Apocalipsis 11:3 - Biblia Yanowamö

³ Camiyä wale a̦fa wäyädiböbä ya cöbä nia lämabou. Ya cöbä nö nia wa̦lojomabou. Täbä nö wajäwä ö̦jöböamobä, camishi a̦loqui cäcö ö̦shö lä ya̦bou wejei cäcö ja cäcöbö didilanö, belibo 42 a lublou showaa mlai ja wale wa̦no nia taböö —a cuma.

Apocalipsis 11:3 Iomraidhean Croise

Génesis 37:34

Ö̦jö däjä, wajä wajä bänö Jacobo a nö bleaama yalo, a camishibö cacablamolayoma. A lä wajäale a nö ö̦jöböamobä, a̦loqui cäcö ö̦shö ya̦a showadalema. A wa̦ nö ca̦i dedeama.

Jonás 3:5

Ninibeteli bänö Yai Bada tä a̦ fa ji̦liläjenö, tä a̦ bejedi bufia showadalemaje. Bada bä ma cui, oshe bä ma cui bä bufi nö bluca bleaaö dodijioma. Bä nö wajäwä ö̦jöböamobä, bä iyaö wasöolayoma. A̦loqui sibä ushi ya̦a showadalemaje.

Números 11:26

Bei. Bada bolacabö cäcöbö cuo lä feyano wei cäcöbö nija, Jeobaa a Bufi ca̦i fa yanöcöicunö, täbä lä bälöblaono wei jamö a wa̦no ca̦i wäyäböö mö feduo feyama. Ai a lä cui, Edado a wa̦fa cuoma. Ai a mö feduwä lä cui, Medado a wa̦fa cuo mö feduoma. Cäcöbö a̦fa ma onibono wejei ma cui, Jeobaa e yano jamö cäcöbö junomi.

Mateo 11:21

Bä nowa blajawä taö ja, abinaja a cuma. —Colasiniteli wamacö, Besaidateli wamacö, wamacö nö bleaaö fe balojoobä wamacö. Yai Bada wama a lojode dablabä, cafä wamacö nijamö tä nö lä quilijii, bluca ya tä wawämama. Diloteli bä nijamö, inaja ya cuaaö mö feduo fa cunoja, Sidonoteli bä nijamö, ya inaja cuaaö mö feduo fa cunoja, wa̦lidiwä tä ja yedu bä bufi nö lädaliobö wei. Bä doblou lä mlai tä ja, yubu ushibö ja yedu bä nö looquebö wei. Camishi a̦loqui bä ja yedu bä nö didiobö wei, bä bufi nö wa̦lidiwä ö̦jöböamobä.

Mateo 18:16

Ö̦jö ma cui, wa wa̦ ji̦liaö bufiomi waiquiwä ja, aifä wa nia nacaö. Bolacabö ma cui, wa cöbö nacaö dao. Ö̦jö wa cöbö ca̦i fa junö, wa wasöö lä co̦le däjä, ö̦jö cäcöbö lä cuinö wa wa̦ nia bayeliblaböö, Moisesi tä a̦ lä cuu weinaja showawä. ¿Ö̦jö tawä? Bä dobloimi jömamou ja, moli a wa̦nö bä nia jömamou malä mlai. Bolacabö cäcöbö a̦ ma cuinö, 3 bä a̦ ma cuinö, bä a̦ faö fe lä usucui bä a̦nö bä nia shino yai jömamou.

Lucas 10:13

Ö̦jö däjä, Jesúsnö ai bä lä bälöblai bä nowa blajawä tama. —Colasiniteli wamacö, Besaidateli wamacö, wamacö nö bleaaö fe balojoobä wamacö. Yai Bada wama a lojode dablabä, cafä wamacö nijamö tä nö lä quilijii bluca ya tä wawämama. Diloteli bä nijamö inaja ya cuaaö mö feduo fa cunoja, Sidonoteli bä nijamö ya inaja cuaaö mö feduo fa cunoja, wa̦lidiwä tä ja, yedu bä bufi nö lädaliobö wei. Bä doblou lä mlai tä ja, yubu ushibö ja yedu bä nö looquebö wei. Camishi a̦loqui bä ja yedu bä nö didiobö wei, bä bufi nö wa̦lidiwä ö̦jöböamobä.

Lucas 24:48

’Ya showadi lä cuaano wei wamale möma cudeenö, wamale a̦fa wäyäbä wamacö waiquiwä.

Juan 15:27

Cafä wamacö ma cuinö wamale a̦fa wäyäbä wamacö li. Ya bä jaba lä yömölano wei däjä, camiyä nija wamacö cudio fa showaonö, wamacö cua showaa malä cule.

Juan 3:27

Juan abinaja a cuu mö feduoma. —Ö̦jö a nö bada ö̦jöböaöje ja, ö̦jö Yai Bada tä mayo waiquiwä. Yai Bada tänö yanowamö täbä nofi bada tamaboimi ja, bä nofi nia taboimi bädaoje.

Hechos 1:8

Ö̦jö ma cui, cafä wamacö nija Yai Bada tä Bufi bälöo däjä, wamacö nö wa̦lojoblobä, wamacö nia bayeliblamou. Ö̦jö däjä, Jelusaleteli bä nija wamale a̦fa nia wäyäö. Judea jamö ma cui, Samalia jamö ma cui, wamale a̦fa wäyäö fa cuaaimadunö, täbä bälöo lä jödödole jamö ma cui, wamale a̦fa nia wäyäö cuaaö —a cuma.

Hechos 13:31

Calilea jamö, cama nija bä showadi lä yauono wei bä lä cui bä nija a dablamou nö dedeama, Jelusale jamö bä ca̦i lä alayofälöno wei bä lä cui bä nija. Fei däjä ö̦jö bä lä cuinö, yanowamö täbä nija a wa̦fa wäyäö cuaabeje bä li.

Hechos 2:32

Ö̦jö Jesús a lä cui, Yai Bada tänö a demi jocädamaö co̦layoma. Camiyä bluca yamacö mamocunö, yama a demi daa co̦lalei cublelei.

Hechos 3:15

¿Ö̦jö tawä? —a cuma—. Täbä lä demidamaö wei, wama a shäa dicomalema. Wama a ma shämaleno wei ma cui, Yai Bada tänö a demi jocädamaö co̦layoma. Camiyä yamacönö, yama a demi daa co̦lalema.

1 Corintios 12:28

Cama ebä lä yododaö wei bä bayeliblayobä, Yai Bada tänö bä nö bluca wa̦lojomabou. Jesucristonö yamalecö lä shimöleno wei ei yama ecö balöwä. Ö̦jö däjä, cama ebä yododabä jamö Yai Bada etä a̦ wäyäbeje ai bä ca̦i tablamaö nomöjöoma. Ö̦jö däjä, cama ebä damabeje ai cäbä. Ö̦jö däjä, tä nö lä quilijii tä wawämabeje, ö̦jö bä ca̦i mö feduwä. Ö̦jö däjä, jalili täbä jalomabeje, ö̦jö bä ca̦i. Täbä bayeliblabeje bä ca̦i. Täbä cadidamabeje bä ca̦i. Täbä caficö a̦ shominajaalanö etä a̦ wäyäbeje bä ca̦i.

2 Corintios 13:1

Cafä bämacö fe waloo bolacao waiquiyoma. Fei däjä moli bämacö fe nia waloo co̦o. ¿Ö̦jö tawä? Yanowamö täbä a̦fa dobloimi jimaöje ja, moli a wa̦nö täbä nia jimamoimi. Bolacabö cäcöbä ma cui, 3 bä ma cui, ö̦jö bä a̦ faö fe usucuwä ja, ö̦jö däjä bä nia shi̦lo dobloimi jimamou, tä a̦ lä cuu weinaja showawä.

Efesios 4:11

Täbä jo̦wa yanowamö lä dobädayono wei, abenaja täbä jo̦wa taamama. Jesucristo a wa̦no wäyäö cuaabeje, ai bä shimama. Jesús ebä yododabä jamö etä a̦ wäyäbeje, ai bä dobäma, bä a̦ nö wa̦lojabä. Mojodi täbä lija Jesucristo etä a̦ dodijidawä wäyäö cuaabeje, ai bä dobäö mö feduoma. Cama ebä ca̦i yododabeje, ebä ca̦i damabeje, ai bä ca̦i dobäö mö feduo showaoma.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 11:2

Ö̦jö ma cui tä yafi sibo lä ji̦coloblai wa tä nia wabaimi. Ö̦jö tä da daacö, ö̦jamö judio bä lä mlai bä bälöo läobä ya tä noshi malä ö̦jödabole. Belibo 42 a lublou showaa mlai ja, iba a shabono lä yaile jamö ö̦jö bä nia cuo läo.

Apocalipsis 11:6

Yai Bada a wa̦no wäyäböbä cäcöbö läo showao däjä, cäcöbö nö quiliaö dodijiobä cäcöbö nö wa̦lojomabou. Judu mösö wejemaboböö dao, maa a quei mlaobä. Mau ubä ca̦i i̦yäamaböö dao. Yanowamö täbä lä bälöblai, jödödöwä tä wayu shomitawänö bä nö ca̦i bleaamaböö dao. Inaja täbä taamaböö bufi doblao ja, bä taamaböö showadaobä cäcöbö.

Apocalipsis 12:6

Ö̦jö däjä, ulifi bloque jamö a suwä doculayoma, a nofi yashuobä, Yai Bada tänö tä ulifi nofi tabou lä waiquiono wei jamö. Belibo 42 a lublou showao mlao däjä, ö̦jamö a nia bayeliblamoma.

Apocalipsis 13:5

Ö̦jö däjä yalo waiteli a wa̦ fabä etä jöbämoquema. A wa̦ faö ja, cama a nofi doo fa ayaonö Yai Bada tä nö waiblama. ¿Ö̦jö tawä? Belibo 42 a lublou showaa mlai ja, a nosiemobä etä jöbämoquema.

Apocalipsis 19:10

Ö̦jö däjä, ö̦jö ya wa̦fa Bada doblao tabä, a̦jele bei a cotä jamö ya möfe boblaquema ma cui, wale wasölema. —Inaja dicoo mlai —a cuma—. Camiyä bämacö bluca. Jesucristonö tä a̦ lä wawämano wei wama tä a̦ nofi lä cadidibole wamacö lä cuinö, Yai Bada wama a wa̦ juaö lä cuaaö weinaja ya ca̦i cuaaö mö lä feduo wei cä ya. Wa möfe bolanö, Yai Bada wa tä a̦fa nia shino yai Bada doblao taö —a cuma. Jesucristonö tä a̦ lä wäyäno wei tä a̦ bejedi lä cuinö täbä nö malä wa̦lojoblamaö wei, Yai Bada etä a̦ wäyäbeje.

Apocalipsis 20:4

Ö̦jö däjä bada bä döcäobä ya täbä dalalema, bä bada lä döcäono wei bä ca̦i, yanowamö täbä jömabeje bä lä lämabono wei bä lä cui. Ö̦jö bä bada lä cui, Yai Bada ebä fe lä bafedimano wejei ö̦jö bä bufi cuoma. Yai Bada a wa̦no wäyäö nofi jushuaöje ja bä shälemaje, Jesús a wa̦fa wäyäö fe yadiomaje cudeenö. Ö̦jö bä lä cui, yalo waiteli a ma cui nija, ö̦jö a nö idubo ma cui nija, bä möfe boonomi. Cäcöbö a̦fa bada doblao ca̦i tanomije. Ö̦jö a wa̦fa oni lä cui ja bei bä wäyäcu oniblamonomi. Bei bä imicö ma cui ja, inaja showawä. ¿Ö̦jö tawä? Bä demia co̦layoma, lasha 1.000 a lalou jaöo mlao däjä Cristo sho bä bada läo balöobä.