Apocalipsis 10:5 - Biblia Yanowamö

⁵ Ö̦jö däjä, a̦jele ya lä möno wei jayu boco yalejedaliyoma.

Apocalipsis 10:5 Iomraidhean Croise

Génesis 14:22

A ma cuno wei ma cui, abinaja Ablamönö Sodomateli bada a nowa taa mö fedulema. —Mlaicätä. Ya jolemoimi. Jeobaa a malä cule, a lä bufiblamou wei a lä cui. Ö̦jö a Bada lä ayai a lä cuinö, judu mösö ma cui, bita a ma cui, täbä bluca lä bädamaleno wei a. Ö̦jö nija ya wa̦ faö malä waiquiono wei.

Éxodo 20:11

’Jeobaa ya lä cuinö, 6 ya tä mö didi tablamalanö, ya täbä bluca malä tablaleno wei. Judu mösö ma cui, bita a ma cui, ö̦jamö täbä bluca lä cublai täbä ma cui, ya täbä bluca tablalema. Modu ubä ma cui, ö̦jamö täbä lä cubodi täbä ma cui, ö̦jö täbä ca̦i showawä. 7 tä mö jalu ja, ya ojodamou yanöcöblaliyoma. Ö̦jö cudeenö, wamacö yanöcöobä tä mö jalu lä cui, ya tä a̦fa jalu shomi wäa showadaquema, tä mö jalu yaiobä.

Éxodo 6:8

Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya tä a̦fa ulifi lä wäqueno wei jamö ya bä lulubofälöö wä. Ö̦jö tä ulifi ja bä bälöo shi wa̦liobä, ya tä ulifi nia jöbäaö showadao. Ei ya wa̦ lä cui, Jeobaa cä ya wa̦. Inaja wa bä nowa tabä —Moisesi nija a Jeobaa cuma.

Hechos 14:15

—¿Wedi tabä inaja wamacö li cuaaö dicoa cule? Cafä wamacö lä culenaja, yafäcö cuwä mö feduwä yafäcö. Yanowamö bämacö bluca. ¿Ö̦jö tawä? Yafä tä a̦ dodijidawä bälaö mö juu lä cufe. Wama bä jole lä bufiblaö wei wama bä fa dacönö, Yai Bada nija wamacö bufi yai cuobä. Ö̦jö a shino ba̦limi cua ayaa. Judu mösö ma cui, bita a ma cui, modu u ma cui, ö̦jö bä bluca tablalema. Ö̦jö bä jamö bä bluca lä cule, bä ca̦i tablaö showaoma.

Hechos 17:23

Afä wama täbä lä bufiblaö wei ya täbä nö idubö möö cuaama, wama täbä a̦fa lojode lä wäyäö wei täbä lä cui. Ya täbä möö fa cuaaimadunö, ai tä nö idubö ja, abinaja ya tä a̦ oni dalalema, “Bäma tä nofi lä mojodubole”, tä a̦ oni cuu culai. ¿Ö̦jö tawä? Wama tä nofi ma mojodubole ma cui nija wamacö nö bayeli nacaobä wama etä yafi wai tabou. Ö̦jö wama tä daö lä mlale tä ja, wawädowä bämacö yömölaö lä cule.

Romanos 1:20

¿Ö̦jö tawä? Bei tä yai dablamou ma mlai ma cui, ulufi a jödödöwä lä tablaleno wei tä ja bä bufi jaducäblou dao. Täbä lä tablaleno wei täbä ja, a lofote shi lä wa̦lii wei etä dablamou. A yai bufiblamobä etä ca̦i dablamou. Ö̦jö cudeenö bä a̦ jole mojodumobä etä cuami waiquiwä.

Hebreos 6:13

Ablaamö lija Yai Bada tä a̦ nö lä wäono wei däjä, a wa̦ yai lofotoblaliyoma. Cama a shi̦lo yami Bada cuo fa waiquiicunö, ai a wa̦fa wäaö mlai ja, cama a wa̦fa shi̦lo wäamou showadaoma, a bejedimou dablamobä.

Apocalipsis 1:18

Täbä ba̦limi cudiobä ya tä tabou. Nomawä ya ma cuono wei ma cui, fei däjä ya ba̦limi waiquia. ¿Ö̦jö tawä? Bä lä nomablou wei ya bä demiamaö co̦obä ya tä tabou, täbä lä nomaö wei täbä cuobä jamö, ya tä caloblabä ca̦i.

Apocalipsis 10:2

Bei imicönö oni si wai caloboma. Jayu boco jamö mata lä cui, modu u bada jamö mamicö quequema. Ai mata lä cui, ulifi jamö mamicö quea mö feduquema.

Apocalipsis 14:7

A wa̦ i̦cali faö ja, abinaja a̦jele a cuma. —Yai Bada tä nö quili da taje. A wa̦fa Bada lojode ca̦i da taje. Täbä bluca lä bälöblai täbä jömabä, etä malä cublalufe. Wamacö möfe fa boalunö a wa̦fa Bada doblao da taje. Judu mösö ma cui, bita a ma cui, modu ubä ma cui, ubä fe lä jojoblai ubä ma cui, ö̦jö täbä bluca tablalema —a cuma.

Apocalipsis 16:17

Ö̦jö däjä a̦jele jödödö a lä cuinö, toubä däa fa ösöjödalönö toubä löblalema. Toubä fa löblalönö, fedu jamö Yai Bada etä yano yai nowamaö lä dodijio wejei jamö ya wa̦ i̦cali ji̦lilema, Bada tä döcäobä etäcö ajede jamö. Abinaja a cuma. —Ö̦jö cä lä waiquiwä —a cuma.

Apocalipsis 4:11

Cafä bäfä nofi lä Badabou wei wa Bada. Bäfä lä bufibou wei cafä wa. Wa wa̦fa doblao tamou ayaobä, ö̦jö wa waiquiwä. Cafä wa lä cui, wa nofi dodijidawä tabou ayaobeje, ö̦jö wa. Cafä wa nofi ca̦i lojode doablamou ayaobä. Jödödöwä wa täbä malä tablaleno wei. Wa täbä tablaö fa bufinö wa täbä tablalema. Einaja bä amowabö a̦ cuu.

Apocalipsis 4:9

¿Ö̦jö tawä? Bada tä döcäobä etäcö jamö a lä döcäle, a nia cuo shi lä wa̦lii wei a wa̦fa doblao taöje. A nofi dodijidawä tabouje. Ö̦jö nija täbä bufi lä doblao wei tä a̦fa ca̦i wäyäöje. Inaja cama bä cuaalanö,