1 Samuel 9:3 - Biblia Yanowamö

³ Bei. Saulo bä fö̦ö Sisi e a̦fa lä cui, cama bulo ai ebä mojolulayoma. Ö̦jö cudeenö, abenaja Sisi a cuma, bä ijilubö Saulo lija. —Bämacö a̦ fuamobä moli wa fa nacalänö, cäcöbä da fufälö. Bulo wafä bä dayäaö cuaafälöbä —a cuma.

1 Samuel 9:3 Iomraidhean Croise

Jueces 5:10

Bulo au bä jamö, wamacö befi ca̦i lä fuu wei wamacö bada lä cuinö, ¡tä a̦ da wäyäje! Cafä dodijidawä sibä lä diyämono wei sibä ja, wamacö showadi lä loo wei wamacö ma cuinö, ¡tä a̦ ca̦i wäyäö mö da feduoje! Cafä mamicö ja wamacö lä fublaaö wei wamacö ma cuinö, inaja showawä.

1 Samuel 10:14

Bei. Saulo bä fö̦ö ai e lä cuinö, Saulo a wa̦ fuamobä e sho cäcöbä daa fa co̦lalönö, cäcöbä wa̦lima. Abenaja a cuma. —¿Wedi jamö bei wafäcö li fuu dodijioma? Abenaja Saulo a cuma. —Bulo bä lä mojolulayono wei yafä bä dayäaö cublelei. Yafä bä dablaimi yalo, Samuel lijamö yafäcö fuu nomöjöoma —a cuma.

1 Samuel 10:2

Camiyä wale fa dacöfälönö, Selisa jamö wa̦lo bolacabö wa cöbä mö nia baamafälöö. Laquela a nomawä lä didiqueno wejei jamö, ö̦jamö wa cöbä mö nia baamaö, Bejamino ebä ulufibö jamö. Wa nowa taböö ja, abenaja cäcöbä nia cuu. “Afä bulo bä lä mojolulayono wei, bä damoa co̦laliyoma, wa bä dayäaö mö lä alayono wei bä lä cui. Faafänö fei däjä yalo ebä nofi jalujubou mlai ja, cafä wa nofi yai jalujubou majöblaa dicoa lä cule. ‘¿Wedi jamö u̦asimi wa culayoma da tawä?’, a bufi cublalou lä cule”, cäcöbä nia cuu.

1 Samuel 9:2

Ö̦jö Sisi a lä cui, bä ijilubö Saulo e cuoma. Liyäjäwä a fiya cuoma. Isaeli ai ebä fiya ma liyäjäono wei ma cui, ö̦jö a fiya yai dodijidao fe balojooma. A ca̦i yaläjäoma. Ai bä ma yaläjäono wei ma cui, Saulo bei facocu jamö ebä fe bluca wädöoma.

1 Samuel 9:20

Afä bulo bä lä cui, ai tä weyaja bä lä mojolulayono wei, ö̦jö bä ja a bufi fo̦lia dijä. Bä damoa co̦laliyoma. Cafä lija abenaja ya ca̦i cuu. Isaeli ebä lija wamacö bufiblamobä wamacö. Cafä ma cui, faafänö bä ca̦i lä cule bä ma cui, wamacö bufiblabeje wamacö waiquiwä —Samuel a cuma.

1 Samuel 9:4

Cäcöbä aa fa showalöfälönö, Eflaini ebä ulufibö lä jefubö wei jamö cäcöbä ma jayuquefälöno wei ma cui, Salisa jamö cäcöbä jayua ma nomöjöqueno wei ma cui, bä yalo dablabönomi. Ö̦jö däjä, Saalimi tä ulufi jamö cäcöbä jayua ma majöqueno wei ma cui, ö̦jamö ma cui bä yalo ca̦i cuonomi. Bejamino ebä ulufibö jamö cäcöbä jayua ma majöqueno wei ma cui, bä ca̦i dablaböö showaonomi.