Apocalipsis 1:3 - Biblia Yanowamö

³ Jesucristo ebä yododabä jamö, ei tä a̦ wawädowä lä doaö wei a lä cui, a bufi nia doblalou. Tä a̦ fa ji̦liläjenö, tä a̦ nofi yai lä cadidibou wejei bä lä cui, ö̦jö bä bufi ca̦i nia doblalou mö feduo. Tä nia lä cublou wei, tä nö dedei mlai ja tä nia malä wawäö wei.

Apocalipsis 1:3 Iomraidhean Croise

Proverbios 8:34

Wale a̦ lä ji̦liaö wei a lä cui, a bufi shi̦lo doblalou. Iba yafi jamö yoca lä jolele ja a läa. Bä lä fablaaö wei jamö a nö dao.

Mateo 24:15

’¿Ö̦jö tawä? —a cuma—. Tä yai lä wa̦lidii tä lä cui, tä nö cuobö lä mlai jamö tä nia ublamabou fe yadioje, Yai Bada etä yafi jamö. Täbä bluca nia yai lä wa̦lidiblamaö wei, ö̦jö bei tä. Yai Bada a wa̦no wäyälewä Daniel a bälöo lä balöono wei a lä cuinö, ö̦jönö tä a̦ wäyäö balöoma. ¿Ö̦jö tawä? Ei ya wa̦ ja, wamacö bufi ca̦i jaducuwä cuobä wamacö. Ö̦jamö lä täbä lä wa̦lidiblamaö wei, wama tä ublaa dablaö däjä,

Lucas 11:28

Ö̦jö ma cui, abinaja Jesús a cuma. —Ma. Yai Bada etä a̦ fa ji̦liajenö, tä a̦ nofi lä jaducubou wejei, ö̦jö bä bufi shino yai doblalobä bä li —a cuma.

Romanos 13:11

Inaja wamacö yai cuaabä. Tä lä cuaale wama tä daö. Tä nö dedei waiquiwä. Jai wamacö midia wamacö cuo mlai, wamacö shi̦lo yai la̦obä. Jaba däjä, Jesucristo bäma a bejedi lä bufiblaleno wei däjä, tä ajedeono ma mlai ma cui, fei däjä bämacö nia yai lä bayeliblou wei tä ajedou lä cuimi.

Romanos 13:12

Mö didi tä mlaafälöö. Tä mö jaluu a lä cuimi. Ö̦jö cudeenö, mö didi däjä tä lä tamou wei tä ja, bämacö da waiquido. Bei bämacö bufi mö lä jalu wei tänö, bämacö yai da nowamöo, bämacö nö wa̦lojaö fe yadiobä.

1 Pedro 4:7

Ei tä a̦ jamö, bä bufi mojoduo dijä. Yai Bada tänö täbä nia lä jömaö wei tä cublou ajedou waiquia. Ö̦jö cudeenö bä bufi da wasöo. Bä bufi ca̦i da moyaweicu, wamacö nö bayeli lä nacao wei tä ja wamacö jujeblou dicoo mlaobä.

2 Pedro 3:8

Ö̦jö ma cui, bämacö lä nofimale wamacö. Ei ya wa̦ lä cui tä a̦ nofi mojodubou dicoo dijejä. Camiyä yanowamö bämacö lä cuinö bäma tä nö a̦fa dedewä lä taö weinaja, inaja Yai Bada tänö tä nofi taboimi. Moli a fe nia ma didi wei ma cui, lasha 1.000 a nia ma faö wei ma cui, inaja showawä Yai Bada tänö tä nofi tabou fe usucuwä.

Apocalipsis 22:10

Abinaja wale nowa ca̦i tama. —Tä nia lä cublou wei, ei Yai Bada wa tä a̦no lä onibole tä a̦ nofi mojodumabo dijä. Tä cublou malä ajedei.

Apocalipsis 22:12

’¿Ö̦jö tawä? —Jesús a cuma—. Tä nö dedei showao mlao däjä ya nia juu co̦o. Ya täbä dobäbä, ya täbä ca̦i nia juu. Bä lä cuaano wei tä nowa ja, bluca ya bä nia dobäö.

Apocalipsis 22:20

Abinaja Jesús a cuma, ei täbä a̦ bluca lä wawämale a lä cui. —Ya nia juu co̦o jaödao —a cuma. —Awei, Bada tä Jesús —ya e cuma. —Wa juu co̦obä lä. ¡Inaja lä tä cuobä!

Apocalipsis 3:11

’Lobe ya nia juu co̦o —a cuma—. Ya waloo showao mlao däjä, bä bejedimou lä waiquio wei tä nofi cadidibou lojodoo showaobeje, camä bä nija ya tä nia lä jöbäö wei tä däaö cadidiobeje. Bä nia doblamaö lä mlajei, bä malä läle. ¿Ö̦jö tawä? Liyäjäwä täcö yojobobeje, iba ya bä nia dobäö.