Apocalipsis 13:3 - Biblia Yanowamö

³ Ö̦jö yalo waiteli ai fe ja, dusi bada ya etä bada dalalema. Jai a nö nomaa cadidia showadalayobö etä mömou cuoma ma cui, a jaloa co̦a fe fa yadilönö, bita jamö bä bluca lä bälöblai, ö̦jö nija bä bufi fa möaanö, cama nija bä bufi cadidioma.

Apocalipsis 13:3 Iomraidhean Croise

Lucas 2:1

Juan a oshe cuo showao däjä, Lomateli Aucuto a bada nosiemoma, cama bluca ebä lä bälöblai ebä a̦fa oniblamabeje.

Juan 12:19

Ö̦jö däjä, abinaja faliseo bä nowa tayoma. —Tä da möblaaje. Bäma a nö ja̦amabimi waiquiwä. Bluca bä lä bälöblai bänö, a bufii waiquiweje —bä nowa tayoma.

Hechos 8:13

Cama Simón a ma cui, ö̦jö tä a̦ ca̦i fa bufilänö, a fe ca̦i ojoblamolayoma. A fe fa ojoblamolunö, Felipe nija a nocaablalou showadaquema. ¿Ö̦jö tawä? Felipenö Yai Bada tä lojode dablamaö dodijioma. Tä nö lä quilijii tä bluca tama, tä tamou dao lä mlai. Ö̦jö tä bluca fa mönö, Simón a bufi shädayaimoma.

Apocalipsis 13:12

¿Ö̦jö tawä? Yalo waiteli a jaba lä wawälayono wei jamö a culanö, a wa̦ bayeliblaö. Jaba a lä cui a wa̦ ji̦limamou blaucou lä culenaja, ö̦jö a wa̦ ca̦i ji̦liaö blaucaö mö feduaje. Bita jamö bä yanowamö bluca lä bälöblai, ö̦jönö bä nosiemaö. Bä möfe bolanö, yalo a waiteli jaba lä cui a wa̦fa bada doblao tabeje bä nosiemaö, a bada jaloa fe lä yadilayono wei a lä cui.

Apocalipsis 13:14

A lojodoablalobä a dobämolayoma cudeenö, yalo waiteli a jaba lä cuono wei jamö a culanö, tä nö lä quilijii tä bluca wawämaö. Ö̦jö tänö, bita jamö bä yanowamö lä bälöblai bä mölamaö. Yalo a waiteli jaba lä wawälayono wei a nö idubö tablabeje bä nosiemaö, sibala a namo mö feduduwänö a fa shämolunö, a demia co̦a fe lä yadilayono wei a lä cui.

Apocalipsis 17:10

Ö̦jö 7 febä showawä lä cuinö, bada 7 bä ca̦i bada jömamou. 5 bä bada läo balöoma ma cui, fei däjä bä cuami. 6 a lä cui a läa lä cule. Ai a lä cui, 7 a nia bada läo lä nomöjöo wei, a wawäbloimi showawä. Ö̦jö 7 a lä cui a läquei däjä, a nia läo nö dedeaimi.

Apocalipsis 17:11

Ai a nia ca̦i bada cuo, 8 a lä cui. Yalo a waiteli demi lä cuono wei a lä cui, a lä nomalayono wei a showawä lä cui, ö̦jö 8 a nia cuo. Ö̦jö ma cui, ö̦jö 7 bä bada lä cui bä nija a ca̦i coyocoa. A mö nia yai lä watäaö wei jamö, ö̦jö a juu —a cuma.

Apocalipsis 17:13

Yalo yami a waiteli bada yai läo ayaobä, ö̦jö bä bufi nia bada shaliliblou. Ö̦jö a shino bada nosiemou fa ayaonö, a wa̦ nia juaöje.

Apocalipsis 17:17

Yai Bada tänö bä bufi nia taamaö, camanö tä wawämaö bufi lä doblao wei etä cublobä. Camanö bä bufi taamaö cudeenö, cama bä a̦ fabä bä waiquiwä ma cui, yalo waiteli a bada nosiemou ayaobä bä bufi nia shaliliblou. Yai Bada tänö tä nia jo̦wa lä taö wei tä jödödöblou showao mlao däjä, yalo waiteli a nosie nia juaöje.

Apocalipsis 17:6

Ö̦jö ya suwä möö ja, ya shi wa̦li dalalema. Yai Bada ebä i̦yäbönö a shi wa̦lima, Jesucristo a nofi mölabou fe lä yadiono wejei bä lä shäalaleno wejei bä i̦yäbönö. Ya suwä möö däjä ya bufi ca̦i shädayaimoma ma cui,

Apocalipsis 17:8

Yalo wa waiteli lä dalalufe, a demi cuoma ma cui a nomalayoma. A mö nia yai lä watäaö wei jamö a jubä, täca fe jolocoa lä mlabodi jamö a nia faö co̦o. ¿Ö̦jö tawä? A ma cuono wei ma cui, fei däjä a cuami nomöjöwä. A cua ma mlai a nia wawäa co̦layou. Ö̦jö cudeenö bita jamö bä yanowamö lä cublai bä bufi nia shädayaimou, ba̦limi bä cudiobä Yai Bada tänö bä a̦fa lä onibole si ja, bä a̦fa oni cua lä mlai. Ulifi a tablamou showao mlao däjä, bä a̦fa oni cuo showadao lä mlaono wei bä lä cui —wale nowa tama.