Apocalipsis 10:6 - Biblia Yanowamö

⁶ Boco fa yalejedalunö abinaja a cuma. —Ya wa̦ nö wäo cadidia lä cule. Tä demi cua shi̦ lä wa̦lile tä malä cule. Judu mösö tablalema, ö̦jamö täbä bluca lä culadi täbä ca̦i. Bita a ca̦i taa mö fedublalema, ö̦jamö täbä bluca lä cublai täbä ca̦i. Modu u ca̦i bada tablalema, ö̦jamö täbä bluca lä cubodi täbä ca̦i. Fei däjä a nö nia dadiomi.

Apocalipsis 10:6 Iomraidhean Croise

Apocalipsis 4:11

Cafä bäfä nofi lä Badabou wei wa Bada. Bäfä lä bufibou wei cafä wa. Wa wa̦fa doblao tamou ayaobä, ö̦jö wa waiquiwä. Cafä wa lä cui, wa nofi dodijidawä tabou ayaobeje, ö̦jö wa. Cafä wa nofi ca̦i lojode doablamou ayaobä. Jödödöwä wa täbä malä tablaleno wei. Wa täbä tablaö fa bufinö wa täbä tablalema. Einaja bä amowabö a̦ cuu.

Apocalipsis 16:17

Ö̦jö däjä a̦jele jödödö a lä cuinö, toubä däa fa ösöjödalönö toubä löblalema. Toubä fa löblalönö, fedu jamö Yai Bada etä yano yai nowamaö lä dodijio wejei jamö ya wa̦ i̦cali ji̦lilema, Bada tä döcäobä etäcö ajede jamö. Abinaja a cuma. —Ö̦jö cä lä waiquiwä —a cuma.

Apocalipsis 4:9

¿Ö̦jö tawä? Bada tä döcäobä etäcö jamö a lä döcäle, a nia cuo shi lä wa̦lii wei a wa̦fa doblao taöje. A nofi dodijidawä tabouje. Ö̦jö nija täbä bufi lä doblao wei tä a̦fa ca̦i wäyäöje. Inaja cama bä cuaalanö,

Génesis 14:22

A ma cuno wei ma cui, abinaja Ablamönö Sodomateli bada a nowa taa mö fedulema. —Mlaicätä. Ya jolemoimi. Jeobaa a malä cule, a lä bufiblamou wei a lä cui. Ö̦jö a Bada lä ayai a lä cuinö, judu mösö ma cui, bita a ma cui, täbä bluca lä bädamaleno wei a. Ö̦jö nija ya wa̦ faö malä waiquiono wei.

Éxodo 6:8

Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya tä a̦fa ulifi lä wäqueno wei jamö ya bä lulubofälöö wä. Ö̦jö tä ulifi ja bä bälöo shi wa̦liobä, ya tä ulifi nia jöbäaö showadao. Ei ya wa̦ lä cui, Jeobaa cä ya wa̦. Inaja wa bä nowa tabä —Moisesi nija a Jeobaa cuma.

Éxodo 20:11

’Jeobaa ya lä cuinö, 6 ya tä mö didi tablamalanö, ya täbä bluca malä tablaleno wei. Judu mösö ma cui, bita a ma cui, ö̦jamö täbä bluca lä cublai täbä ma cui, ya täbä bluca tablalema. Modu ubä ma cui, ö̦jamö täbä lä cubodi täbä ma cui, ö̦jö täbä ca̦i showawä. 7 tä mö jalu ja, ya ojodamou yanöcöblaliyoma. Ö̦jö cudeenö, wamacö yanöcöobä tä mö jalu lä cui, ya tä a̦fa jalu shomi wäa showadaquema, tä mö jalu yaiobä.

Números 14:30

ya tä a̦fa ulifi lä wäqueno wei jamö ya bä bälömabobä, moli ma cui ya bä nia jumaimi. Jefone bä ijilubö Calebi e sho, Nuni bei ijilubö Josué e sho, ö̦jö cäcöbö shino.

Apocalipsis 1:18

Täbä ba̦limi cudiobä ya tä tabou. Nomawä ya ma cuono wei ma cui, fei däjä ya ba̦limi waiquia. ¿Ö̦jö tawä? Bä lä nomablou wei ya bä demiamaö co̦obä ya tä tabou, täbä lä nomaö wei täbä cuobä jamö, ya tä caloblabä ca̦i.

Apocalipsis 4:10

Bada tä yai lä cui a cotä jamö, bä 24 lä yädäo wei bä möfe bada boblaaö. A nia cuo shi lä wa̦lii wei a wa̦fa ca̦i Bada doblao taöje. Ö̦jö däjä, olo bä lä yojobou wejei ebä fa jayualalöjenö, amowa täbä a̦ talajenö, Bada tä döcäobä etäcö cotä jamö ebä shäyäblaqueije. Abinaja bä amowabö a̦ cuu.

Apocalipsis 6:11

Ö̦jö däjä, camishi labe shuducaje bä ja, bä dobämolayoma. Abinaja bä nowa tamoma. —Bä yanöcöblaa da balöicu. Aifä bä lä cui, camiyä ya wa̦ juamobä bä nia lä shämou wei bä lä cui, bä oimi showawä, cafä wamacö lä taamamono weinaja bä nia shämou mö lä feduo wei bä lä cui.

Apocalipsis 12:12

’Fedu jamö wamacö bluca lä culadi, bä bufi da doblalo, ö̦jö lä —a cuma—. Ö̦jö ma cui, bita jamö wamacö lä cublai, modu ubä jamö wamacö bluca lä cublai, wamacö nö bleaabä cätä. Cafä wamacö nija fecula bada a jushuo ca̦i itolayou lä cufe. Täbä yabäcabä etä nö nia dedejoimi waiquiwä cudeenö, a nö li wa̦lowä jushuo —a cuma.

Apocalipsis 21:6

Abinaja wale nowa ca̦i tama. —Bei tawä. ¡Inaja lä waiquiwä! Camiyä jaba ya, jödödö ya ca̦i. Camiyä ya lä cuinö täbä jaba bluca cublaliyoma. Camiyä ya showawänö täbä jödödöwä waicou. Bä lä amishaö wei bä lä cui, no mlai ja ya bä amishi nia co̦amaö. Ba̦limiblamodima u fe lä jojole u ja, ya bä nia dobäö.