Apocalipsis 14:3 - Biblia Yanowamö

³ ¿Ö̦jö tawä? Bada tä döcäobä etäcö mashi jamö bä culanö, amowa dude tä a̦ taöje, yaitawä 4 täbä fe lä fa̦yoono wei jamö. Bada 24 ebä ca̦i döcäo yädäo lä ajedeono wei jamö. ¿Ö̦jö tawä? Bita jamö bä lä cublai bä nija, Yai Bada 144.000 ebä nowa lä co̦maqueno wei bä lä cuinö, ö̦jö bänö tä a̦ li amowa shi̦lo taö daö ayaoje.

Apocalipsis 14:3 Iomraidhean Croise

Salmo 40:3

Amowa ya tä a̦ tabä, dude tä a̦ jibäbema. Yai Bada bäma tä lä bufiblale tä jamö, ya tä a̦ yädämabobä. Ya nofi doablabä. Wale lä bayeliblano wei, bluca bänö tä nia dablaöje. Bä nia quilii. Jeobaa a nofi nia mölabouje.

1 Corintios 1:18

Shobali wacä jamö täbä cadidou lä showai täbä lija, fii balitama tefi ja Jesucristo a lä shäleno wejei tä a̦ ji̦limamou nofi mojodi talei. Cama bä lija tä a̦ ji̦limamou nofi ma mojodi wei ma cui, camiyä bämacö lä fucäamou wei bämacö lija tä a̦ ji̦limamou yai walalawä. Ö̦jö tä a̦nö Yai Bada tä lofote dablamou.

1 Corintios 2:14

Yai Bada tä Bufi tabou lä mlajei bä lä cuinö tä a̦ ji̦liaö möblaimije. Yai Bada lija bä bufi jaducäo fa mlacunö, tä a̦ ca̦i ji̦liaö bufiomije. Tä Bufi taboimije yalo, tä a̦ nö bejedi ö̦jöböblaimije.

Apocalipsis 14:1

Ö̦jö däjä Siono cäcö jamö ya tä fa mönö, Oweja a wa̦fa ocalo lä jilamou wei ya ublaa dalalema. Cama 144.000 ebä ca̦i cuoma. Ö̦jö ebä lä cuinö, bei bä wäyäcu jamö cama a wa̦fa oni tabomaje, bä Fö̦ö e a̦fa ca̦i oni showawä.

Apocalipsis 15:3

Yai Bada a nosie juamobä a Moisesi lä cuinö, ö̦jönö tä a̦ amowa taö lä balöono wei tä a̦ taö co̦omaje, Oweja a wa̦fa ocalo lä jilamou wei tä a̦ ca̦i lä tano wei tä a̦ lä cui. Abinaja bä amowabö a̦ cuma. Cafä Yai Bada wa Bada lä cuinö, wa nö yai lä wa̦lojaö wei wa lä cuinö, wa tä lä taö wei tä nö bluca lojode quilijiwä. Bä bälöjou lä yaiblai bä nija wa Bada läo shi lä wa̦lii wei wa lä cui, showadi wa dodijaö. Showadi wa ca̦i bejedimou.

Apocalipsis 2:17

’Bä yömöcacö lä walalai bä yömöca dao dodijiobä —a cuma—. Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei bä lä cui, ya bä nia iyamaö, nii manaa bä lä jo̦yale bä ja. Maa au ya mabä nia ca̦i oni jöbäö. Dude a wa̦fa ca̦i lä onile, ya mabä nia jöbäö, a wa̦fa daö lä mlajei. Mabä lä däaö wejei bä lä cuinö a wa̦fa nia shino daöje.

Apocalipsis 5:9

Amowa dude tä a̦ ca̦i tamaje. Abinaja bä amowabö a̦ cuma. Oni wa si däabä, mai wa cocobä caloblabä, cafä wa yai. Cafä wa shämou fa läonö, bei wa i̦yäbönö yanowamö wa täbä nowa bluca malä comaqueno wei. Yai Bada tänö bä tabobä, bluca bä yaiablalou lä nodiaö wei bä nijamö, cama wa ebä nowa comaquema. Bluca bä caficö a̦ lä bou wejei bä nijamö ca̦i. Shomi bä bluca lä bälöblai bä nijamö ca̦i. Bluca bä bälöblawä lä yaiblai bä nijamö ca̦i.

Apocalipsis 7:4

Ö̦jö däjä, bei bä wäyäcu nia lä onimano wejei, 144.000 ya bä a̦fa bluca ji̦lilema. Isaeli bä ijilubö ebä nija bä 12 yaiablalou lä nodiano wei, ö̦jö lä bä mashi yai li cuoma.