2 Samuel 7:10 - Biblia Yanowamö

¹⁰ ’Iba Isaeli ebä bälöo yanöcöobä, ya tä nia ulufi yaiaö —a cuma—. Ö̦jamö, ya bä nia bälöa lofotomabou, cama etä ulufi cadidiwä jamö bä li cudiobä. Bä yabäcamou co̦daaö mlaobä. Jaba däjä, bä lä waitelimou wei bänö bä nö bleaamamaje.

2 Samuel 7:10 Iomraidhean Croise

Apocalipsis 21:4

Yai Bada tänö ö̦jö bä mabuubö nia bluca ya̦jöblaö. Bä nia nomaö co̦daaimi. Täbä nomöa nia boimije. Bä nia ca̦i ö̦cöimi. Bä nia ca̦i ninio co̦daaimi. Inaja tä bluca cuo lä balöono wei tä malä mladaliyono wei —a cuma.

Éxodo 15:17

Jeobaa wa e lä cuinö, afä bä lulubou cuaaö da showaofälö, wa tä balöcö lä yaileno wei jamö wa bä bälöa lojodomabobä, cafä wa yai lä cule jamö. Cafä Jeobaa wa lä cui nija bä nö bayeli nacaobä, afä wa tä yai yafi lä yaileno wei jamö.

Jueces 4:3

Sisalanö Isaeli ebä nofi asibou mlai ja, bä nö yai bleaamaö dodijioma. Cama wayu ebä befi ca̦i läläabä, 900 täbä bada madofi fude taboma. Ö̦jö lija Isaeli ebä nö bleaamamou showalanö, lasha 20 a famalemaje. Ö̦jö cudeenö, Jeobaa lija bä bayeliblamobä, bä a̦ nacläaö co̦oma.

Éxodo 1:22

Ö̦jö däjä, bada a lä cuinö, cama ebä bluca nija, ebleo bä ijilubö nabä shömaö nomöjöoma. —Bei. Ebleo bä suwä nija ijilu wa̦lo bä cublou ja, Nilo u jamö bä queamaö da showadaoje. Suwä bä shino demi tabobeje —a cuma.