Apocalipsis 13:4 - Biblia Yanowamö

⁴ Yalo waiteli a nö wa̦lojomaboma yalo, yaitawä täcö nija bä möfe bolanö, täcö a̦fa bada doblao tamaje. Yalo waiteli a ma cui, ö̦jö nija bä möfe bolanö, a wa̦fa bada doblao ca̦i taö mö feduoje ja, abinaja bä cuma. —Cafä yalo waiteli wa lä culenaja, ai a cua bädaami. Cafä nija bä nö nia lä wa̦lojaö wei bä cuami —bä cuma.

Apocalipsis 13:4 Iomraidhean Croise

Éxodo 15:11

Jeobaa wa lä cui, täbä lä bufiblamou wei täbä nijamö, cafä wa lä culenaja ai tä cuami. Tä cuami waiquiwä. Cafä wa lä doblao wei, wa yami yaia. Tä nö quili tamobä tä ma cui, tä nofi doablamobä tä ma cui, ai tä cuami waiquiwä. Täbä nö lä quilijii, cafänö wa täbä shino yai wawämaö daö ayawä.

2 Corintios 4:4

Bita jamö Sadanasi a bada lä bufiblamou wei a lä cuinö, ö̦jönö bä bufi mojodumabou. Dodijidawä tä a̦nö bä bufi wacacablou mlaobä cama etä a̦ li lämaö. Tä a̦ bejedi bufii lä mlajei, showadi inaja bä li taamaö, Cristo a nö doblao ö̦jöböaö mlaobeje. ¿Ö̦jö tawä? Yai Bada a cuwä lä dodijiinaja, Cristo a cua mö fedua.

2 Tesalonicenses 2:4

Yai Bada a ma cui lija, täbä bluca lä bufiblamou wei täbä ma cui ja, a wa̦ nia lämou. “Camiyä wamale bufiblabä cä ya waiquiwä”, a nia cuu. Yai Bada etä yafi ma cui ja, a fa lucälönö, ö̦jamö lä a nia loo läo bashio.

Apocalipsis 12:3

Ö̦jö däjä, ai tä nö quilijiwä damoa nomöjöa co̦laliyoma. ¿Ö̦jö tawä? Yaitawä täcö bada wacä wawälayoma. 7 febä cuoma, 10 bei yo̦labä ca̦i. Bei febä jamö, bada täbänö bä lä yojobou wejei täbä wai 7 yojoblamoma.

Apocalipsis 12:4

Bei cäcö shinanö, judu mösö jamö bä shidicali lä culadi bä mashi fa yashishiblalönö, bita jamö bä blälämalalema, bei cäcö shinanö. Ö̦jö däjä, suwä a ninimobä jamö cäcö icuquema, bä ijilubö e tablaö däjä a sufaö nocao showadaobä.

Apocalipsis 13:11

Ö̦jö däjä ya tä fa mönö, mashita jamö yalo ai ya waiteli faö dalalema. Ö̦jö a lä cui bolacabö yo̦lacö cuoma, oweja ijilubö yo̦lacö wai lä culenaja showawä. Yaitawä tä nö quiliabä, tä a̦ faö nö lä cuobö weinaja a wa̦ faö cuoma.

Apocalipsis 13:15

Ö̦jö däjä yalo a waiteli faö lä co̦ono wei a lä cui, cama fö̦shöacönö a nö idubö demidamabä etä jöbämoquema, yalo waiteli a jaba lä cuono wei a nö idubö lä cui. A wa̦ nö idubö famabä etä ca̦i jöbämoa showadaquema. Ö̦jö a wa̦ nö idubö ja, yalo waiteli a jaba lä cuono wei a wa̦fa bada doblao taö lä mlajei bä lä cui, bä shämaö bufibä a wa̦ nö idubö famama, ö̦jö a nö idubö ja bä möfe boo lä mlai bä lä cui.

Apocalipsis 13:2

Yalo ya waiteli lä dalaleno wei a lä cui, qui̦danali bä lä culenaja a cuoma. Bei mamicö lä cui, däbä bä mamicö lä culenaja mamicö cuoma. Öla bä caficö lä culenaja caficö cuo mö feduoma. Ö̦jö däjä yaitawä täcö lä cuinö a yädämalema. A lojode cublou mö feduobä etä jöbäquema. Cama etäcö jamö täcö döcälanö, täcö nosiemou lojode lä culenaja a cublou mö feduobä, a dobälema.

Apocalipsis 17:14

Oweja a wa̦fa ocalo lä jilamou wei a nabä nia queo ma cujei, ö̦jö a lä cuinö bä nö nia shino bleaamaö ayao. Ö̦jö a shino Bada lojode malä ayai. A nö shino lä wa̦lojaö wei, ö̦jö a Bada. Oweja a wa̦fa ocalo lä jilamou weinö bä ca̦i lä juu wei bä lä cui, Yai Bada tänö bä lä nacano wei ö̦jö lä cäbä. Bä yailema. Ö̦jö bä bejedimou —a a̦jele cuma.

Apocalipsis 18:18

Babiloniateli bä shabonobö lä ö̦shöö wei bä wa̦queshi dablaöje ja, bä bufi wa̦lidilanö abinaja bä nia cuu. —Ei täbä a̦fa lojode lä wäyäno wejei täbä lä culenaja, ¿wedi jamö ai täbä lojode li cuwä mö feduwä? Täbä ai cuami waiquiwä —bä nia cuu.

Apocalipsis 9:20

Ö̦jö ma cui, ö̦jö 3 bä wayunö bä yanowamö lä feiblaliyono wei bä lä cui, bä nomaö lä mlaono wei bä lä cui, bä bufi mö yabajadonomi. Nö idubö täbä lä bufiblamou wei täbä joyanomije. Bä möfe bolanö täbä a̦fa bada doblao taö showao fe yadiomaje. Olo bä ja ai bä tablamaje, blada bä ja ai, duo shibä ja ai, maa mabä ja ai, fii fibä ja ai. Ö̦jö bä lä tablamolayono wei bä lä cuinö täbä möimi ma cujei, täbä a̦ ji̦liaimi ma cujei, bä ca̦i cama juimi ma cui, bä bufiblaö fe yadiomaje. Fecula bä ca̦i lä bufiblano wejei tä ma cui ja, bä bufi ca̦i lädonomi dodijiwä.

1 Samuel 17:24

Coliado a dablaöje däjä, Isaeli ebä bluca docua co̦layoma. Bä quilii fe balojooma.