Biblia Todo Logo
Bìoball air-loidhne

- Sanasan -




2 Samuel 2:7 - Biblia Yanowamö

7 ’¿Ö̦jö tawä? —bä cuma—. Fei däjä bä bufi da lofotoicu. Bä nö da wa̦lojoicu. Wama a nofi lä badabono wei a cuami ma cui, David bada a läo nomöjöobä a malä cule. Judawä nodiwä yama ecönö bada yama a malä tablamaleno wei. ¿Ö̦jö tawä? Einaja badanö yamalecö tamaö bufima —bä cuma.

Faic an caibideil Dèan lethbhreac




2 Samuel 2:7
12 Iomraidhean Croise  

Inaja tä cuo waiquiono wei ja, Jeobaanö Ablamö a majalimomalanö, e a̦ bädaliyoma. Abinaja a majali cuma. —Ablamö, a quili dijä. Cafä showadi bäfä lä nowamaö wei cä ya. Bäfä dobäa dodijilei —a cuma.


Inaja wamacö cuaama cudeenö, Jeobaa lija wamacö showadi nofimamobä wamacö jo̦wa. David a ma cuinö, inaja Saulo wama a taamama yalo, dodijidawä wamacö nia ca̦i tamabou.


Bei. Nelo bä ijilubö Anelo e̦ afa lä cui, Saulo ebä wayu lä lulubono wei a lä cui, abenaja a cuaama. Saulo a lä shäleno wejei däjä, bä ijilubö Ibosei a nofi mölabou waiquilanö, Maanaimi jamö a lululefälöma.


Inaja bä bufi cuma yalo, David lijamö Isaeli bada ebä bluca fuma, Eblono jamö. Ö̦jamö, Jeobaa a lä cule jamö, bada tä David sho bä nowa tayoma. Ö̦jö däjä, cama bä lija David a bada cuo wawädoobä, täbä lä jölöcamou wei toubä dabönö David a jölöcölemaje.


Yai Bada ya lä bufiblaö wei a lä cuinö wale dodijidawä waloa fe lä yadimaqueno wei tä ja, ya bä yömölaö showadaoma. Besiateli bada anö wale nowa lä tano wei tä ca̦i ja. Ö̦jö däjä, abenaja bä cuma. —Ja̦o. Bei. Bämacö queo da showadao, ala bäma nacö i̦tamaö co̦obä —bä fa cudalunö, dodijidawä bä ojodamobä bä bufi lofotoamayoma.


Bä nö da daicu. Jesucristo a nofi mölabou da shalilioje. Wamacö bufi quilii mlai, bä bufi da lofotoicu. Bä bufi nö da wa̦lojoicu.


Abenaja nomöjöwä, ya wa̦ waicobä. Bada tä Jesucristo lija bä bufi shi̦lo da lofotoicu. Cama etä lofotenö wamacö nö wa̦lojabä.


bä lä waiteli wei bä didi aa showalayoma. Besanateli bä alabö nacö jamö, Saulo a nomawä lä shadimaqueno wejei, a co̦a ja̦toa fe jalulefälömaje. Bä ijilubö ebä nomawä shadimaö mö lä feduqueno wejei bä ma cui, inaja showawä. Jabesi jamö bä ca̦i fa waloicöjenö, ö̦jamö bä ö̦shömalemaje.


Ö̦jö tä mashi jefu jamö Isaeli ebä lä bälöono wei bänö tä a̦ fa ji̦liläjenö, bä docuo showaolaliyoma. Jodana ai u mashi jamö bä lä bälöono wei, inaja showawä. Isaeli ebä a̦fa wayu docuu fa ji̦liläjenö, Saulo a wa̦fa nomawä ca̦i fa ji̦liläjenö, bä ijilubö ebä a̦fa nomawä ca̦i ji̦lia fa showaalöjenö, cama bä shabonobö daa fa showadacöfälöjenö bä docuo showaolaliyoma. Ö̦jamö filideo bä waloa fa jeicunö, cama bä bälöa majöquema.


’Inaja buo —bä cuu nomöjöoma—. Bämacö bufi shi̦lo da lofotoblo, filideo bämacö. Bämacö nö wa̦lojaö fe da yadio, bämacö nosie fuamobä, ebleo bäma bä tabou da cuobleinaja, bämalecö taamaö nomöjöo dicoo mlaobeje. Bei, bei, bei. Bä quili dijä. Bämacö shi̦lo yai ishobä —bä nowa tayoma.


Lean sinn:

Sanasan


Sanasan