Apocalipsis 12:2 - Biblia Yanowamö

² Suwä shöbönabö a cuoma. Bä ijilubö e tablaö bufio yalo, i̦cali a si̦lalamoma.

Apocalipsis 12:2 Iomraidhean Croise

Isaías 53:11

A bufi nö ma bleaano wei ma cui, ö̦jö tä dodijidawä fa dalalönö, a bufi nia doblao fe yadio. Jeobaa a nosie fuamobä a lä cui, a lä bejedimou wei ö̦jö a. Ö̦jö a lä daö wejei bä lä cui, a daöje yalo, jai bä bejedimou waiquiwä Jeobaanö bä nofi nia bluca tabou. Bä doblou lä mlai, cama lija etä nowa nia bluca yädäo.

Mateo 24:8

Ijilu bä nini jaba cuo däjä bä nö bleaaö lä culenaja, inaja showawä bä nö nia jaba bleaaö cuo. Ö̦jö jaba cätä bädawä.

Juan 16:21

’¿Ö̦jö tawä? —a cuma—. Suwä a lä cuinö ijilu a ninibou däjä, a nö bleaaö. Bä ijilubö e tablabä etä cublou waiquia cudeenö, a nö yai bleaaö. Ö̦jö ma cui, bä ijilubö e fa tablalönö, a nö lä bleaano wei tä ja, a nofi jo̦lio majöomi. Bä ijilubö dude e wai tabou yalo, a bufi doblalou majöquei.

Gálatas 4:19

U̦asimi cäbä. Ijilu bä ninibouje ja, bä nofi fo̦limamolanö bä tablaö shi jalimou lä cuaaö wejeinaja, inaja showawä Cristo wama ecö cublobä ya shi ca̦i jalimou cuoma. Fei däjä ma cui, Cristo lija wamacö bufi yai jaducäblobä, bufi yanöcöa mlai ja, shi jalimolanö bämacö yai taamaö bufi doblaa showaa lä cule.

Gálatas 4:27

Abenaja tä a̦ oni malä cuu wei. Wa shibönabödalou fa mlacunö, wa ijilubö cua lä mlai, a bufi yai da doblalo. Ijilu wa nini tabou lä mlai, a wa̦ shi dou fe da yadio. Bä fe̦yalobö e lä tabou wei a lä cui, ö̦jö a ijilubö bluca ma jilale ma cui, a shi̦loco nö lä beblalou wei a lä cui, ö̦jö bei a ijilubö shi̦lo yai blucablou yailayou. Einaja tä a̦ cuu.

Apocalipsis 12:4

Bei cäcö shinanö, judu mösö jamö bä shidicali lä culadi bä mashi fa yashishiblalönö, bita jamö bä blälämalalema, bei cäcö shinanö. Ö̦jö däjä, suwä a ninimobä jamö cäcö icuquema, bä ijilubö e tablaö däjä a sufaö nocao showadaobä.