bada tänö tä tamaö nofi lä wa̦libou wei etä lä cui. A showadi lä joleblalou wei etä showawä lä cui.

Apocalipsis 18:12

Olo bä ma cui, blada bä ma cui, maa mabä baushi nowa wai lä bluca wei mabä ma cui, etäbä nia doaö co̦daaimije. Dobä bä nowa au lä bluca wei ebä nia ca̦i doaö co̦daaimije. Camishi shuducaje au bä ma cui, wacä ushujuwä bä ma cui, wacä mö jude bä ma cui, ö̦jö bä nia doaö co̦daaimije. Fii fibä nö lä cle̦deli wei fibä lä̦cashi ma cui, jai yalo bä yo̦lacö cuwä ja täbä lä tablaö wejei täbä ma cui, etäbä nia ca̦i doaö co̦daaimije. Fii fibä nowa lä bluca wei fibä ja täbä madofi lä tablaö wejei täbä ma cui, duo shibä ja täbä lä tablaö wejei täbä ma cui, duo jude shibä ja täbä lä tablaö wejei täbä ma cui, maa liyäjäwä mabä ja täbä lä tablaö wejei täbä ma cui, etäbä nia ca̦i doaö co̦daaimije.

Apocalipsis 18:16

Abinaja bä nia cuu. —¡Shädayai! Babiloniateli bä a̦fa lojode lä wäyäno wejei bä fei däjä cuami. Camishi shuducaje au bä ja bä didioma. Wacä ushujuwä bä ca̦i ja, wacä mö jude bä ca̦i ja. ¡Shädayai! Olo bä ja bä baushimoma. Maa mabä baushi nowa wai lä bluca wei mabä ca̦i ja. Dobä bä nowa au lä bluca wei bä ca̦i ja.

Apocalipsis 21:10

Ö̦jö däjä Yai Bada tä Bufinö wale lojodobolanö, bei macö ösöwä jamö wale bälaquedayoma. Ö̦jamö ya fa bälacudunö, camiyä nija Jelusale a shabono dude damalalema, Yai Bada etä shabono lä yaile. Yai Bada tä lä cule jamö a cuoma ya itou dalalema.

Apocalipsis 4:2

Yedu, Yai Bada tä Bufinö wale lojodobolanö, Bada a lä döcäo wei etäcö jamö, ya fedu jamö döcäa dalalema. ¿Ö̦jö tawä?