2 Juan 1:9 - Biblia Yanowamö

⁹ Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.

2 Juan 1:9 Iomraidhean Croise

Colosenses 3:16

Cristo etä a̦ jamö, bä bufi yai shi̦lo da taamamo. Wamacö bufi jaducälanö bä da yömölayo. Bä ca̦i da wasöyo. Yai Bada tä ja wamacö bufi doblalanö, ö̦jö lija täbä a̦ amowa lä yädäblai täbä a̦ shi̦lo da taje. Nö badabö David etäbä a̦ ca̦i. Yai Bada tä Bufinö täbä a̦ lä bädamaö wei täbä a̦ ca̦i.

1 Juan 1:3

Yama a lä möno wei, yama a wa̦ ca̦i lä ji̦lino wei, cafä wamacö nija yama a wa̦fa wäyäö, cafä sho bämacö nofi bluca tamayobä. Bämacö lä Fö̦ömou wei a sho, bä Ijilubö Jesucristo e ca̦i sho, bämacö nofi bluca tamayobä.

Hechos 2:42

Jesucristonö bä lä shömöleno wei bä a̦ ji̦liaö bufi doblaomaje. Ö̦jö bä sho, bä nofi tamayou bufi doblaoma. Bä iyabä jamö ma cui, bä ca̦i co̦caablalou bufi doblaoma. Yai Bada nija bä nö bayeli nacaobä jamö ma cui, bä ca̦i yädäablalou bufi doblao showaoma.

Tito 2:10

Bä ojodamobä bä lä tabou wejei bä madofibö tomöaö mlaobeje, bä yai bejedimou fe balojoobä. Bä showadi lä dodijaö wei tänö, Yai Bada etä a̦ dodijidawä dablamobä, bämalecö lä fucäaö wei tä a̦ lä cui.

Juan 15:6

Camiyä nija bä yanöcöwä cuo lä mlai, totobä boco fa manöblalönö, totobä boco fäö lä culenaja bä nia taamamou. ¿Ö̦jö tawä? Ö̦jö däjä, totobä boco fa dolalöjenö, cowa wacö jamö totobä shäyäblaaöje, totobä ö̦shöbä.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 5:23

wale nofi dodijidawä tabobeje. Fayä Yai Bada a lä cui, a nofi dodijidawä lä tabou wejeinaja, bä Ijilubö ya e ma cui wale nofi ca̦i tabou mö feduobeje. Bä Ijilubö wale nofi dodijidawä tabou lä mlajeinaja, Fayä a ma cui inaja showawä a nofi ca̦i taboimi mö feduweje, wale lä shömöleno wei a lä cui.

Lucas 10:22

’¿Ö̦jö tawä? —a cuu nomöjöoma—. Jödödöwä täbä nija ya Bada läobä, Fayänö wale tablamalema. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui, wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö, ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduaje —a cuma.

Hebreos 6:1

Ö̦jö cudeenö bämacö bufi yai da walalaafälö. Cristo bäma tä a̦ jaba lä ji̦lileno wei bäma tä a̦ daö waiquiwä. Bämacö jaba lä cuaano wei tä ja, bämacö nia nomaö shi lä wa̦lijio wei tä a̦ ca̦i. Bämacö bufi mö fa yabajadalunö, Yai Bada bäma a nofi nia yai lä mölabou wei tä a̦ ca̦i. Ö̦jö bäma tä a̦ daö waiquiwä cudeenö, bäma tä a̦ wayoadii showaobä tä cuami.

Hebreos 3:14

Cristo bäma a nofi jaba lä mölabono weinaja, bäma a nofi tabou cadidia fe yadia showalanö, cama a ojodamobä jamö bämacö yädäa.

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Juan 8:31

Ö̦jö däjä, Jesús a wa̦ bejedi lä bufileno wejei bä judio lä cui bä nija abinaja a cuma. —Showadi wamale a̦ nofi cadidibou ja, camiyä nija bejedi lä wamacö nia shino yai nocao.

3 Juan 1:9

Mijamö Jesucristo wama ecö ca̦i lä yododaö wei wamacö nija ya tä a̦ oni shömölema ma cui, Diodefe a lä cuinö wale a̦ jo̦wa ji̦liaö moji. “Ö̦jönö yamalecö shino yai yömölabä”, wale nofi jo̦wa taboimi. Cama a wa̦ jo̦wa shino ji̦liamou bufi doblao dicoo.