Apocalipsis 1:7 - Biblia Yanowamö

⁷ ¿Ö̦jö tawä? Jesucristo a lä cuinö, ölajashi bä befi ca̦i nia waloo co̦oyoluu. Jödödöwä bä blucanö a nia dablaöje. A lä diquiano wejei bä bluca ma cuinö a nia ca̦i dablaöje. Ö̦jö a nowa ja, bita jamö bä jödödöwä lä bälöblai bä nofi fa jo̦lijonö bä a̦ nö nia quilili bleaaö. Einaja lä tä nia cuo dodijio. ¡Inaja lä tä cuobä!

Apocalipsis 1:7 Iomraidhean Croise

Salmo 22:16

Awei. Ji̦ima bä waitelimou däjä, bä fe fa̦yoblou lä culenaja, bä doblou lä mlai bänö wale fe fa̦yobou cuaje. Wale imicö diquiamaje. Wale mamicö ca̦i diquiamaje.

Números 24:17

’A nia obi lä cuo wei ya tä möö —a cuma—. Ya blajawä dablaö balöa lä cule. Jacobo ai e lä cui, jai shidicali a nia bada bädou. Isaeli ai e lä cui, bada a nia bada wawäblou. Moabateli bä fe nia bada shäamaö. Sede ebä fe nia ca̦i shäamaö.

Mateo 16:27

’Camiyä ya lä yanowamöblaleyoluno wei ya lä cuinö, Fayä tä shi̦i jilajawä ja, iba a̦jele ya bä ca̦i nia itou malä co̦o wei —a cuma—. Ö̦jö däjä, wa̦lidiwä tä lä tano wejei bä nija ya tä nowa nia co̦amaö. Dodijidawä tä lä tano wejei bä ma cui nija, ö̦jö ya tä nowa nia ca̦i co̦amaö shalilio mö feduo.

Mateo 16:28

Cafä wamacö nija ei ya wa̦ lä cui, bejedi lä ya wa̦. Ai wamacö lä ublale, wamacö nomaö showaono mlai ja, camiyä ya lä yanowamöblaleyoluno wei wamale nia Bada itou dablaö—Jesús a cuma.

Mateo 24:30

Ö̦jö lä däjä camiyä ya lä yanowamöblaleyoluno wei ya lä cui, wale nia itou lä jömadayou wei, judu mösö jamö tä nia bädodayou. Ö̦jö däjä, jödödöwä bä lä bälöblai bä nia quilili si̦lalamoblalou cuaaö. ’Ö̦jö däjä, camiyä ya lä yanowamöblaleyoluno wei ya nia shino yai bädoyoluu —a cuma—. Ölajashi a jamö ya shi̦i ca̦i bada fa itoimadunö, wale nia lojode dablaöje.

Mateo 25:31

Abinaja Jesús a cuma. —Camiyä ya lä yanowamöblaleyoluno wei ya lä cui, ya shi̦i wacacawä jamö a̦jele ya bä ca̦i lä itole däjä, ya döcäobä täcö lä doblale jamö ya nia döcäo.

Mateo 26:64

—Awei. Ö̦jö lä ya e —Jesús e cuma—. Ya lä yanowamöblaleyoluno wei ya lä cui, Yai Bada a nö wa̦lojaö lä ayao wei boco jayu mashi jamö, wamale nia ca̦i döcäa dabladayou. Ölajashi a jamö, wamale ca̦i nia itou dablaö —a cuma.

Marcos 13:26

Ö̦jö lä däjä, camiyä ya lä yanowamöblaleyoluno wei ya nia shino yai bädoyoluu. Ölajashi a jamö ya shi̦i ca̦i fa itoimadunö, wale nia yai lojode dablaöje.

Marcos 14:62

—Awei. Ö̦jö lä ya e —Jesús e cudaliyoma—. Ya lä yanowamöblaleyoluno wei ya lä cui, Yai Bada a nö wa̦lojaö lä ayao wei boco jayu mashi jamö, wamale nia ca̦i döcäa dabladayou. Ölajashi a jamö wamale ca̦i nia itou dablaö —a cuma.

Lucas 21:27

Ö̦jö däjä, camiyä ya lä yanowamöblaleyoluno wei ya nia shino yai bädoyoluu. Ölajashi a ja ya shi̦i ca̦i bada fa itoimadunö, wale nia lojode dablaöje.

Juan 19:34

Ö̦jö ma cui, sodado ai a lä cuinö, boo shi bada namonö, Jesús leboco diquibalejelayoma. Leboco fa diquibalujulunö, i̦yäbö falayoma, mau ubä ca̦i.

Juan 19:37

¿Ö̦jö tawä? Abinaja ai tä a̦ ca̦i cuu mö fedua. A lä diquiano wejei a lä cui nija bä mamo nia showao. Einaja tä a̦ cuu.

1 Tesalonicenses 1:10

Fei däjä bä Ijilubö e lä culadi wama e nö ca̦i dabou. Ö̦jö Jesús a lä cui, a ma nomalayono wei a demi jocäa co̦malema. Yai Bada a nö waiteli lä quiliaö wei däjä bämalecö noshi nia umlabou.

1 Tesalonicenses 4:17

camiyä bämacö demi lä showai, bämacö lä daamou wei bämacö lä cui, yedu bämacö ca̦i fucäa fa showaläfälönö, öjölashi ajamö bäma bä ca̦i cuodayou wä, fedu jamö Bada bäma tä mö baamadayobä. Ö̦jö tä fa cublalunö, Bada tänö bämalecö nia ca̦i cuo shi wa̦liodayou.

Hebreos 10:29

¿Ö̦jö tawä? Wa̦lidiwä tä fulii mö yabaaö lä co̦o wejei bä nö bleaabä bä li waiquiwä. Ö̦jö ma cui, Yai Bada bei Ijilubö a waii lä majöblao wejei bä lä cui, ö̦jö bä nö nia yai bleaaö dodijio. ¿Ö̦jö tawä? Yai Bada a wa̦ nö wäo lä co̦ono wei tä a̦ ca̦i läobä, Jesucristo a shämolayoma. I̦yäbö falayoma. Ö̦jö i̦yäbönö bä doblou lä mlai etä nowa mladamalema ma cui, inaja bä lä cuaaö wei bä lä cuinö i̦yäbö nö waiblaö majöoje. Yai Bada tänö täbä nofi ojodabobä a Bufi läa ma waiquile ma cui, a Bufi nö ca̦i waiblaöje.

Hebreos 6:6

Ö̦jö bä lä cui, Jesucristo a yai bufiboimi majöo dicoweje ja, bä yai dobloimi. Jai fii balitama tefi jamö Jesucristo a shäö co̦aje ö̦jö bä li cuaaö malä cui, cama bä lä cuaaö wei tänö. Wawädowä a nö waiblamaöje.

1 Juan 3:2

Iba wamacö. Yai Bada bei ijilubö bäma ecö waiquiwä. Bämacö nia yai lä cublou wei bäma tä daö ma mlai, ei bäma tä shino daö. Jesucristo a bädou däjä, cama a lä culenaja bäma tä yai fa dalalönö, inaja showawä bämacö nia cublou mö feduo.

Judas 1:14

Enocö a ma cuinö, inaja bä lä cuaaö wei tä a̦fa ca̦i wäyäö balöo showaoma. Ö̦jö Enocö a lä cui, Adana bä ijilubö ebä nodiwä bälöablalou fa cuaanö a bälöo nomöjöo nodioma. Tä nia lä cublou wei tä a̦fa wäyäö ja, abinaja Enocö a cuma. ¡Bei! Bada tä juu lä cuimi. A̦jele ebä lä doblaladi, bluca dodijiwä täbä ca̦i juu lä cuimi,

Apocalipsis 22:20

Abinaja Jesús a cuma, ei täbä a̦ bluca lä wawämale a lä cui. —Ya nia juu co̦o jaödao —a cuma. —Awei, Bada tä Jesús —ya e cuma. —Wa juu co̦obä lä. ¡Inaja lä tä cuobä!

Apocalipsis 22:4

Yai Bada mofecö nia dablaö wawädooje. Bei bä wäyäcu ja, Yai Bada bei a wa̦fa nia oni cublamou.

Jueces 5:31

Jeobaa wa tä. Cama bä mö lä watäblamono weinaja, inaja showawä cafä wa nofi lä wa̦libou wejei bä bluca cublobä. Wa lä nofimaö wejei, motoca a yobli yo̦loloblou lä culenaja, bä nö shi̦lo yai wa̦lojaö cuobä. ¿Ö̦jö tawä? Amowa tä a̦ lä taböno wei, einaja etä a̦ cuma. Ö̦jö däjä, Isaeli ebä ulufibö yanöcöwä showalanö, lasha 40 a famalemaje.