2 Samuel 7:8 - Biblia Yanowamö

⁸ ’¿Ö̦jö tawä? —a cuma—. Ö̦jö cudeenö, ei Jeobaa ya nö lä wa̦lojole ya wa̦ lä cui, David lija wale a̦no nia wäyäö. Ya wa̦ fuamobä, iba a. Ulufi jamö, oweja bä nofi bäyäbou lä coloono wei jamö, David ya co̦lema, iba Isaeli ebä lija a bada cuobä.

2 Samuel 7:8 Iomraidhean Croise

2 Samuel 12:7

Ö̦jö däjä, abenaja Nadananö David a nowa taö cadidioma. —Ei ya tä a̦ lä wäyäfe, cafä bei wa waiquiwä. Jeobaa ya wa̦no taö lä cule, Isaeli bäma ecönö bäma a lä bufiblale. Isaeli ebä lija wa bada cuobä, täbä lä jölöcamou wei toubä dabönö wa jölöcamaö bufima. Saulo lija wa bayeliblaö läoma.

2 Samuel 5:2

Jaba däjä, camiyä bämacö lija Saulo a bada ma cuono wei ma cui, Isaeli yama ecö wayu lä funo wei jamö, cafänö yamalecö ca̦i shi̦lo fuma, cafänö. ¿Ö̦jö tawä? Cafä wa cadidiwä lija Jeobaa a wa̦ cai̦ malä fano wei. Abenaja a cuma. “Iba Isaeli ebä dodijidawä cuobä, cafänö wa bä ca̦i nia cuo, oweja bä lulubou lä cuaaö wejeinaja, iba wa bä taamabä. Isaeli ebä lijamö cafä wa nia bada läo”, a cuma. ¿Ö̦jö daanö? —David a nowa tamaje.

Hechos 7:46

’Ö̦jö David a lä cuinö, Yai Bada a bufi doblamaboma —Esteban a cuma—. E yafi tablaö bufi doblaoma, ö̦jamö Jacobo nija a lä bufiblamou wei a yai cuobä.

1 Samuel 10:1

Ö̦jö däjä, täbä lä jölöcaö wejei toubä dabö besi fa dälönö, Saulo a fe löblalema. Ö̦jö däjä, a fa̦locolanö abenaja a cuma. —Isaeli ebä lija wa bada cuobä, Jeobaanö wa bada tablamaö lä cule. Jeobaa ebä lija wa nia läo. Bä nö lä nabämou wei bä bälöblawä fe ma fayoblai ma cui, cafänö wa bä nia bayeliblaö läo. ¿Ö̦jö tawä? Cama ebä lija wa bada cuobä, Jeobaanö wa bada tablamaö waiquia lä cule. Jeobaa ya wa̦no lä wäyäle, wa tä bejedi dablabä, ei ya wa̦ —a cuma—.

1 Samuel 2:8

Tabä nö jaba beblalou lä waiquidi, dodijidawä wa täbä tamabou majöo. Täbä nö jaba fo̦lili lä bleaano wei, wa täbä fa bayeliblanö, bada täbä lijamö wa täbä lomabou ajedeo majöo, wawädowä wa täbä nö bada ö̦jöböamaö majöobä. ’Cafä Jeobaa wanö, wa täbä bluca tablalema yalo, wa li cuaaö —a cuma—. Jödödöwä wa täbä taa lä waiquiabodayono weinaja, täbä cuaaö malä showai.

1 Samuel 9:16

—Fena ja, einaja tä cuo däjä, cafä lija Bejamino ai ya e nia shimaö, iba Isaeli ebä lijamö ya bada nia lä tamabou wei. Bada a läobä, täbä lä jölöcaö wejei toubä dabönö wa fa jölöcölönö, wa nia yaiamaö. Filideo bänö iba bä nö ma bleaamaö wejei ma cui, ö̦jönö bä yai bayeliblaö läobä, a nia cuo. Iba bä nö lä bleaamalajei ya tä malä möle. Bä nofi ojode tablamobä bä a̦ lä nacläale, ya bä a̦ ji̦liaö —a Jeobaa cuma.