Apocalipsis 11:2 - Biblia Yanowamö

² Ö̦jö ma cui tä yafi sibo lä ji̦coloblai wa tä nia wabaimi. Ö̦jö tä da daacö, ö̦jamö judio bä lä mlai bä bälöo läobä ya tä noshi malä ö̦jödabole. Belibo 42 a lublou showaa mlai ja, iba a shabono lä yaile jamö ö̦jö bä nia cuo läo.

Apocalipsis 11:2 Iomraidhean Croise

Números 14:34

Tä ulifi bomaöje däjä, 40 tä mö didi lä tablamaleno wejeinaja, inaja showawä bä nö bleaaö showai däjä, lasha 40 a nia famaö cuoje. ¿Ö̦jö tawä? Täbä mö didi lä tablamaleno wejeinaja, lasha ya nia famaö cuo. Lasha 40 a famaö mlao showaoje däjä, bä doblou lä mlaono wei tä nowa ja, bä nö nia bleaaö. ’Ya nö lä yuo wei tä nia dablaöje —a cuma—. Inaja wafä bä nowa ta.

Mateo 27:53

maa macabä jamö, bä fao co̦laliyoma. Jesús a demi jocäblou waiquilayono wei ja, Jelusale jamö ö̦jö bä fa alufälönö, bluca täbä nija bä wawälaliyoma.

Mateo 4:5

Ö̦jö däjä, Jelusale jamö, fecula bada anö Jesús a lulua taa majölefälöma, Yai Bada e shabono lä yaile jamö. Yai Bada etä yafi feyaca jamö a fa ublamabajalunö,

Mateo 5:13

’Bei —Jesús a cuma—. Cafä wamacö lä dodijaö wei tänö, jai sayu wamacö cuwä, wama täbä dodijidawä tamabobä. ¿Ö̦jö tawä? Ö̦jö ma cui, bä sayu oquediblou dicoo ja, bä nia mödadiblou lä co̦o wei etä cuami waiquiwä. Bä oquediwä waiquiwä yalo, bä nia bufiblamou co̦daaimi. Sibo jamö bä fa joyalöjenö, bä nia cadicaö buoje. ¿Ö̦jö tawä? Inaja wamacö cublou dicoo ja, wamacö nofi nia tamamoimi majöo.

Lucas 21:24

Shocobi bänö, judio bluca bä nia waicaöje. Shomi täbä bälöblawä lä yaiblai täbä ulifibö jamö, ai bä nia bälaöje. Jelusaleteli ai bä lä jäblou wei bä nijamö, shomi täbä bälöa läa fa jäicunö bä nö nia bleaamadii juoje. Ö̦jö judio bä lä mlai bä lä cui, Yai Bada tänö bä lämabobä tä mladou showaa mlai ja, inaja bä nia cuaaö balöo —Jesús a cuma.

Hebreos 10:29

¿Ö̦jö tawä? Wa̦lidiwä tä fulii mö yabaaö lä co̦o wejei bä nö bleaabä bä li waiquiwä. Ö̦jö ma cui, Yai Bada bei Ijilubö a waii lä majöblao wejei bä lä cui, ö̦jö bä nö nia yai bleaaö dodijio. ¿Ö̦jö tawä? Yai Bada a wa̦ nö wäo lä co̦ono wei tä a̦ ca̦i läobä, Jesucristo a shämolayoma. I̦yäbö falayoma. Ö̦jö i̦yäbönö bä doblou lä mlai etä nowa mladamalema ma cui, inaja bä lä cuaaö wei bä lä cuinö i̦yäbö nö waiblaö majöoje. Yai Bada tänö täbä nofi ojodabobä a Bufi läa ma waiquile ma cui, a Bufi nö ca̦i waiblaöje.

Apocalipsis 11:11

¿Ö̦jö tawä? Ö̦jö ma cui bolacabö tä mö fa dödölönö, ai tä mö jalu co̦wä ja motoca a yo̦loloblou co̦o däjä, Yai Bada tä fö̦shöacönö cäcöbö demidamaö co̦layoma. Cäcöbö ubladou co̦oma. Ö̦jö däjä cäcöbö lä möno wejei, bä yai quilia fe balojolaliyoma.

Apocalipsis 11:3

Camiyä wale a̦fa wäyädiböbä ya cöbä nia lämabou. Ya cöbä nö nia wa̦lojomabou. Täbä nö wajäwä ö̦jöböamobä, camishi a̦loqui cäcö ö̦shö lä ya̦bou wejei cäcö ja cäcöbö didilanö, belibo 42 a lublou showaa mlai ja wale wa̦no nia taböö —a cuma.

Apocalipsis 12:6

Ö̦jö däjä, ulifi bloque jamö a suwä doculayoma, a nofi yashuobä, Yai Bada tänö tä ulifi nofi tabou lä waiquiono wei jamö. Belibo 42 a lublou showao mlao däjä, ö̦jamö a nia bayeliblamoma.

Apocalipsis 21:10

Ö̦jö däjä Yai Bada tä Bufinö wale lojodobolanö, bei macö ösöwä jamö wale bälaquedayoma. Ö̦jamö ya fa bälacudunö, camiyä nija Jelusale a shabono dude damalalema, Yai Bada etä shabono lä yaile. Yai Bada tä lä cule jamö a cuoma ya itou dalalema.

Apocalipsis 21:2

Jelusale dude ya tä shabono ca̦i itou dalalema, Yai Bada etä shabono lä yaile a lä cui. Yai Bada tä lä cule jamö a cuoma a itolayoma. Bä fe̦yalobö nija a moco cuobä a baushiblaö lä cuaaö wejeinaja a shabono baushi fa tablamolunö, inaja a cuoma.

Apocalipsis 22:19

Ei Yai Bada ya wa̦no lä onibole jamö, ai a lä cuinö ai tä a̦ joyaö dicoo ja, Yai Bada tänö cama etä nia ca̦i joyaö mö feduo. Ba̦limiblamodima fi ja a nia lä iyano wei tä lä cui, ei tä a̦ oni jamö ya tä a̦fa lä wayoano wei, Yai Bada tänö ö̦jö etä nia joyaö. Tä shabono lä yaile jamö a nia lä bälöono wei tä lä cui, ya tä a̦fa ca̦i lä wäyäno wei, ö̦jö etä nia ca̦i joyaö.