Apocalipsis 1:4 - Biblia Yanowamö

⁴ Camiyä Juan cä ya. Asia tä ulifi jamö Jesucristo 7 wama ecö lä yododoblai wamacö nija, ei ya tä a̦ oni shömaö lä cule. Yai Bada nija ya nö bayeli nacaö, a jaba cuo lä showaono wei, a cua lä showale a lä cui nija. A nia juu lä co̦o wei a showawä lä cui nija. Bada tä lä döcäo wei etäcö ajede jamö, *yai 7 bä lä culadi bä ma cui nija ca̦i. Ö̦jö bä nija ya nö bayeli nacaö, wamacö nofi ojodabobeje, wamacö bufi ca̦i yanöcömabobeje.

Apocalipsis 1:4 Iomraidhean Croise

Éxodo 3:14

Abinaja Yai Bada tänö Moisesi a nowa tama. —Ya lä cule cä ya —a cuma—. Abinaja Isaeli wa ebä nowa tabä. “Yacua tä a̦fa lä jilou wei tä lä cuinö, cafä wamacö nija wale shömölema.” Einaja wa bä nowa tabä —Yai Bada a cuma.

Isaías 11:2

Ö̦jö lija Jeobaa a Bufi fa yanöcöicunö a bufi nia yai jaducämabou. Bufi dao a nia taamabou. Täbä bufi yai shalilamabä, a nia taamabou. A nö nia yai wa̦lojomabou. Bejedi tä a̦ ja, a bufi nia yai damaö, Jeobaa a nö quili tabä.

Miqueas 5:2

Belena Eflada jamö wamacö lä bälöle wamacö blucami. Judawä ai ebä mö feduwä lä cublai bä shi̦lo teteblawä ayawä. Ö̦jö ma cui, Isaeli ebä lija a bada läobä, cafä Belenateli wamacö lija, iba ya nia wawäblamaö, yedu ja a cuo lä showadaono wei.

Juan 1:1

Bita a cuo showao mlao däjä, Bei Tä a̦, a wa̦fa lä jilou wei a cuo showao balöoma. Yai Bada sho cäcöbö cuo showadaoma. Ö̦jö a lä cui, Yai Bada bei a cuoma.

Hechos 19:10

Ö̦jamö tä a̦ wäyäö showao däjä, bolacabö lasha a famalema. Inaja a cuaadima yalo, Asia jamö bä bluca lä bälöblai bänö, Bada etä a̦ ji̦liamaje. Judio bä ma cuinö, judio bä lä mlai bä ma cuinö, tä a̦ bluca ji̦liamaje.

Hechos 2:9

Bluca bämacö shomi coyocoa lä cule. Badia jamö bä lä bälöle bä ma cui, Media jamö bä lä bälöle bä ma cui, Elama jamö bä lä bälöle bä ma cui, bä cua lä cule. Mesobodamia jamö bä lä bälöle bä ma cui, Judea jamö bä lä bälöle bä ma cui, Cabadosia jamö bä lä bälöle bä ma cui, Bo̦do jamö bä lä bälöle bä ma cui, Asia jamö bä lä bälöle bä ma cui, bä bluca coyocoa.

Romanos 1:7

Ö̦jö cudeenö Yai Bada tänö Lomateli wamacö lä nofimaö wei wamacö lija, ei ya tä a̦ oni shimaö lä cule, Yai Bada wama ecö cuobä wamacö nacaa mö lä feduleno wei wamacö lija. Bei. Fayä Yai Bada lija wamacö shi̦lo bayeliblamobä, Bada tä Jesucristo lija ca̦i. Wamacö bufi shi̦lo yanöcömaboböbä. Wamacö nofi ca̦i shi̦lo ojodaboböbä.

1 Corintios 1:3

Bei. Fayä Yai Bada lija wamacö shi̦lo bayeliblamobä, Bada tä Jesucristo lija ca̦i. Wamacö bufi shi̦lo yanöcömaboböbä. Wamacö nofi ca̦i shi̦lo ojodaboböbä.

2 Corintios 1:2

Bei. Fayä Yai Bada lija wamacö shi̦lo bayeliblamobä, Bada tä Jesucristo lija ca̦i. Wamacö nofi ojodaboböbä. Wamacö bufi ca̦i yanöcömaboböbä.

Hebreos 13:8

Jesucristo a bufi nia shomiblou majöomi. Jaba däjä a cuo lä balöono weinaja, fei däjä ma cui a cuwä showawä. Obi ma cui, inaja showawä a nia cuo shi wa̦lii.

Santiago 1:17

Täbä yai lä doblamaö wei a lä cui, ö̦jö Yai Bada a waiquiwä, fedu jamö a lä culadi. Ö̦jamö culanö bämalecö yai bayeliblaö. ¿Ö̦jö tawä? Bäma a nofi lä Fö̦ömale a lä cuinö tä ulifi wacacamabobä, judu mösö jamö täbä shi̦i shadimaquedayoma. Tä shi̦i yai lä doblaladi, cama a waiquiwä. Tä mö dödöjöblou majöobä a nia shomibloimi.

Apocalipsis 1:1

Camiyä Juan ya nija Jesucristonö tä lä damalaleno wei, ei tä a̦ oni. Jesucristo nija Yai Bada tänö ö̦jö tä bluca wawämalema, cama bäma ecö moyawämabou mö feduobä. Tä nö dedei showao mlao däjä, Yai Bada tänö tä nia lä taö wei tä nia cublou. Jesucristo a nosie juamobä ya lä cui nija tä dablamabä, a̦jele e shömöledayoma.

Apocalipsis 1:11

A wa̦ faö ja abinaja wale nowa tama. —Cafä nija tä lä wawäblou wei wa tä a̦ bluca fa oniblalönö, iba 7 bä lä yododoblai bä nijamö si oni da shömölö. Efesoteli bä nija ca̦i, Eminateli bä nija ca̦i, Becamoteli bä nija ca̦i, Diadilateli bä nija ca̦i, Saditeli bä nija ca̦i, Filadefiateli bä nija ca̦i, Laodiseateli bä nija ca̦i —wale nowa tama.

Apocalipsis 1:17

Ya dablaö däjä, ö̦jö lä a cotä jamö jai nomawä ya wäcäblaquema. Ö̦jö ma cui, camiyä nija jayu imicö maquelanö, abinaja wale nowa tama. —A quili dijä. Camiyä jaba ya, jödödö ya ca̦i.

Apocalipsis 1:20

Jayu ya boco jamö shidicali 7 wa bä lä möfe täbä jamö, ya tä a̦ nia wawämaö, wa bufi wedinajamou mlaobä. Ö̦jö bä lä cuinö, iba 7 bä lä yododoblai etäbä bada lä läo wei täbä jömamou. Camiyänö ya ebä lämabou. Cowa 7 wacöbä cublamobä täbä lä cuinö, iba 7 bä lä yododoblai bä li jömamou mö feduo —a cuma.

Apocalipsis 1:8

Bada tä lä bufiblamou wei a lä cui, abinaja a cuu. —Camiyä ya lä cuinö täbä bluca cublaliyoma. Camiyä ya showawä ma cuinö täbä nia bluca waicou —a cuu. Einaja a lojode shi lä wa̦lile a cuu, jaba däjä a cuo fa showaonö a cua lä showale a lä cui. A nia juu lä co̦o wei a lä cui.

Apocalipsis 1:9

Camiyä Juan ya lä cui camiyä bämacö bluca. Jesucristo a nowa ja wamacö nö bleaamaö lä culajeinaja, inaja showawä camiyä yale nö ca̦i bleaamaö mö feduaje. Jesucristo a bälöa dodijiqueyoluu däjä, cafä wamacö nia lä cuo weinaja camiyä ya nia ca̦i cuo mö feduo. Ö̦jö wama a nö dabolanö wamacö nö wa̦lojaö fe lä yadio weinaja, camiyä ya nö ca̦i wa̦lojaö cuo mö feduo talei. ¿Ö̦jö tawä? Yai Bada ya etä a̦ wäyäö nofi jushuaö yalo, Jesucristonö tä a̦ lä wawämano wei ya etä a̦ ca̦i wayoablalaö fe yadia cudeenö, Bamo tä ulifi lä jo̦cole jamö wale shi wa̦limaquemaje.

Apocalipsis 16:5

Ö̦jö däjä mau ubä lä nowamaö wei a a̦jele lä cui, Yai Bada nija a wa̦ fama. Ya wa̦ ji̦lilema. Abinaja a cuma. —Cafä yami wa lä yaile wa lä cui, wa bä nö lä bleaamafe tä ja wa bejedimou. Jaba däjä wa cuo fa showaonö wa cua lä showale wa.

Apocalipsis 2:12

Ya tä lä möno wei, abinaja a cuu nomöjöoma. —Becamo jamö, iba bä lä yododaö wei bä nija a lä läle a lä cui nija, wa etä ca̦i nia oni shömaö. Sibala ya namö mö feduduwä lä showabole, wale wa̦no nia oniblaö.

Apocalipsis 2:18

Ya tä lä möno wei, abinaja a cuu nomöjöoma. —Bei. Diadila jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada ya e Ijilubö. Cowa wacö lä culenaja ya mamocu mömou nö quilijiwä cuwä. Duo shibä shi de̦lelewä lä culenaja ya mamicö cuwä. Ö̦jö ya lä cui, wale wa̦no nia oniblaö.

Apocalipsis 2:8

Ya tä lä möno wei, abinaja a cuu nomöjöoma. —Emina jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä jaba ya, jödödö ya ca̦i. Nomawä ya ma cuono wei ya demi jocädou co̦layoma. Ö̦jö ya lä cui wale wa̦no nia oniblaö.

Apocalipsis 22:16

Abinaja Jesús a cuma. —Camiyä Jesús ya lä cuinö, iba wamacö lä yododoblai wamacö nija, iba a̦jele ya shömölema, wamacö yömölamobä. David nodiwä bä nija a nia Bada lä bädono wei ei ya, jai fii fi nasöcö ja ya nia cabudu faö lä co̦ono wei ya lä cui. Shidicali a faö lä fenablao wei a no dabou lä cuaaö wejeinaja wale nö ca̦i dabomaje —a cuma.

Apocalipsis 22:8

¿Ö̦jö tawä? Ei ya tä a̦ lä ji̦lileno wei, ya tä bluca ca̦i lä möno wei ya lä cui, ö̦jö ei camiyä Juan cä ya. Ya tä a̦ lä ji̦lileno wei däjä, ya tä bluca ca̦i lä möno wei däjä, wale lä yömölano wei a a̦jele cotä jamö ya möfe fa boicunö ya wa̦fa nia doblao tama ma cui

Apocalipsis 3:1

Ya tä lä möno wei, abinaja a cuu nomöjöoma. —Bei. Sadi jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada etä a̦ juamobä ebä 7 yai lä cui, camiyänö ya ebä juwäbou. Shidicali 7 bä lä cui ya bä ca̦i showabou. Ö̦jö ya lä cui, wale wa̦no nia oniblaö. ’Iba Saditeli bä lä cuaaö wei ya tä daö. Bä mömou dodijidawä cudeenö bä a̦fa demi taö ma cujei bä demimi. Bä nomawä.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.

Apocalipsis 3:7

Ya tä lä möno wei, abinaja a cuu nomöjöoma. —Filadefia jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä yami ya lä yaile ya. Ya lä bejedimou wei ya. Bada tä David a lojode jömaö ayaobä tä caloblamodima lä cui, camiyänö ya tä tabou nomöjöa lä cule. Camiyänö ya yoca calobou waiquia ja, yoca nia laaimije. Ya yoca labou ja, yoca nia ca̦i caloblaimije. Ö̦jö ya lä cui, wale wa̦no nia oniblaö.

Apocalipsis 4:5

¿Ö̦jö tawä? Bada tä lä döcäo wei etäcö jamö, madula a wacö blada bladamou. Täbä a̦ bluca ca̦i mashiquiwä ji̦lio. Ya̦lu a wa̦ ca̦i faö nö quiliaö showadao. Bada a lä döcäo wei etäcö mashi jamö, cowa 7 wacöbä befi ca̦i i̦tatawä. Ö̦jö wacöbä lä cuinö, Yai Bada etä a̦ lä juaö wejei ebä yai 7 jömamou.

Apocalipsis 4:8

¿Ö̦jö tawä? Ö̦jö 4 täbä lä cui, 6 täbä majecö cublawä. Bei bä majecö mabucabö jamö ma cui, cama comi bä jamö bä mamobä cublawä nö mlawä. Ö̦jö täbä lä cuinö, täbä yanöcöblou balöa mlai ja ei tä a̦ amowa shino tadiije. Yai Bada tä Bada lojode lä ayai, ¡yami a yaia! Jaba däjä tä cuo fa showaonö tä cua lä showale, ¡yami a yaia! Tä nia juu lä co̦o wei tä showawä lä cui, ¡yami a yaia! Einaja täbä amowamou ja täbä cudii.

Apocalipsis 5:6

Ö̦jö däjä, Bada tä döcäobä etäcö ajede jamö, Oweja a wa̦fa ocalo lä jilou wei ya dalalema, yaitawä 4 täbä möamo jamö. Bada 24 bä lä yädäono wei bä fe fa̦yooma. Ö̦jö Oweja a wa̦fa ocalo lä jilou wei a lä cui, jai a shälemaje a mömou cuoma. 7 yo̦la bä cuoma. 7 mamo bä ca̦i. Ö̦jö bei mamo bänö, yai 7 täbä jömamoma. Yai Bada etä a̦ juamobä ebä 7 lä cui, bita jödödöwä a jamö bä lä shömöleno wei, ö̦jö bä yai cuoma.

Apocalipsis 8:2

Ö̦jö däjä, Yai Bada tänö a̦jele 7 ebä lä ajedemabole ya bä möma. Amowa 7 fibä lä jolamou wei fibä ja bä dobämolayoma.