2 Samuel 5:3 - Biblia Yanowamö

³ Inaja bä bufi cuma yalo, David lijamö Isaeli bada ebä bluca fuma, Eblono jamö. Ö̦jamö, Jeobaa a lä cule jamö, bada tä David sho bä nowa tayoma. Ö̦jö däjä, cama bä lija David a bada cuo wawädoobä, täbä lä jölöcamou wei toubä dabönö David a jölöcölemaje.

2 Samuel 5:3 Iomraidhean Croise

2 Samuel 2:4

Ö̦jö däjä, David lijamö Judawä ebä fa co̦camoblaayolunö, cama bä lija a bada läobä a tablamalemaje. Bada a nö ö̦jöböamobä, täbä lä jölöcamou wei toubä dabönö a jölöcölemaje. Calaada tä jamö Jabesiteli bä lä bälöle bänö, Saulo dodijidawä a nomawä lä didiqueno wejei tä ja, David a yömölalemaje. A fa yömölalöjenö,

2 Samuel 2:7

’¿Ö̦jö tawä? —bä cuma—. Fei däjä bä bufi da lofotoicu. Bä nö da wa̦lojoicu. Wama a nofi lä badabono wei a cuami ma cui, David bada a läo nomöjöobä a malä cule. Judawä nodiwä yama ecönö bada yama a malä tablamaleno wei. ¿Ö̦jö tawä? Einaja badanö yamalecö tamaö bufima —bä cuma.

Éxodo 3:16

’A da jufälö —a cuma—. Isaeli wa ebä bada fa co̦camomalönö, ö̦jö bä nija wale a̦no wäyäbä. Cafä wamacö nö badabö nija Jeobaa ya lä bufiblamou wei ya. ¿Ö̦jö tawä? Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya. Cafä nija ya wawäö lä läono wei, wa tä a̦ wäyäbä. Ei ya wa̦ lä cui, wale a̦no tabä. Cama bä nija ya mamo fa showadionö, Ejido jamö bä nö lä bleaamaö wejei ya tä dablaö waiquia lä cule.

Jueces 11:11

Inaja bä nowa fa tayolunö, Calaadateli bada bä lija Jedei a yaua showalayofälöma. Ö̦jönö bä yai nosiemabä, a bada tablamalemaje. Wawädowä a wa̦ ji̦liamobä, Misiba jamö Jedei a wa̦ nö wäo co̦oma, Jeobaa a lä cule jamö.

1 Samuel 11:15

Ö̦jö cudeenö Jicala jamö bä bluca fuu showadaoma. Jeobaa a lä cule jamö, wawädowä Saulo bada a tablalemaje. Jeobaa a wa̦ oquemabobeje, yalo bä ca̦i dodobomaje. Bä bufi doblalolanö Saulo, Isaeli ebä sho bä bluca iyama.

1 Samuel 16:13

Ö̦jö däjä, yalo cä yo̦la ja, toubä befi ca̦i fa dälönö, bä a̦iyäbö ebä mamo showao däjä, a jölöcölema. Ö̦jö däjä, David lija, Jeobaa a Bufi yanöcöblaa lofotoa fa showadaicunö, a lofotobou cuaama. Tä taö fa jödödöblalunö, Lamaa jamö Samuel a co̦a co̦layofälöma.