2 Samuel 5:2 - Biblia Yanowamö

² Jaba däjä, camiyä bämacö lija Saulo a bada ma cuono wei ma cui, Isaeli yama ecö wayu lä funo wei jamö, cafänö yamalecö ca̦i shi̦lo fuma, cafänö. ¿Ö̦jö tawä? Cafä wa cadidiwä lija Jeobaa a wa̦ cai̦ malä fano wei. Abenaja a cuma. “Iba Isaeli ebä dodijidawä cuobä, cafänö wa bä ca̦i nia cuo, oweja bä lulubou lä cuaaö wejeinaja, iba wa bä taamabä. Isaeli ebä lijamö cafä wa nia bada läo”, a cuma. ¿Ö̦jö daanö? —David a nowa tamaje.

2 Samuel 5:2 Iomraidhean Croise

Génesis 49:24

afä fa̦do wa nafi jujei mlai ja, wa nafi lojodobou fe yadio showaoma. Yai Bada a nö lä wa̦lojaö wei a lä cuinö, camiyä Jacobonö, iba ya lä bufiblaö wei a showawä lä cuinö, wa imicö moyawämaboma. Ö̦jö Yai Bada a lä cui, Cama oweja ebä ca̦i lä juu wei, a wa̦fa ca̦i jilabouje. Isaeli a nofi yashuobä maa ma lä blei, a wa̦fa ca̦i jilabouje.

2 Samuel 7:7

Iba Isaeli ebä lä cui, ya bä ca̦i bälödou lä cuaafälöno wei jamö, ¿yafi a ja ya nacoma daanö? ’Iba bä lulubobeje, bada ya bä lämabou lä cuaano wei bä lä cui lija ya wa̦ ca̦i fanomi —a cuma—. Iba bä dodijidawä cuobä, oweja bä lulubou lä cuaaö wejeinaja bä taamabeje ya bä nosiemama ma cui, yafi ya wa̦fa wäyänomi. “¿Wedi tabä canafali fibä ja, iba wama a yafi taimi showawä?”, moli ma cui ya cunomi.

2 Samuel 7:8

’¿Ö̦jö tawä? —a cuma—. Ö̦jö cudeenö, ei Jeobaa ya nö lä wa̦lojole ya wa̦ lä cui, David lija wale a̦no nia wäyäö. Ya wa̦ fuamobä, iba a. Ulufi jamö, oweja bä nofi bäyäbou lä coloono wei jamö, David ya co̦lema, iba Isaeli ebä lija a bada cuobä.

2 Crónicas 1:10

Wale bufi da jaducäblamaliyo. Ya bä dodijidawä lulubobä, wale da damayo. Fei afä bä bluca fe balojowä cudeenö, ya bä nö nosiemaö doblobimi waiquiwä —a cuma.

Mateo 2:6

Judawä ebä ulifibö jamö, Belenateli wamacö lä bälöle, wamacö nofi yai tabobeje wamacö. Judawä ai ebä bada cublawä bäwä ma cui, iba Isaeli ebä nija a Bada nia yai lä läo wei, cafä Belenateli wamacö nija ya nia wawäblamaö. ’Einaja tä a̦ cuu —Elode a nowa tamaje.

Juan 10:11

’Oweja ya bä yai lä nowamaö wei, ei ya. Ö̦jö ya lä cuinö, oweja ya bä nowamabä, ya nia lä shämou wei tä ma cui ja, ya ojode.

Hebreos 2:10

¿Ö̦jö tawä? Yanowamö täbä fucäamobä, Yai Bada tänö Jesús a nö bleaamaö fa balöonö, a doblaa majömaquema. Yai Bada a shi̦lo malä dodijaö wei. Jödödöwä täbä fa tablalönö, ö̦jö etäbä bluca fuwäbou showaa lä cule. Yai Bada a doblao lä culenaja, cama ebä doblao cuo mö feduobä, bä Ijilubö Jesús lija bä lulumabou.

1 Samuel 13:14

fei däjä ö̦jö tä nia cuomi. Afä bä nia bada läo nodiomi. Ai a nia bada läo majöo, Jeobaa a bufi nia lä doblamabou wei a lä cui. A nofi cadidibou waiquia lä cule. Cafä lija Jeobaanö tä tamaö lä bufino wei wa tä tanomi yalo, cama ebä lija ö̦jö a nia bada lämabou majöo —Samuel a cuma.

1 Samuel 16:1

Samuel lija abenaja Jeobaa a cuma. —Saulo ya lä taamaö wei tä ja, ¿wa bufi nia li wajäaö shi wa̦liblou dicoo? Isaeli ebä lijamö a bada läobä, camiyänö ya waia ma waiquileno wei ma cui, ¿wedi tabä wa nofi li tabou fe yadio? Bei. Afä yalo yo̦la ja, täbä showadi lä jölöcamou wei wa toubä fe dabö fa lajoblamalönö, wa toubä ca̦i fubä. Belenateli a lija bä nia shimaö, Isai a wa̦fa lä cule lija. Bada ya lämabou majöobä, ö̦jö Isai bä ijilubö ya e nofi cadidibou waiquiwä —a cuma.

1 Samuel 18:13

A nö quili tama cudeenö, cama wayu 1.000 ebä lulubobä, a bada fa tablamalönö, shomi jamö a shimölema. Ö̦jamö lä Davidnö bä shi̦lo wayu ca̦i fublaadima.

1 Samuel 18:16

Ö̦jö ma cui, bä lä ishono wei jamö, bä showadi ca̦i fuaadima cudeenö, bä ca̦i dodijidawä co̦blaama cudeenö, Judawä ebä bluca lä cuinö a nofiablaö dodijiomaje. Isaeli ai ebä bluca mö feduwä ma cuinö, inaja showawä a nofiablaö dodijiomaje.

1 Samuel 18:5

Saulo lija David a nosiemamou ja, a shimaö lä bädaono wei jamö ma cui, a showadi dodijama. A dodijaö cudeenö, sodado bä lija a bada läobä, a tablamalema. ¿Ö̦jö tawä? Inaja Saulonö a taamaö ja, Isaeli ebä bufi bluca doblaloma. Saulo lija bä lä yädäono wei bä ma cui, ö̦jö bä bufi bluca ca̦i doblalou mö feduo showadaoma.

1 Samuel 9:16

—Fena ja, einaja tä cuo däjä, cafä lija Bejamino ai ya e nia shimaö, iba Isaeli ebä lijamö ya bada nia lä tamabou wei. Bada a läobä, täbä lä jölöcaö wejei toubä dabönö wa fa jölöcölönö, wa nia yaiamaö. Filideo bänö iba bä nö ma bleaamaö wejei ma cui, ö̦jönö bä yai bayeliblaö läobä, a nia cuo. Iba bä nö lä bleaamalajei ya tä malä möle. Bä nofi ojode tablamobä bä a̦ lä nacläale, ya bä a̦ ji̦liaö —a Jeobaa cuma.