2 Samuel 7:2 - Biblia Yanowamö

² Jeobaa a wa̦no wäyälewä a Nadana lija, David a wa̦ fama. Abenaja e cuma. —Bei. Canafali fibä ja iba yafi ya fa tablalönö, ya dodijidawä bälöa ma doblale ma cui, Jeobaa a wa̦no oni didiobä tefi ca lä cui, yalo sibänö tefi ca li wejea showaa dicoa —a cuma.

2 Samuel 7:2 Iomraidhean Croise

2 Samuel 11:11

Ö̦jö däjä, abenaja Ulia a bada cuma, David lija. —Mlaicätä. Judawä ebä ma cui, Isaeli ai ebä bluca ma cui, bä lä ishole jamö yaa jenabä ja bä wejeblalou ja, bä nö beblalou lä cudi. Jeobaa a wa̦no oni didiobä tefi ca ma cui, ö̦jamö tefi ca ca̦i cua. Iba bada Joaba a ma cui, cafä bada wanö ai wa bä lä yädämabole bä ma cui, ulufi jamö ö̦jö bä nö ca̦i bluca bleaaö. Inaja bä nö bluca ma bleaale ma cui, ¿camiyä yami ya shi̦lo dodijaö ayaobä daanö? Mlaicätä. Ei ya wa̦ nö wäo cadidia lä cule. Iba yafi jamö ya dodijidawä iyaö ayaobä, ya malä mlai. Iba suwä sho yafäcö yacao fe jaluu ayaobä yami —a cuma.

2 Samuel 12:1

Jeobaa a lä cuinö, David lija Nadana a shimaö co̦oma. A fa waloicunö, abenaja David lija a cuma. —Bei. Wale a̦ da ji̦lilä. Ai bä shabonobö jamö, bolacabö cäcöbä cuoma. Ai a lä cui, a nö madofiböoma. Ai a mö feduwä lä cui, fo̦li a cuoma.

2 Samuel 7:17

Nadana lija Jeobaanö tä bluca lä wawämaleno wei tä ja, David a yömöladayoma. A lä cuno wei tä a̦ ca̦i bluca wäyäö showadaoma.

1 Crónicas 22:7

Abenaja David e cuma. —U̦asi. Jeobaa ya lä bufiblale ya e yafi i̦tamabä, ya bufi shalilioma.

2 Crónicas 1:4

¿Ö̦jö tawä? Quiliajeali jamö Yai Bada a wa̦no oni didiobä tefi ca ma cuono wei ma cui, Jelusale jamö tefi ca cuo majöobä, Davidnö a yano i̦taa waiquimaquema yalo, tefi ca co̦a waiquilema.

2 Crónicas 9:29

¿Ö̦jö tawä? Salomo a lä cuinö tä bluca lä tano wei etä bluca ca̦i onibouje. A jaba lä cuaano wei tä ma cui, a yanöcö lä cuaafälöno wei tä ma cui, a cuaaö lä jödödono wei tä ma cui, tä onibou jödödöaje. ¿Ö̦jö tawä? Jeobaa a wa̦no wäyälewä Nadana lä cuinö etä oniblalema. Isaeli ebä lä cuaano wei tä oni jamö, Salomo a lä cuaano wei tä oni coyocoquema. Jeobaa a wa̦no wäyälewä Siloteli Ayasi lä cuinö tä a̦ ca̦i onia mö feduquema, tä nia lä cublou wei si oni jamö. Dalewä Ido a ma cuinö tä a̦ ca̦i oniblaö mö fedua showalayoma. ¿Ö̦jö tawä? Nabado bä ijilubö Jeloboama a nia lä cuaano wei, jai majali tä jamö, Ido lija Jeobaanö tä wawäblamalema. Ido a lä cuinö, ö̦jö tä a̦ lä oniqueno wei si jamö, Salomo a ma cui, cama etä ca̦i oni coyocoa mö fedua showaquema.

Éxodo 40:21

Ö̦jö däjä, Jeobaa a wa̦no oni didiobä defi ca lä cui, cama e yano jamö defi ca lucämalema. Ö̦jö defi ca lä i̦taono wei jamö, camishi acadafu cäcö läa showadaquema, Jeobaanö Moisesi a nowa lä tano weinaja showawä.

Juan 2:17

Ö̦jö däjä, cama ebä lä nocamabono wei ebä lä cui, tä a̦ oni cuo lä balöono wei tä a̦ ja bä bufi möblaliyoma. Abinaja tä a̦ oni cuu. Afä ya tä yafi nofi lä jalubou wei tänö, ya bufi nia wajäblou jödödöo. Einaja tä a̦ oni cuu.

Hechos 7:46

’Ö̦jö David a lä cuinö, Yai Bada a bufi doblamaboma —Esteban a cuma—. E yafi tablaö bufi doblaoma, ö̦jamö Jacobo nija a lä bufiblamou wei a yai cuobä.