Apocalipsis 1:5 - Biblia Yanowamö

⁵ Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 1:5 Iomraidhean Croise

Mateo 20:28

camiyä ya lä cuaaö weinaja showawä. Camiyä ya lä yanowamöblaleyoluno wei ya ma cui, ya nosiemobä ya junomi. Ya bä yai bayeliblabä, ya li waloqueyoluma. Yanowamö ai ya bä nowa ca̦i bluca co̦amabä, ya jöböamou mö juma —bä nowa tama.

Mateo 28:18

Abinaja Jesúsnö bä nowa tama. —Fedu jamö ma cui, bita jamö ma cui, bluca täbä lä cublai täbä ja ya Bada cuobä, camiyä Yai Bada tänö wale tablamalema.

Juan 13:1

Yai Bada a waiteli lä jayuano wei tä nofi nia co̦camoaö jaödao co̦omaje. Bä Fö̦ö e nijamö a nia co̦o lä jaödaono wei, Jesúsnö tä daö waiquioma. Ei tä bita tabi nia feiaö co̦oma. Cama ebä bita jamö lä cule, bä showadi lä nofimadino wei, bä nofimaö mladonomi. A waicobä jamö ma cui bä nofimaö fe yadio showaoma.

Juan 13:34

Cafä wamacö nija ya tä tamaö lä bufii wei, ya tä a̦ dude wäaö lä cule. Bä da nofimayo. Cafä bämacö nofimaö lä waiquilenaja, inaja showawä, bä nofimayou da cuo.

Juan 15:9

Fayänö camiyä wale nofimaö lä culenaja, bämacö nofimaö cuwä mö feduwä. Bämacö lä nofimale tä ja bä da yanöcöicu.

Juan 18:37

—Ö̦jö waiquiwä —Bilado e cuma—. Bada wa wa̦fa jilou malä waiquiofe. —Cafänö wale a̦fa shino bada jilaö lä cufe —Jesús e cuma—. Bejedi ya tä a̦ wawämabä ya oshe tablamolayoma. Inaja ya cuaabä ya bita jamö waloqueyoluma. Bejedi tä a̦ nofi lä yaibou wejei bä blucanö, wale a̦ ji̦liaöje —e cuma.

Juan 3:11

Cafä nija ei ya wa̦ lä cui, bejedi lä ya wa̦. Yama tä lä daö wei yama tä a̦fa wäyäö. Yama tä lä möno wei yama tä a̦fa taö. Ö̦jö ma cui, yama tä a̦fa lä taö wei, wama tä a̦ bufiboimi dicowä.

Juan 3:16

’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Juan 3:32

’Tä lä mödayono wei, tä a̦ ca̦i lä ji̦liledayono wei, ö̦jö tä a̦fa bluca wäyäö ma cui, a wa̦ bejedi bufiimije.

Hechos 20:28

Bä da moyaweicu, wamacö bejedimobä. Jesucristo ebä lä yaile ebä bluca bejedimou mö feduobä, bä da cadidamaje. Yai Bada cama ebä li. Cama bä Ijilubö a lä shämono wei ja, bei i̦yä bänö bä nowa fa comacönö bä li tabou. Wama ebä ca̦i cuobä, Yai Bada tä Bufinö wamacö li lämabou.

Hechos 26:23

Yai Bada tänö a shömabä a lä yaileno wei a wa̦fa wäyäö balöoje ja, a nö nia jo̦wa bleaamamaje. A fa shäblamonö, ba̦limi a nia demi jocädou co̦oma. ¿Ö̦jö tawä? Ai bä ba̦limiblou balöa mlai ja, cama a nia shino demi jocädou balöoma. A demi jocädou lä co̦ono wei tänö, Yai Bada tä shi̦i a̦fa nia wäyämou blaucoma, judio bä ma cui, judio bä lä mlai bä ma cui, bä bufi bluca jaducublobä —a cuma.

Romanos 3:25

Yai Bada tänö Jesucristo a noshi ö̦jödaboma, a shämou läobä. Ö̦jö a nofi fa mölabojenö, cama bei i̦yäbönö bä doblou lä mlai etä nowa mladou. ¿Ö̦jö tawä? Cama Yai Bada tä nia cadejewä fa dablamonö, inaja a li cuaama. Jaba däjä täbä doblono ma mlai, a bufi asio fa balöonö, a bufi lämoma. Ö̦jö ma cui fei däjä tä nowa yai tabou, cama a cadejewä dablamobä. Jesús a nofi lä mölabou wejei tänö, jai bä dodijidawä waiquiwä bä nofi tabou.

Romanos 8:37

Ma. Inaja bämalecö ma taamaö wejei ma cui, bämacö nö wa̦lojaö fe yadiobä bämacö. Bämalecö yai lä nofimale a lija bämacö bayeliblamou ja, bämacö nö yai wa̦lojabä bämacö.

1 Corintios 6:11

Inaja ai wamacö ca̦i jaba cuaaö ma balöono wei ma cui, wamacö aublaliyoma. Yai Bada wama ecö cublaliyoma. Bada tä Jesucristo lä cuaano wei tänö, jai wamacö dodijaö waiquiwä wamacö nofi tabou majöa. Yai Bada tä Bufinö inaja wamacö taamama, bäma a lä bufiblaö wei a Yai Bada lä cuinö.

Gálatas 2:20

¿Ö̦jö tawä? Fii balitama tefi jamö Cristo a lä shäleno wejei däjä, camiyä ya ca̦i shämoa yädäa showalayoma. Fei däjä ya demi lä cule, Cristonö wale ca̦i demi cua. Camiyä ya bufi lä cuaablalou weinaja ya cuaaimi. ¿Ö̦jö tawä? Eja ya demi cua lä showale, Yai Bada bei Ijilubö ya e nofi mölabolanö ya e cua lä cule. Wale fa nofilänö, wale bayeliblabä cama a jibämoquema.

Efesios 2:4

Ö̦jö ma cui, Yai Bada a bufi asio fe balojoo. Bämalecö yai nofimaö fa dodijionö,

Efesios 5:2

Wama täbä nofimalanö bä ca̦i da cuoje, Cristonö bämalecö nofimaö lä culenaja showawä. Bämalecö bayeliblabä a nomaa lälayoma. Yai Bada lija täbä wa̦queshi nö li̦yoli lä u̦cucamou wei täbä dodobou lä cuaaö wejeinaja, inaja showawä, Cristo cama a jibäamou bufi doblao cuoma, Yai Bada a bufi doblamabobä.

Colosenses 1:18

¿Ö̦jö tawä? Cama ebä lija, ö̦jö lä a Bada läo. Ö̦jö lä ebä bluca lä cui, cama bei lä fe waiquiwä, cama ebä dodijidawä cuobä. Ai bä demi jocädou balöa mlai ja, cama a shi̦lo demi jocädamaö balölayoma, ba̦limi a cudio shi wa̦libä. ¿Ö̦jö tawä? Jödödöwä täbä lä cublai täbä ja a Bada läobä, inaja a li tablamalema.

1 Timoteo 6:13

Cafä bä yömölaö cadidia lä cule. Täbä bluca lä demidamaö wei Yai Bada tä malä cule. Jesucristo a ca̦i malä cule, tä a̦ bejedi wäyäö lä waiteliano wei. Bo̦sio Bilado a wa̦ nö bada ma quiliano wei ma cui, tä a̦ wäyäö quilino malä mlai.

1 Timoteo 6:15

A bädou bufio däjä, Yai Bada tä lä doblalenö a bädamaö wä, Bada a yai lä läle a lä cuinö. Ö̦jö Bada cä tä ayawä. Bada täbä bluca lä cublai täbä nosiemaö.

Hebreos 10:29

¿Ö̦jö tawä? Wa̦lidiwä tä fulii mö yabaaö lä co̦o wejei bä nö bleaabä bä li waiquiwä. Ö̦jö ma cui, Yai Bada bei Ijilubö a waii lä majöblao wejei bä lä cui, ö̦jö bä nö nia yai bleaaö dodijio. ¿Ö̦jö tawä? Yai Bada a wa̦ nö wäo lä co̦ono wei tä a̦ ca̦i läobä, Jesucristo a shämolayoma. I̦yäbö falayoma. Ö̦jö i̦yäbönö bä doblou lä mlai etä nowa mladamalema ma cui, inaja bä lä cuaaö wei bä lä cuinö i̦yäbö nö waiblaö majöoje. Yai Bada tänö täbä nofi ojodabobä a Bufi läa ma waiquile ma cui, a Bufi nö ca̦i waiblaöje.

Hebreos 9:14

¡fei däjä yai! Cristo i̦yäbönö fei däjä bei wamacö bufi yai aublou dodijia yailayou. Etä wa̦lidiwä cua mlai ja, Yai Bada lija a dodomoquema. Yai Bada tä Bufi lä ba̦limi wei tä lofotenö, a dodijidawä dodomoquema. Wamacö lä cuaano wei tänö wamacö mili nomama ma cui, bei wamacö bufi jamö tä wa̦lidiwä lä läono wei, Cristo i̦yäbönö tä mladamalema. Wamacö bufi aublou majölayoma. Fei däjä wamacö yai au, Yai Bada a cua shi lä wa̦lile wama a nosie yai fuaö majöobä.

1 Pedro 1:19

Tä nowa yai lä bluca wei tänö wamacö nowa co̦molayoma, ö̦jö Cristo i̦yäbö showawänö. Jaba däjä yanowamö täbä doblou lä mlai etä nowa mladobä, oweja bä shämou läoma, moli etä wai wa̦lidiwä cuono lä mlai bä oweja lä cui. Inaja showawä, wa̦lidiwä etä cua mlai ja, Cristo a ma cui a shämoa läa majölayoma.

1 Juan 1:7

Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.

1 Juan 4:10

¿Ö̦jö tawä? Camiyä Yai Bada nija bämacö nofimou dobloimi dicowä. Camanö bämalecö lä nofimaö wei bäma tä dablaö däjä, nofimou tä lä cui bei bäma tä shino yai dalalei. Bä Ijilubö e shämou läobä a malä shömöleno wei, wa̦lidiwä bäma tä lä taö wei tä nowa bluca mladamabä.

Apocalipsis 11:15

Ö̦jö däjä a̦jele 7 a lä cuinö, amowa fi jolaö fa co̦onö, fedu jamö bluca bä a̦ i̦cali ji̦lioma. Abinaja bä cuma. —Yai Bada bäma a nofi lä Badabole a lä cui, yanowamö täbä nijamö a dodijidawä yai bälöobä etä cublaliyo lä cufe. A shömabä a lä yaileno wei sho cäcöbö yai nosiemou shi wa̦libä —bä cuma.

Apocalipsis 11:3

Camiyä wale a̦fa wäyädiböbä ya cöbä nia lämabou. Ya cöbä nö nia wa̦lojomabou. Täbä nö wajäwä ö̦jöböamobä, camishi a̦loqui cäcö ö̦shö lä ya̦bou wejei cäcö ja cäcöbö didilanö, belibo 42 a lublou showaa mlai ja wale wa̦no nia taböö —a cuma.

Apocalipsis 17:14

Oweja a wa̦fa ocalo lä jilamou wei a nabä nia queo ma cujei, ö̦jö a lä cuinö bä nö nia shino bleaamaö ayao. Ö̦jö a shino Bada lojode malä ayai. A nö shino lä wa̦lojaö wei, ö̦jö a Bada. Oweja a wa̦fa ocalo lä jilamou weinö bä ca̦i lä juu wei bä lä cui, Yai Bada tänö bä lä nacano wei ö̦jö lä cäbä. Bä yailema. Ö̦jö bä bejedimou —a a̦jele cuma.

Apocalipsis 19:11

Ö̦jö däjä ya mamo showao däjä, fedu jamö judu mösö caloblaliyoma. ¿Ö̦jö tawä? Mösö fa caloblalunö, cabayo au ya dalalema. Ö̦ja a lä döcäono wei a lä cui, Tä a̦fa bejedi wäyäö lä shalilio wei, bei a wa̦fa cua. Täbä dobloimi jömaö ja a wa̦ cadidou showadao. A bejedimolanö a ishou.

Apocalipsis 19:16

A lä didile ecö labe jamö a wa̦fa oni cua, bei wacu jamö ca̦i. Abinaja tä a̦ oni cuu. “A nö shino lä wa̦lojaö wei a Bada. A shino Bada lojode lä ayai.” Einaja tä a̦ cuu.

Apocalipsis 2:13

Sadanasi a bälöo lä dodijio wei jamö, iba Becamoteli bä bälöa, fecula bada a lä döcäo wei etäcö lä cule jamö. Ö̦jamö ya bä bälöa nofi jaducubou. Wale a̦ cadidibou lojodoa fe yadiaje. Ö̦jamö lä wale a̦fa wäyäö lä shaliliono wei a shälemaje, Sadanasi a lä bälöle jamö. A ma shäleno wejei ma cui, iba bä lä cuinö wale nofi mölabou fe yadio showaomaje. A lä shäleno wejei a lä cui, Adiba a wa̦fa cuoma. Showadi a bejedimoma.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.

Apocalipsis 7:14

Abinaja ya e cuma. —Bada tä. Cafänö wa bä li daö —ya e cuma. Inaja ya cuu ja wale yömölama. —Fei bä lä cui, yanowamö täbä nö yai bleaaö nö lä quiliano wei däjä, bä demi lä feiblaliyono wei fei cäbä. Oweja a wa̦fa ocalo lä jilamou wei i̦yäbö ja esibä fa yalulalöjenö, esibä li aublaliyoma.