Apocalipsis 10:3 - Biblia Yanowamö

³ Ö̦jamö a culanö, öla a wa̦ nö lä quiliaö weinaja i̦cali a comöma. A comöö däjä, ya̦lu 7 bä a̦ nocalayoma.

Apocalipsis 10:3 Iomraidhean Croise

Apocalipsis 14:2

Fedu jamö ai ya wa̦ ca̦i bada ji̦lilema. Ö̦jö a wa̦ lä cui, bola bä a̦ bada ji̦limou nacli lä culenaja a wa̦ ji̦limamou cuoma. Ya̦lu a wa̦ ca̦i bada nacli lä culenaja showawä. Ya wa̦ lä ji̦lileno wei, amowa bei fibä nata lä jubamou wei bä a̦ lä culenaja a wa̦ cuoma.

Apocalipsis 15:1

Ö̦jö däjä tä nia lä cublou wei, judu mösö jamö tä nö lä quilijii ya tä daa co̦lalema. Tä nö yai lojode quiliaö dodijioma. A̦jele 7 ya bä dalalema, yanowamö täbä nö nia bleaamaö lä co̦ono wejei. Wayu wayu 7 bä showabomaje. Ö̦jö däjä, “Inaja lä waiquiwä”, Yai Bada a nia cudoma. Ö̦jö 7 bä wayunö täbä nö bleaamaö fa jödödöblalöjenö, a nö wa̦lowä lä jushuo wei etä nia mladou showadaoma.

Apocalipsis 15:7

Ö̦jö däjä Yai Bada etäbä yaitawä 4 lä cuono wei ai a lä cuinö, ö̦jö a̦jele 7 bä nija, 7 toubä nashiwä befi ca̦i fe lajowä jöbäaquema. Toubä lä didiono wei, olo bä ja täbä cuoma. Ö̦jö toubä nashiwä lä cuinö, Yai Bada tä nö wa̦lowä lä jushuo wei tä jömamoma, tä cudia shi lä wa̦lile.

Apocalipsis 4:5

¿Ö̦jö tawä? Bada tä lä döcäo wei etäcö jamö, madula a wacö blada bladamou. Täbä a̦ bluca ca̦i mashiquiwä ji̦lio. Ya̦lu a wa̦ ca̦i faö nö quiliaö showadao. Bada a lä döcäo wei etäcö mashi jamö, cowa 7 wacöbä befi ca̦i i̦tatawä. Ö̦jö wacöbä lä cuinö, Yai Bada etä a̦ lä juaö wejei ebä yai 7 jömamou.

Apocalipsis 8:5

Ö̦jö däjä, a̦jele a lä cuinö, acanafu täbä tablamobä tä madofi fa dälänö, Yai Bada nija täbä lä dodoblamou wei täbä maqueblamobä täcö jamö, acanafu bä wacö dälema. Acanafu täbä tablamobä tä madofi ja, wacöbä fe fa lajoblamalönö, bita jamö wacöbä shäyäblaquema. Ö̦jö däjä, ya̦lu a wa̦ faö nö quiliaö showadaoma. Bluca täbä a̦ ca̦i mashiquiwä ji̦lioma. Madula a ca̦i wacö blada bladamoma. Ulifi a nö ca̦i bada blösö blösömou quiliaö showadaoma.