2 Juan 1:3 - Biblia Yanowamö

³ Bei. Fayä Yai Bada nija bämacö shino da bayeliblamo, bä Ijilubö Jesucristo nija ca̦i. Showadi bämalecö nofi nia ojodaboböö. Bämalecö nofi nia ca̦i asiboböö. Bämacö bufi ca̦i yanöcöo cuobä. Bejedi bäma tä a̦ nofi cadidibolanö, bämacö ca̦i nofimayolanö, bämacö nia yai bayeliblamou.

2 Juan 1:3 Iomraidhean Croise

Romanos 1:7

Ö̦jö cudeenö Yai Bada tänö Lomateli wamacö lä nofimaö wei wamacö lija, ei ya tä a̦ oni shimaö lä cule, Yai Bada wama ecö cuobä wamacö nacaa mö lä feduleno wei wamacö lija. Bei. Fayä Yai Bada lija wamacö shi̦lo bayeliblamobä, Bada tä Jesucristo lija ca̦i. Wamacö bufi shi̦lo yanöcömaboböbä. Wamacö nofi ca̦i shi̦lo ojodaboböbä.

Gálatas 5:6

Bämacö mosi sicö ma joyamou wei ma cui, bämacö mosi sicö joyamou ma mlai lä ma cui, ö̦jö lä tä nowa cuami waiquiwä. Jesucristo bäma a nofi lä mölabou wei, ö̦jö lä tä nowa shi̦lo yai cua, cama lija bämacö yädäobä. Ö̦jö bäma a nofi yai lä mölabou wei däjä, yanowamö bäma täbä yai nofiablaö.

1 Timoteo 1:14

Bada tänö wale nofi ca̦i ojodadaö fe fa balojoonö, bejedi wale bayeliblalema. Jesucristo lija ya bufi fa cuicunö, bufi cadidiwä tä jibäbema, bufi nofimou tä ca̦i.

1 Timoteo 1:2

U̦asi Timoteo, cafä lija ei ya si onimaö lä cule, Jesucristo lija wa bufi cuquema yalo, bä nofi ijilumaö lä cadidio wei wa lä cui lija. Bei. Fayä Yai Bada lija showadi wa bayeliblamobä, Bada tä Jesucristo lija ca̦i. Wa nofi shi̦lo ojodaboböbä. Showadi wa nofi ca̦i asiboböbä. Wa bufi shi̦lo ca̦i yanöcömaboböbä.

2 Timoteo 1:13

Cafä lija ya tä a̦ lä wäyäno wei tä a̦ yai bejedi. Jesucristo wa nofi mölabolanö, wa bufi ca̦i nofilanö, tä a̦ nofi yai da cadidibo.

1 Juan 4:10

¿Ö̦jö tawä? Camiyä Yai Bada nija bämacö nofimou dobloimi dicowä. Camanö bämalecö lä nofimaö wei bäma tä dablaö däjä, nofimou tä lä cui bei bäma tä shino yai dalalei. Bä Ijilubö e shämou läobä a malä shömöleno wei, wa̦lidiwä bäma tä lä taö wei tä nowa bluca mladamabä.

2 Juan 1:1

Mijamö Jesucristo wama ecö lä yaile wamacö nija ya tä a̦ oni shömaö, wamacö bluca lä yododaö wei wamacö nija. Eja Jesucristo ya ebä ca̦i lä yododaö wei ya. Bejedi lä bämacö nofimaö dodijiwä. Bejedi tä a̦ lä daö wejei bä bluca ma cuinö wamacö ca̦i nofimaöje.