2 Samuel 7:7 - Biblia Yanowamö

⁷ Iba Isaeli ebä lä cui, ya bä ca̦i bälödou lä cuaafälöno wei jamö, ¿yafi a ja ya nacoma daanö? ’Iba bä lulubobeje, bada ya bä lämabou lä cuaano wei bä lä cui lija ya wa̦ ca̦i fanomi —a cuma—. Iba bä dodijidawä cuobä, oweja bä lulubou lä cuaaö wejeinaja bä taamabeje ya bä nosiemama ma cui, yafi ya wa̦fa wäyänomi. “¿Wedi tabä canafali fibä ja, iba wama a yafi taimi showawä?”, moli ma cui ya cunomi.

2 Samuel 7:7 Iomraidhean Croise

2 Samuel 5:2

Jaba däjä, camiyä bämacö lija Saulo a bada ma cuono wei ma cui, Isaeli yama ecö wayu lä funo wei jamö, cafänö yamalecö ca̦i shi̦lo fuma, cafänö. ¿Ö̦jö tawä? Cafä wa cadidiwä lija Jeobaa a wa̦ cai̦ malä fano wei. Abenaja a cuma. “Iba Isaeli ebä dodijidawä cuobä, cafänö wa bä ca̦i nia cuo, oweja bä lulubou lä cuaaö wejeinaja, iba wa bä taamabä. Isaeli ebä lijamö cafä wa nia bada läo”, a cuma. ¿Ö̦jö daanö? —David a nowa tamaje.

Mateo 2:6

Judawä ebä ulifibö jamö, Belenateli wamacö lä bälöle, wamacö nofi yai tabobeje wamacö. Judawä ai ebä bada cublawä bäwä ma cui, iba Isaeli ebä nija a Bada nia yai lä läo wei, cafä Belenateli wamacö nija ya nia wawäblamaö. ’Einaja tä a̦ cuu —Elode a nowa tamaje.

Hechos 20:28

Bä da moyaweicu, wamacö bejedimobä. Jesucristo ebä lä yaile ebä bluca bejedimou mö feduobä, bä da cadidamaje. Yai Bada cama ebä li. Cama bä Ijilubö a lä shämono wei ja, bei i̦yä bänö bä nowa fa comacönö bä li tabou. Wama ebä ca̦i cuobä, Yai Bada tä Bufinö wamacö li lämabou.

Hechos 21:28

A juwäalajenö bä a̦ i̦cali fama. —¡Bä da jaboje! Isaeli wama ecö mö feduwänö, wamalecö da bayeliblayo. Täbä jole damaö lä cuaadi, ¡ei bei a, ei, ei! Judio bämalecö a̦fa lä wayoaö wei a, Moisesi tä a̦ joyamaö bufi lä doblao wei a lä cuinö. Yai Bada ei tä yafi lä cui, tä yafi nö waiblaö lä cuboyoi. Abinaja ca̦i. Yai Bada ei etä yafi ma yaile ma cui, bä judio lä mlai bä fa lucämalalönö, etä yafi shamimalalei lä cufe —bä cuma.

1 Pedro 5:1

Jesucristo wama ebä ca̦i lä yododaö wei wamacö lä cui nija ya wa̦ nia faö nomöjöo, camiyänö iba ya bä ca̦i yododaö mö lä feduo wei ya lä cui. Jesucristo ya nö bleaaö lä dalaleno wei cä ya. Fedu jamö a lä doblaladi tä wawäblou däjä, camiyä ma cui ya nia doblao cuo mö feduo. ¿Ö̦jö tawä? Ö̦jö lä ya lä cuinö, abinaja bämacö nowa taö lä cule.