Apocalipsis 1:9 - Biblia Yanowamö

⁹ Camiyä Juan ya lä cui camiyä bämacö bluca. Jesucristo a nowa ja wamacö nö bleaamaö lä culajeinaja, inaja showawä camiyä yale nö ca̦i bleaamaö mö feduaje. Jesucristo a bälöa dodijiqueyoluu däjä, cafä wamacö nia lä cuo weinaja camiyä ya nia ca̦i cuo mö feduo. Ö̦jö wama a nö dabolanö wamacö nö wa̦lojaö fe lä yadio weinaja, camiyä ya nö ca̦i wa̦lojaö cuo mö feduo talei. ¿Ö̦jö tawä? Yai Bada ya etä a̦ wäyäö nofi jushuaö yalo, Jesucristonö tä a̦ lä wawämano wei ya etä a̦ ca̦i wayoablalaö fe yadia cudeenö, Bamo tä ulifi lä jo̦cole jamö wale shi wa̦limaquemaje.

Apocalipsis 1:9 Iomraidhean Croise

Mateo 20:23

Ö̦jö däjä, abinaja Jesúsnö cäcöbö nowa tama. —Bejedi lä wafäcö a̦. Wafäcö nö nia bleaaö mö feduo. Ö̦jö ma cui, jayu ya boco mashi jamö a nia lä döcäo wei a lä cui, camiyänö ya tä daimi. Acasi ya boco mashi jamö ma cui, inaja showawä. Cäcöbö nia lä döcämabou wei, Fayänö ö̦jö tä shino daö waiquia —cäcöbö nowa tama.

Marcos 10:39

—Awei, inaja lä yafäcö ca̦i tablamamobä yafäcö waiquiwä —cäcöbö cuma. Ö̦jö däjä, abinaja Jesúsnö cäcöbö nowa tama. —Bejedi lä wafäcö a̦. Wafäcö nö nia bleaaö mö feduo. Wafäcö nia taamaö mö feduoje.

Juan 16:33

Camiyä nija wamacö culanö, wamacö bufi yanöcöo fe yadiobä ya wa̦. Bita jamö wamacö cua showalanö, wamacö nö nia ma bleaamaö wejei ma cui, bä bufi nö da wa̦lojoicu. Bita jamö a lä nosiemou wei a nija ya nö wa̦loblou waiquilayoma —a cuma.

Hechos 1:15

Bei. Jesucristo ebä lä yododano wei jamö, jai 120 bä cuoma. Ö̦jö bä nija Pedro a fa ubladalunö, a wa̦ falayoma.

Hechos 14:22

Cäcöbö jayuaö co̦lanö, Jesucristo nija bä lä nocao wei, ebä bufi lojodoamaböö cuaaö co̦ofälöma. A nofi mölabou fe yadiobeje, bä yömölaböö cuaama. Abinaja bä nowa taböma. —Yai Bada tänö cama ebä nia ca̦i lä cuo wei tä cublou showao mlao däjä, bämacö yanöcöobä tä cuami waiquiwä. Jesucristo bäma a nofi lä mölabou wei, showadi bämalecö nö nia bleaamaöje —bä nowa taböö jayuaö co̦ofälöma.

Romanos 8:17

Bä ijilubö bäma ecö waiquiwä ja lä, bämalecö befi lä taboladi täbä ja bämacö nia dobämodayou, Cristo a nia lä dobämou weinaja showawä. Cristo a nö bleaamaö lä cuaano wejeinaja bämacö nö bleaamaö mö feduoje ja, ö̦jö sho bämalecö nia bluca doblamabodayou.

Romanos 8:25

Ö̦jö ma cui, tä dablamou showao mlao däjä bämacö mölaö ja, bämacö bufi yanöcölanö bämacö nö nia dao.

2 Corintios 1:7

Cafä wamacö lija yamacö bufi wedinajamobä tä cuami. “Bä nö nia wa̦lojaö fe yadio”, bämacö nofi tabou waiquiwä. Ei yama tä malä dale. Camiyä yamacö nö bleaaö däjä, yamacö bufi lä bayeliblamou weinaja, inaja showawä cafä wamacö nö ca̦i bleaaö däjä, wamacö bufi nia ca̦i bayeliblamou cuo mö feduo.

Filipenses 1:7

¿Ö̦jö tawä? ¡Inaja bämacö nofi tabou lä! Bämacö malä bufibole. Yai Bada lija ya ojodamobä ya cuono ma mlai ma cui, wale nofi fa ojodadalönö wale shimöa fe yadilema. Ya lä ojodamou wei jamö, blada bä ja wamale bayeliblaö ja, bämacö bufibou. Fei däjä wale cafe ma quefubolajei ma cui, ya fe lao showaono mlai ja ma cui, showadi wamale bayelibladima. Jesucristo ya wa̦ nofi bäyäbou ma cui, ya wa̦ bayelibou ma cui, wamale bayeliblaö showawä.

Filipenses 4:14

Ö̦jö ma cui, ya dodijaö ma waiquio däjä ma cui, wamale lä bayeliblano wei tä ja, wamale bufi doblalamaö dodijioma.

2 Tesalonicenses 3:5

Bada tä lä cuinö wamacö bufi yai cadidamabä, yamacö a̦ faö. Yai Bada tänö bejedi wamacö lä nofimaö wei wama tä dablabä. Bufi yanöcölanö Cristo wama a nö dabou fe yadiobä.

2 Timoteo 1:8

Bada wa tä a̦fa nia lä wäyäö wei tä ja, a quili dijä, ö̦jö lä. Cristo tä a̦ nowa ja, wale fe ma labolajei ma cui, jai wale daimi a cublo dijä. Jesucristo yama tä a̦ dodijidawä wäyäö yalo, yamalecö nö ma bleaamalajei ma cui, a yädäo quili dijä. Yai Bada tä lofotenö a yai da yädäicu.

Hebreos 10:36

Wamacö nö wa̦lojabä tä waiquiwä. Yai Bada tänö tä tamaö lä bufii wei wama tä taö fa cadidionö, tä a̦fa lä wäqueno wei wama tä yai däadayobä.

1 Pedro 5:1

Jesucristo wama ebä ca̦i lä yododaö wei wamacö lä cui nija ya wa̦ nia faö nomöjöo, camiyänö iba ya bä ca̦i yododaö mö lä feduo wei ya lä cui. Jesucristo ya nö bleaaö lä dalaleno wei cä ya. Fedu jamö a lä doblaladi tä wawäblou däjä, camiyä ma cui ya nia doblao cuo mö feduo. ¿Ö̦jö tawä? Ö̦jö lä ya lä cuinö, abinaja bämacö nowa taö lä cule.

Apocalipsis 1:1

Camiyä Juan ya nija Jesucristonö tä lä damalaleno wei, ei tä a̦ oni. Jesucristo nija Yai Bada tänö ö̦jö tä bluca wawämalema, cama bäma ecö moyawämabou mö feduobä. Tä nö dedei showao mlao däjä, Yai Bada tänö tä nia lä taö wei tä nia cublou. Jesucristo a nosie juamobä ya lä cui nija tä dablamabä, a̦jele e shömöledayoma.

Apocalipsis 1:2

Camiyä Juan ya nija Yai Bada a wa̦no lä wäyämono wei ya tä a̦ wäyäbä, ya tä a̦ bluca oniblaö lä cule. Jesucristonö tä a̦ lä wawämano wei tä a̦ ca̦i. Camiyä Juannö ya tä bluca lä dalaleno wei tä a̦ ca̦i.

Apocalipsis 1:4

Camiyä Juan cä ya. Asia tä ulifi jamö Jesucristo 7 wama ecö lä yododoblai wamacö nija, ei ya tä a̦ oni shömaö lä cule. Yai Bada nija ya nö bayeli nacaö, a jaba cuo lä showaono wei, a cua lä showale a lä cui nija. A nia juu lä co̦o wei a showawä lä cui nija. Bada tä lä döcäo wei etäcö ajede jamö, *yai 7 bä lä culadi bä ma cui nija ca̦i. Ö̦jö bä nija ya nö bayeli nacaö, wamacö nofi ojodabobeje, wamacö bufi ca̦i yanöcömabobeje.

Apocalipsis 1:6

Jesucristonö bämalecö ca̦i fa cuonö, Yai Bada bäma ecö cuobä bämalecö tablamalema. Bä Fö̦ö e nija bämacö ojodamou ajedeobä, nofi bäyäalewä bämalecö tablamalema. ¿Ö̦jö tawä? ¡Jesucristo a wa̦fa shino doblao tamobä! ¡Ö̦jö a lojode bälöo dodijio shi wa̦libä! ¡Inaja lä tä cuobä!

Apocalipsis 11:7

Yai Bada etä a̦ wäyäböö jödödöblou däjä, yalo waiteli a nia ishou. Täca fe jolocoa lä mlabodi jamö a cuoma a fa fabonö, cäcöbö nabä fa quealunö, ö̦jö a nö nia shino yai wa̦lojaö ayao. Cäcöbö nia shäö.

Apocalipsis 12:11

¿Ö̦jö tawä? Oweja a wa̦fa ocalo lä jilamou wei i̦yäbönö, fecula bada a nö bleaamamaje, bejedi tä a̦ lä wäyäno wejei tä a̦ ca̦inö. Bä shämobä tä ma cui ja bä quilino malä mlai.

Apocalipsis 12:17

Ö̦jö däjä, suwä nija täcö nö wa̦lowä fa jushudalunö, bä ijilubö ai ebä nija a ishou mö juma, Yai Bada tänö tä tamaö lä bufii wei tä a̦ nofi lä cadidibou wejei bä lä cui nija. Jesucristo a wa̦fa lä wäyäö wejei bä nija ca̦i.

Apocalipsis 13:10

A o̦cama öböbobeje a waiquiwä ja, a nia o̦cama öböbouje. Sibala namo mö feduduwä anö a shämobä a waiquiwä ja, sibalanö a nia shämou. ¿Ö̦jö tawä? Yai Bada ebä bejedimolanö ebä nö wa̦lojaö fe yadiobä bä li.

Apocalipsis 14:12

¿Ö̦jö tawä? Yai Bada ebä lä cui, bä nö wa̦lojaö fe yadiobä, ö̦jö lä. Ö̦jö bä lä cuinö, Yai Bada tänö tä tamaö lä bufii wei tä a̦ nofi cadidibouje. Jesús a nofi mölabou fe yadioje.

Apocalipsis 19:10

Ö̦jö däjä, ö̦jö ya wa̦fa Bada doblao tabä, a̦jele bei a cotä jamö ya möfe boblaquema ma cui, wale wasölema. —Inaja dicoo mlai —a cuma—. Camiyä bämacö bluca. Jesucristonö tä a̦ lä wawämano wei wama tä a̦ nofi lä cadidibole wamacö lä cuinö, Yai Bada wama a wa̦ juaö lä cuaaö weinaja ya ca̦i cuaaö mö lä feduo wei cä ya. Wa möfe bolanö, Yai Bada wa tä a̦fa nia shino yai Bada doblao taö —a cuma. Jesucristonö tä a̦ lä wäyäno wei tä a̦ bejedi lä cuinö täbä nö malä wa̦lojoblamaö wei, Yai Bada etä a̦ wäyäbeje.

Apocalipsis 20:4

Ö̦jö däjä bada bä döcäobä ya täbä dalalema, bä bada lä döcäono wei bä ca̦i, yanowamö täbä jömabeje bä lä lämabono wei bä lä cui. Ö̦jö bä bada lä cui, Yai Bada ebä fe lä bafedimano wejei ö̦jö bä bufi cuoma. Yai Bada a wa̦no wäyäö nofi jushuaöje ja bä shälemaje, Jesús a wa̦fa wäyäö fe yadiomaje cudeenö. Ö̦jö bä lä cui, yalo waiteli a ma cui nija, ö̦jö a nö idubo ma cui nija, bä möfe boonomi. Cäcöbö a̦fa bada doblao ca̦i tanomije. Ö̦jö a wa̦fa oni lä cui ja bei bä wäyäcu oniblamonomi. Bei bä imicö ma cui ja, inaja showawä. ¿Ö̦jö tawä? Bä demia co̦layoma, lasha 1.000 a lalou jaöo mlao däjä Cristo sho bä bada läo balöobä.

Apocalipsis 3:10

¿Ö̦jö tawä? Iba bä nö wa̦lojaö fe yadioma, ya bä nowa lä tano weinaja showawä. Ö̦jö cudeenö, bita jamö yanowamö täbä bluca lä bälöblai bä wabamobä tä cublou däjä, bä nö nia yai lä bleaaö wei däjä, iba bä lä cui ya bä nia lojodomabou fe yadio.

Apocalipsis 6:9

Oweja a wa̦fa ocalo lä jilamou wei a lä cuinö, mai 5 coco caloblaö lä co̦layono wei däjä, Yai Bada nija täbä nia lä dodoblamou wei bä maqueblamobä ya täcö wawädowä dalalema. Ö̦jö täcö cotä jamö, cama ai ebä lä shämono wei ya bä bufi dalalema. Yai Bada a wa̦no wäyäö nofi jushuaöje ja bä shälemaje cäbä, a wa̦fa wäyäö fe yadiomaje cudeenö.

Apocalipsis 7:14

Abinaja ya e cuma. —Bada tä. Cafänö wa bä li daö —ya e cuma. Inaja ya cuu ja wale yömölama. —Fei bä lä cui, yanowamö täbä nö yai bleaaö nö lä quiliano wei däjä, bä demi lä feiblaliyono wei fei cäbä. Oweja a wa̦fa ocalo lä jilamou wei i̦yäbö ja esibä fa yalulalöjenö, esibä li aublaliyoma.