3 Juan 1:2 - Biblia Yanowamö

² Cafä bäfä lä nofimale. Yai Bada nija bäfä bayelimaö talei, dodijidawä wa tamabobä. Wa jaliliblou mlai ja, wa ca̦i demi cuobä ya wa̦ ca̦i faö, bei wa bufi yai lä doblalenaja showawä.

3 Juan 1:2 Iomraidhean Croise

Mateo 9:12

Jesúsnö ö̦jö bä a̦ fa ji̦lilänö, abinaja bä nowa taö ja̦looma. —Bä jalobä, bä lä demi wei bä nia icuomi. Bä lä jalili wei bä lä cui, ö̦jö bä nia shino yai icuo. ¿Ö̦jö tawä?

Filipenses 2:27

¡Bejedi lä! A jalilia fa dodijilalunö, a mili nomaa dodijilayoma. Ö̦jö ma cui Yai Bada tänö a nofi fa ojodadalönö, camiyä wale nofi ca̦i fa ojodadalönö, a jaloa co̦malema. Ya bufi fo̦lijiblou fe balojoo dicoo mlaobä a bayeliblalema.

Filipenses 2:4

Cafä wamacö nia lä bayelio wei tä ja, bä shi dou ayao dijä, ai bä mö feduwä ma cui lija wamacö shi ca̦i jalimou mö feduobä. Bä da bayeliblayo.

2 Tesalonicenses 1:3

Iba cä wamacö. Wamacö dodijaö yalo yamacö bufi doblalou. Yai Bada lija showadi yamacö bufi a̦fa doblalou wäyämobä lä, wamacö malä dodijaö wei. Jesucristo lija fei däjä wamacö mölaö malä balaimadi. Wamacö nofimayou ca̦i balaö lä cuimadi.

2 Tesalonicenses 2:13

Ö̦jö ma cui, cafä wamacö yai bayeliblamou yalo, Yai Bada lija yamacö bufi doblalou. Showadi yamacö bufi doblalobä tä malä cui. Iba wamacö. Bada tä lä cuinö wamacö nofimaö fe lä balojoo wei wama ecö. Wamacö fucäamobä, jaba däjä Yai Bada tänö wamacö yaia showadalema. Cama a Bufinö wamacö fa yailänö, bejedi wama tä a̦ nofi mölabou, wamacö fucäamobä.

Santiago 5:12

Abinaja bämacö nowa ca̦i taö, iba wamacö. Ei ya wa̦ lä cui wamale a̦ yai da ji̦lilä. Wamacö bejedimou dablamobä, Yai Bada wama a wa̦fa nia jayumaö buomi. Abinaja bä cu dijä. “Ya jolemoimi. Yai Bada a malä cule”, bä cuu dodijio dijä. Inaja bä lä cuu wei bä jolemou bädao ja, Yai Bada nija bä nofi nia nacao. ¿Ö̦jö tawä? Yai Bada wama a wa̦fa jayumaö mlai ja, bä bejedimou da showadao. Yai Bada a ma cui, judu mösö ma cui, bita a ma cui, ¿wedi tabä ö̦jö bei wama bä a̦fa nia jayumaö majöo? “Awei”, wamacö nia lä cuu wei, wamacö bejedimobä bä bufi cadidia da showadaicu. “Ma”, wamacö nia lä cuu wei, inaja showawä, Yai Bada tänö wamacö nö bleaamaö mlaobä.

1 Pedro 4:8

Showadi bä ca̦i shino yai da nofimayo. Ö̦jö däjä ai a doblou ma mlai ma cui, wamacö bufi nofio cudeenö wama tä nowa nia taboimi.

2 Pedro 3:18

Ö̦jö ma cui, Jesucristo nija wamacö bayeliblamou lä waiquio wei wama ecö lä cui, bä yai bayeliblamou fe da balojolu. Wama a daö lä waiquile wamacönö, a yai daö da shalilioje. Bada tänö bämalecö yai bayelibou. Ö̦jö cudeenö, fei däjä ma cui, obi ma cui, ö̦jö bäma a nofi shino yai da doabla. Inaja lä tä cuobä.

3 Juan 1:1

Cafä Cayo nija ei ya tä a̦ oni shömaö lä cule, bejedi lä bäfä lä nofimaö wei wa lä cui nija. Eja Jesucristo ya ebä ca̦i lä yododaö wei ya lä cuinö ya tä a̦ oni shömaö lä cule.

Apocalipsis 2:9

’Iba Eminateli bä lä cui, bä nö lä bleaamaö wejei ya tä daö. Madofi bä ja bä nö jo̦lili ca̦i bleaaö ma cui, tä nowa yai lä bluca wei tä tabou fe balojooje. Judio bänö iba bä a̦fa lä taö wejei ya bä a̦ ca̦i daö. Judio ö̦jö bä a̦fa yai ma jilou wei ma cui bä jolemou. Sadanasi a nofi yai shino yododoaöje.