Apocalipsis 12:3 - Biblia Yanowamö

³ Ö̦jö däjä, ai tä nö quilijiwä damoa nomöjöa co̦laliyoma. ¿Ö̦jö tawä? Yaitawä täcö bada wacä wawälayoma. 7 febä cuoma, 10 bei yo̦labä ca̦i. Bei febä jamö, bada täbänö bä lä yojobou wejei täbä wai 7 yojoblamoma.

Apocalipsis 12:3 Iomraidhean Croise

Apocalipsis 12:1

Ö̦jö däjä, tä nia lä cublou wei tä jömabä, judu möso jamö ai tä nö bada quilijiwä bädaledayoma. Suwä a wawälayoma. Motoca a ja a didioma. Belibo a jamö mamicö döcäoma. Shidicali 12 bä yojoboma.

Apocalipsis 12:13

Bita jamö yaitawä täcö shäyäamou fa damolalunö, bä ijilubö wa̦lo a lä tablaleno wei a nabä suwä cadidou showadaoma.

Apocalipsis 12:17

Ö̦jö däjä, suwä nija täcö nö wa̦lowä fa jushudalunö, bä ijilubö ai ebä nija a ishou mö juma, Yai Bada tänö tä tamaö lä bufii wei tä a̦ nofi lä cadidibou wejei bä lä cui nija. Jesucristo a wa̦fa lä wäyäö wejei bä nija ca̦i.

Apocalipsis 12:4

Bei cäcö shinanö, judu mösö jamö bä shidicali lä culadi bä mashi fa yashishiblalönö, bita jamö bä blälämalalema, bei cäcö shinanö. Ö̦jö däjä, suwä a ninimobä jamö cäcö icuquema, bä ijilubö e tablaö däjä a sufaö nocao showadaobä.

Apocalipsis 12:7

Ö̦jö däjä fedu jamö bä isholayoma. Miqueo a wa̦fa a̦jele bada lä culenö, cama ebä a̦jele ca̦i fa cuonö, yaitawä täcö nabä quequemaje. Yaitawä cama täcönö bä ca̦i lä cuono wei bä yai sho, bä ca̦i ishou mö feduoma.

Apocalipsis 12:9

Ö̦jö däjä Yaitawä täcö bada shäyäbalemaje, täcö cuo lä balöono wei täcö lä cui. Fecula bada täcö a̦fa jilou. Sadanasi täcö a̦fa ca̦i jilou. Jödödöwä bä lä bälöblai bä lä mölamaö wei täcö. Cama täcö ma cui, cama ebä ma cui, bita jamö ö̦jö bä bluca shäyäbalemaje.

Apocalipsis 13:1

Modu u jamö yalo ya waiteli faö dalalema. Bei yo̦labä 10 cuoma, bei febä 7. Bada täbänö täbä lä yojobou wejei täbä lä cui, bei yo̦labä jamö 10 täbä wai cublamoma. Bei bä fe jamö, oni oni ebä cublamoma, Yai Bada tä nö lä waiblaö wejei täbä a̦ oni.

Apocalipsis 13:2

Yalo ya waiteli lä dalaleno wei a lä cui, qui̦danali bä lä culenaja a cuoma. Bei mamicö lä cui, däbä bä mamicö lä culenaja mamicö cuoma. Öla bä caficö lä culenaja caficö cuo mö feduoma. Ö̦jö däjä yaitawä täcö lä cuinö a yädämalema. A lojode cublou mö feduobä etä jöbäquema. Cama etäcö jamö täcö döcälanö, täcö nosiemou lojode lä culenaja a cublou mö feduobä, a dobälema.

Apocalipsis 13:4

Yalo waiteli a nö wa̦lojomaboma yalo, yaitawä täcö nija bä möfe bolanö, täcö a̦fa bada doblao tamaje. Yalo waiteli a ma cui, ö̦jö nija bä möfe bolanö, a wa̦fa bada doblao ca̦i taö mö feduoje ja, abinaja bä cuma. —Cafä yalo waiteli wa lä culenaja, ai a cua bädaami. Cafä nija bä nö nia lä wa̦lojaö wei bä cuami —bä cuma.

Apocalipsis 15:1

Ö̦jö däjä tä nia lä cublou wei, judu mösö jamö tä nö lä quilijii ya tä daa co̦lalema. Tä nö yai lojode quiliaö dodijioma. A̦jele 7 ya bä dalalema, yanowamö täbä nö nia bleaamaö lä co̦ono wejei. Wayu wayu 7 bä showabomaje. Ö̦jö däjä, “Inaja lä waiquiwä”, Yai Bada a nia cudoma. Ö̦jö 7 bä wayunö täbä nö bleaamaö fa jödödöblalöjenö, a nö wa̦lowä lä jushuo wei etä nia mladou showadaoma.

Apocalipsis 16:13

Ö̦jö däjä ya tä fa mönö, yaitawä täcö caficö jamö, fecula wa̦lidiwä ya faö dalalema. Yalo a jaba waiteli lä cui, ö̦jö caficö jamö ai. Yalo waiteli ai a lä cui, ö̦jö caficö jamö ai. ¿Ö̦jö tawä? Ö̦jönö, yalo waiteli jaba lä cui a wa̦no shino wäyäma yalo, a wa̦no jole jole wäyälewä a wa̦fa jilamoma. Ö̦jö bä caficö ja fecula wa̦lidiwä bä lä fano wei bä lä cui, yoyo bä mömou wa̦lidiwä lä culenaja bä cuoma.

Apocalipsis 17:12

Abinaja a a̦jele cuma. —Yalo waiteli 10 wa yo̦labä lä möno wei yo̦labänö, shomi 10 bä nia bada läblamou mö lä feduo wei bä jömamou. Bä lämaboimi showaweje. Ö̦jö ma cui, yalo a waiteli sho bä nia bada läo. Bä läo däjä bä nö nia bada dedebloimi.

Apocalipsis 17:16

¿Ö̦jö tawä? Shomi bä bada jömamobä, yalo waiteli wa yo̦labä lä möno wei ya tä a̦ nia wäaö. Ö̦jö bä yo̦labä lä cuinö, yalo waiteli a ca̦i lä cuinö, suwä wa lä möno wei a nofi nia wa̦libouje, a showadi lä dodoo wei a suwä lä cui. Ebä madofi bluca nia lämaöje. Shinoco a nia tablamaöje. Ya̦jibä nia waöje. Cowa wacöbänö a mö nia watäamaöje.

Apocalipsis 17:7

abinaja a̦jele a lä cuinö wale nowa tama. —¿Wedi tabä bei wa bufi li shädayaimou cule? Ö̦jö suwä a lä cui nija wa bufi moyawäobä, ya etä a̦ nia wawämaö. A lä döcäo wei a yalo waiteli ma cui nija ya etä a̦ nia ca̦i wawämaö mö feduo, bei febä 7 lä cule, bei yo̦labä 10 ca̦i.

Apocalipsis 19:12

¿Ö̦jö tawä? Bei mamocu lä cui, jai cowa wacö lä culenaja mamocu cuwä. Bada täbänö täbä lä yojobou wejei täbä wai bluca ja, a fe yojoo. Cama a wa̦fa oni ma tamoqueno wei ma cui, cama a wa̦fa shino damou ayawä. Ai täbä nija a wa̦fa damamoimi.

Apocalipsis 20:2

Yaitawä täcö lä cui täcö bada juwäa showadaalema, täcö cuo lä balöono wei täcö lä cui. Fecula Bada täcö a̦fa cua. Sadanasi täcö a̦fa ca̦i jilamou. Täcö fa juwälönö täcö o̦caquema. Täca nö lä quilijibodi jamö täcö quea fa showadamabafälönö, yoca cofiböquema. Yoca caloblaö mlaobeje, etä ca̦i taa mö feduquema. ¿Ö̦jö tawä? Lasha 1.000 a lalou jaöo mlao däjä, täbä bälöblawä lä yaiblai bä mölamaö jaödao co̦o mlaobä, ö̦jamö täcö nia didibou balöoma. Lasha 1.000 a lalou co̦o däjä, a jujeblamobä etä nia cuo ma cui, a nö nia dedejeblamaimi.