Apocalipsis 11:1 - Biblia Yanowamö

¹ Ö̦jö däjä, jai shälacawä a ju̦loco cuwä a ja wale dobälema, täbä labe lä wabaö wejei täbä lä culenaja. Abinaja ya nowa tamamoma. —Bei. Ei wabamodima ya lä jöböale tänö, iba yafi a labe da waba. Camiyä nija täbä nia lä dodoblamou wei bä maqueblamobä täcö ca̦i. Ö̦jamö camiyä nija bä möfe bolanö wale a̦fa Bada doblao lä tayoluu wejei, bä ca̦i bluca da mö.

Apocalipsis 11:1 Iomraidhean Croise

2 Corintios 6:16

Täbä nö jole ijidubö lä bufiblamou wei täbä lä cui, Yai Bada etä yafi jamö ¿ö̦jö täbä nia dablamou daanö? ¿Ö̦jö tawä? Ja̦o. Camiyä bämacö lä cui, ¿Yai Bada bäma ecö yafibömi daanö? Yai Bada tä demi cua shi lä wa̦lile, ö̦jö bäma ecö yafibö malä cui. Yai Bada etä a̦ oni lä cuu weinaja showawä. Abenaja Yai Bada a cuma. Ö̦jö ya bä ca̦i nia bälöo. Ya bä nia ca̦i fuu. Cama bä lija showadi ya nia bufiblamodii. Iba bä nia yai cuo.

1 Pedro 2:5

Cafä jai maa wamacö ma demi cuwä mö feduwä, ö̦jö nija wamacö bluca fa co̦cablalunö, cama wama ecö yafi yai cublobä. Yai Bada etä yafi jamö nofi bäyäalewä bä lä yailenaja, cafä inaja showawä wamacö ca̦i yaia mö fedua. Yai Bada tä lä cule ja ö̦jö bä lä ojodamou weinaja, inaja showawä wamacö ojodamou ajedeo cuo mö feduobä, Yai Bada wama a bufi doblamabobä. Jesucristo wama ecö yalo, wamacö lä ojodamou wei tä ja Yai Bada a bufi nia doblalou.

1 Pedro 2:9

Ö̦jö ma cui, cafä wamacö nofi taboyobä wamacö yaia. Bada tä nija bä ojodamobä bä nofi bäyäalewä yaia lä culenaja wamacö cuwä mö feduwä. Cafä wamacö bluca lä cui, wamacö yaibou. Shomi mlai ja, cama Yai Bada wama ecö waiquiwä, a showadi lä dodijaö wei wama tä dablamabä. Tä mö didiobä jamö wamacö jaba ma cuono wei ma cui, cama etä shi̦i yai lä wacacai jamö wamacö tabou majöobä wamacö nacaa taa nomöjölema.

Apocalipsis 10:11

Abinaja ya nowa tamamoma. —Yai Bada wa tä a̦no wäyäö co̦obä. Shomi bä bluca lä bälöblai bä nia lä taamaö wei wa tä a̦fa wäyäbä. Bluca bä bälöblawä lä yaiblai bä ma cui, bluca bä caficö a̦ lä bou wejei bä ma cui, bada bluca bä bälöblawä lä dodijii bä ma cui, ö̦jö bä nia bluca lä taamaö wei wa tä a̦fa nia wäyäö.

Apocalipsis 21:15

Wale a̦ lä wayomano wei a a̦jele lä cuinö, jai shälacawä a ju̦loco cuwä tä showaboma, täbä labe lä wabaö wejei tä lä cui. Olo bä ja tä cuoma. Jelusale tä shabono labe wababä tä showaboma, ö̦jamö yocabä lä cublai yocabä ca̦i, ala nabä ca̦i.