Apocalipsis 16:2 - Biblia Yanowamö

² Inaja bä nowa tama cudeenö, a̦jele jaba a lä cuinö, ulifi jamö e toubä ca̦i fa alunö e toubä löblalema. E toubä fa löblalönö, yalo waiteli etä oninö täbä lä oniblamono wei bä lä cui, bä nö bleaaö fe balojooma, ö̦jö a nö idubö nija bä möfe bolanö a wa̦fa bada doblao lä tano wejei bä lä cui. Bä nö walacasibö nö ji̦tali falaliyoma.

Apocalipsis 16:2 Iomraidhean Croise

Hechos 12:23

Yai Bada a nofi shino doablamobä tä ma cule ma cui, cama Elode a nofi yaimamou bufi fa doblaonö, yedu Yai Bada a̦jele etä isholayoma. Mosha bä nija Elode a nabä fa shömöcönö, a nomamalema.

Apocalipsis 13:12

¿Ö̦jö tawä? Yalo waiteli a jaba lä wawälayono wei jamö a culanö, a wa̦ bayeliblaö. Jaba a lä cui a wa̦ ji̦limamou blaucou lä culenaja, ö̦jö a wa̦ ca̦i ji̦liaö blaucaö mö feduaje. Bita jamö bä yanowamö bluca lä bälöblai, ö̦jönö bä nosiemaö. Bä möfe bolanö, yalo a waiteli jaba lä cui a wa̦fa bada doblao tabeje bä nosiemaö, a bada jaloa fe lä yadilayono wei a lä cui.

Apocalipsis 14:16

Inaja a nowa tama yalo, ölajashi jamö a lä döcäono wei a lä cuinö, bita jamö a ca̦i sibala quea showadaquema. Bita jamö täbä lä bälöblai bä nia lä tano wei bä taö showadaoma, nii bä lä tamou weinaja showawä.

Apocalipsis 14:9

Ö̦jö a nodi jamö, ai a a̦jele wawäblou co̦layoma. Ö̦jö a̦jele 3 a lä cui, a wa̦ i̦cali faö ja, abinaja a cuma. —Yalo a waiteli jaba ma cui nija, ö̦jö a nö idubö ma cui nija, ö̦jö cäcöbö nija bä möfe bolanö, cäcöbö a̦fa bada doblao taö dicooje ja, Yai Bada tänö ö̦jö bä nö nia bleaamaö. Cama etä oninö bä wäyäcu ca̦i oniblamou dicoo ja, bä imicö ca̦i oniblamou dicoo ja, inaja showawä bä nö nia yai bleaamaö. Uba nashiwä toubä fe lajoblaö lä cuaaö wejeinaja, Yai Bada tä nö wa̦lowä lä jushuo wei tä ma cui, inaja showawä tä fe lajoblamaö lä cuimadi. A bufi nö asimobimi waiquiwä cudeenö, cama nashiwä e toubä mö jude ma cui, bä fe nia coamaö fe yadio. Cowa wacöbä ma cui ja, cowa yaitawä nacli wacöbä ma cui ja, bä nö nia yai bleaamaö. A̦jele bä lä yaile jamö bä nia inaja taamaö, Oweja a wa̦fa ocalo lä jilamou wei a lä cule jamö showawä.

Apocalipsis 16:1

Ö̦jö däjä, yano yai nowamaö lä dodijio wejei yano jamö, ai ya wa̦ bada ji̦lilema. I̦cali a wa̦ faö ja, abinaja a̦jele 7 bä lä cui bä nowa tama. —Bei. Bä da alufälö. Yai Bada tä nö wa̦lowä lä jushuo wei tä jömamobä toubä 7 lä cui, bita jamö toubä da löaboduje —bä nowa tama.

Apocalipsis 16:11

Bä nö ninili bleaaö yalo, Yai Bada tä fedu jamö lä culadi tä wafäblamaje, bä walacasi wayuo showaoma cudeenö. Bä doblou lä mlai tä ja, bä bufi mö ca̦i yabajadonomi.

Apocalipsis 8:7

A̦jele jaba a lä cuinö, cama efi jaba jolaö däjä, bita jamö bleyula bei bä bada blalölödou showadalayoma. Ö̦jamö lä cowa wacöbä ca̦i bläläö coyocaö showadaoma, i̦yä i̦yä bä ca̦i. Ö̦jö bä wacänö ulifi ai a mashi ö̦shölayoma. Ö̦jamö lä fii fibä ca̦i ö̦shöa showadalayoma. Moimoima a ca̦i liyä ö̦shöö jödödöblaliyoma.