Apocalipsis 11:8 - Biblia Yanowamö

⁸ “Ei bä shino yai lojode”, bä nofi lä tabolajei bä shabonobö jamö, ö̦jamö cäcöbö nia nomawä blaaö. Fii balitama defi jamö cama Bada e lä shäleno wejei jamö showawä. Sodoma ö̦jö a wa̦fa shabono yädämabou ja̦loaöje, Ejido a wa̦fa ca̦i.

Apocalipsis 11:8 Iomraidhean Croise

Génesis 13:13

¿Ö̦jö tawä? Sodomateli bä yai doblonomi. Bä nofi yai jushuama yalo, Jeobaa a nö waiblaö fe balojoomaje.

Génesis 19:24

Sodomateli bä nijamö ma cui, Comolateli bä nijamö ma cui, Jeobaanö cowa yaitawä wacöbä blälämaö nodio juoma, wacöbä nö u̦cucamou lä nacli wei wacöbä lä cui. Fedu jamö a culanö, wacöbä nö quiliwä fa blälämalalönö,

Éxodo 20:2

—Cafä wamacö nija ya bufiblamobä, camiyä bei ya Jeobaa. Ejido jamö wamacö nö lä bleaamano wejei däjä, bämacö lä co̦leno wei, ö̦jö ya.

Éxodo 3:7

Ö̦jö däjä, Jeobaa a wa̦ faö co̦oma. —Ejido jamö iba bä nö lä bleaale ya bä dablaö waiquia. Bada bä lä lämou wei bänö, bä shömaö fe blacäjouje ja, ya bä a̦ nö bleaaö ji̦liaö waiquia. Bä nö lä bleaale ya tä daö.

Mateo 10:15

Cafä wamacö nija ei ya wa̦ lä cui, bejedi lä ya wa̦. Yai Bada tänö täbä jömabä etä cublou däjä, Sodomateli bä nö nia ma bleaaö wei ma cui, Comolateli bä nö nia ca̦i ma bleaaö wei ma cui, ö̦jö lä bä nö nia shino yai bleaaö dodijio.

Hechos 9:4

Ö̦jö däjä, a fa wäcäblaicunö, a wa̦ ji̦lia showalema. —Saulo, Saulo —a cuma—. ¿Wedi tabä wale nö bleaamaö dicoa cule?

Hebreos 13:12

Inaja showawä, täbä lä bälöle tä sibo jamö, Jesús a ca̦i shämoa culayoma, cama i̦yäbö showawänö bäma ecö yaiobä.

Hebreos 6:6

Ö̦jö bä lä cui, Jesucristo a yai bufiboimi majöo dicoweje ja, bä yai dobloimi. Jai fii balitama tefi jamö Jesucristo a shäö co̦aje ö̦jö bä li cuaaö malä cui, cama bä lä cuaaö wei tänö. Wawädowä a nö waiblamaöje.

2 Pedro 2:6

Sodomateli bä ma cui, Comolateli bä ma cui, ö̦jö bä shabonobö fa ö̦shömalönö, jai yubu ushibö tablamalema. Yai Bada tä daö lä mlajei bä quilibä, inaja bä li taamaö balöoma.

Judas 1:7

¿Ö̦jö tawä? Sodomateli bä ma cui, Comolateli bä ma cui, ö̦jamö bä bälöblao fe lä fa̦yoono wei bä ma cui, inaja bä yabäcäo cuo mö feduo showaoma. Bä nofi ca̦i beshili jushublalou nö quiliadima. Ö̦jö cudeenö, cowa ba̦limi wacöbänö Yai Bada tänö bä nö blemalalema. ¿Ö̦jö tawä? Bämacö quilibä tä a̦.

Apocalipsis 11:13

Cäcöbö ösölayono wei ja, ulifi a bada blösö blösomou nö quiliaö nodiblou showadalayoma. A shabono bada wa̦lidiblou fa jälonö, ai bä yafi bluca blälälaliyoma. Yanowamö 7.000 bä shäblamolayoma. Bä lä feiblaliyono wei bä quilia fa dodijilalunö, Yai Bada tä fedu jamö lä culadi a wa̦fa doblao wäyämaje.

Apocalipsis 11:9

¿Ö̦jö tawä? Ö̦jamö cäcöbö nomawä blabou showaoje däjä, 3 tä mö fa dödölönö, ai tä mö jalua fa co̦lunö, motoca a yo̦loloblou co̦o ma cui cäcöbö nia nomawä mödii buoje. Bä mamo lä showale bä nija, bluca bä shomi lä bälöblai bä nia mashi coyocomou. Bluca bä yaiablalou lä nodiaö wei bä ca̦i. Bluca bä caficö a̦ lä bou wejei bä ca̦i. Bluca bä bälöblawä lä yaiblai bä ca̦i. Cäcöbö nomawä didiaö mlaobeje bä a̦ nia lämou.

Apocalipsis 14:20

Shabono a sibo jamö bä uba fa löcönö bä calucamoma. Bä fa calucamonö, i̦yä i̦yä bä bada fablou nö quiliama. Bä fa caläfälönö, yanowamö a fe yaläjäwä nö lä wädöobö weinaja, bä i̦yä i̦yä fe wädöblaliyoma. Mau u caläö blajaö lä culenaja, i̦yä i̦yä bä blajaa culayoma.

Apocalipsis 14:8

Ö̦jö a nodi jamö ai a a̦jele wawäblou jälayoma. Ö̦jö a a̦jele wawäblou lä jälayono wei a lä cui, abinaja a cuma. —¡Bä waicoma! ¡Bä waicoma! Babiloniateli bä a̦fa lojode lä wäyäno wejei bä waicoma. Cama bä nofi lä jushublalou wei tänö, bluca bä bälöblawä lä yaiblaö bä lä cui bä yaclämalemaje, uba nashiwä toubänö täbä shi wa̦limaö lä cuaaö wejeinaja showawä —a cuma.

Apocalipsis 16:19

Babiloniateli bä a̦fa lojode lä wäyäno wejei bä shabonobö jamö, ulifi a bada fa blösö blösömolunö täcabä bada yacläoquema. Täcabä bada i̦clacaobä jamö, 3 bä shabonobö shelelea cublaliyoma. Ai täbä bälöblawä lä yaiblai täbä shabonobö bada ca̦i wäcäcälaliyoma. ¿Ö̦jö tawä? Yai Bada tänö Babiloniateli bä nowa tabou showaoma. Tä nö wa̦lowä lä jushudou wei tä lä cui tä coa jödödöamalema, uba nashiwä toubä jödödöblamaö fe lä yadio wejeinaja showadawä.

Apocalipsis 17:1

Ö̦jö däjä, 7 toubä befi ca̦i lä däbono wejei bä a̦jele ai a lä cuinö, abinaja wale nowa tayoluma. —Jabo. A showadi lä dodoo wei a suwä da mö, Nofi Jushublalodimi a wa̦fa bada shabono lä yädämabole a lä cui. Mau ubä lä bayucube tä möamo ja bä shabonobö blaa. Ö̦jamö bä lä bälöle bä a̦fa lojode wäyäöje. ¿Ö̦jö tawä? Yai Bada tänö bä nö lä bleaamaö wei wa tä nia möö.

Apocalipsis 17:18

’¿Ö̦jö tawä? —a cuma—. Ö̦jö wa suwä lä möno wei a lä cuinö, bä a̦fa yai lojode lä wäyäö wejei bä shabonobö jömamou. Bita jamö bä bada lä bälöblai, ö̦jö bä nija bä bluca nosiemamou —wale nowa tama.

Apocalipsis 17:5

Suwä wäyäcu ja tä a̦ oni lä cuono wei, abinaja etä a̦ oni cuu yacläoma. “Babiloniateli bä lä cui ö̦jö ya, ya lä lojode wei. Bä showadi suwä lä dodoo wei bä lä cui, camiyä nija bä balalayoma. Bita jamö bä nofi lä jushublalou wei bä lä cui, inaja camiyä ya jaba li fa cuaanö bä li cuaaö nodiablalou”, tä a̦ oni cuma.

Apocalipsis 18:10

Babiloniateli bä nö bleaamaö fe lä balojoo weinaja bä taamamou fa quilinö, bä ublaa blajalanö bä nö ojode nia taöje. Abinaja bä nia cuu. —¡Shädayai! Babiloniateli wamacö a̦fa lojode da wäyäblejei, wamacö shabonobö wa̦lioblou lä cule. ¡Wamacö nö a̦fa wa̦lojaö da wäyäblejei! ¡Shädayai! Wamacö lä cuaano wei tä nowa ja, yedu Yai Bada tänö wamacö nö bleaamaö fe balojoa lä cule —bä nia cuu.

Apocalipsis 18:18

Babiloniateli bä shabonobö lä ö̦shöö wei bä wa̦queshi dablaöje ja, bä bufi wa̦lidilanö abinaja bä nia cuu. —Ei täbä a̦fa lojode lä wäyäno wejei täbä lä culenaja, ¿wedi jamö ai täbä lojode li cuwä mö feduwä? Täbä ai cuami waiquiwä —bä nia cuu.

Apocalipsis 18:2

A wa̦ i̦cali faö ja, abinaja a cuma. —¡Bä waicoma! ¡Bä waicoma! Babiloniateli bä a̦fa lojode lä wäyäno wejei bä waicoma. Ö̦jö bä yafibö lä wa̦liolaliyono wei jamö, fecula bä bälöjou jäa lä cule. Yai bluca täbä wa̦lidiwä lä cublai täbä juadii jäa. Ö̦jamö bä yalo shami lä yäö wei bä bäcabö ca̦i tamou, bä yai lä wa̦lidii.

Apocalipsis 18:21

Ö̦jö däjä a̦jele ai a lojodenö, maa ma bada fa maolönö, modu u jamö ma bada quemabalema. Ma queamalanö abinaja a cuma. —Babiloniateli bä a̦fa lojode lä wäyäö wejei bä lä cui, inaja showawä bä nia taamamou. Yai Bada a waitelimou ja, i̦cali bä nia shäyäaö. Bä nia dablamou co̦daaimi.

Apocalipsis 18:24

Babiloniateli bänö Yai Bada a wa̦no wäyälewä bä shälemaje yalo, Yai Bada ai ebä ca̦i shälemaje yalo, ö̦jö bä nö nia yuaö. Bita jamö täbä bluca lä shäleno wejei bä ma cui, ö̦jö Babiloniateli bä mayo showawä.