1 Samuel 13:2 - Biblia Yanowamö

² Bei. Isaeli ebä ishou lä dao wei, Saulonö 3.000 bä yaialalema. 2.000 bä lä cui bä fa sheleleblamalönö, Mimasa jamö ai bä tamaboma. Bedele tä ulufi lä jefubö wei jamö, ai bä tamabou mö feduoma. Bä ijilubö Jonadana e lija, ai bä li 1.000 cuo mö feduoma. ¿Ö̦jö tawä? Cabaa jamö Jonadananö bä ca̦i cuoma, Bejamino ebä lä bälöblamono wei jamö. Ai bä cuo lä showaono wei bä lä cui, cama bä yafibö jamö, Saulonö bä bluca shimöa co̦lema.

1 Samuel 13:2 Iomraidhean Croise

1 Samuel 10:26

Saulo a ma cui, Cabaa jamö a co̦a showalayoma. Bä bufi nö lä wa̦lojoono wei bä lä cui, Saulo lija bä yaua showalayofälöma, Yai Bada tänö bä bufi lä taamano wei bä lä cui.

1 Samuel 10:5

’Ö̦jö däjä, Cabaa tä shabono ajede jamö, Yai Bada tä jefu lä ublale jamö, wa nia waloo nomöjöodayou, filideo bä wayu lä bälöblaladi jamö —a cuma—. Cabaa tä shabono ja wa blacädayou däjä, Jeobaa a wa̦no wäyälewä bä dimöimabä jamö, wa bä mö nia baamaö. Amowa fibä shäö lä daö wejei bänö, fibä a̦ nia ca̦i balöoje. Ai bänö a̦sita bä ca̦i nia futäöje. Ai bänö täbä madofi nia shäda shädamaö mö feduoje. Ai bä showawänö täbä madofi nia ca̦i folaöje. Ö̦jö lä bä no jamö, Jeobaa a wa̦no wäyälewä bä a̦ falanö, bä nia dimöö nodiaimaö.

1 Samuel 13:1

Bufi dao a fiya cuo waiquio däjä, Isaeli ebä lija Saulo a jaba bada cuoma. A bada läo waiquio däjä, lasha 42 a famalema.

1 Samuel 13:11

—¿Wedi wa tä li taö dicooma? —Samuel a cuu mö baoma. Abenaja Saulo a cuma. —Iba bä quilili sheleleblaliyoma —a cuma—. Cafä wa nia ma waloono wei ma cui wa waloblonomi. Mimasa jamö filideo bä co̦camoa waiquilayoma. ¿Ö̦jö tawä? Ö̦jö ya tä bluca fa dalalönö,

1 Samuel 13:5

Filideo bä wayu toujou mö feduo showadaoma, Isaeli ebä nabä queobeje. Läläamodima bä ja, wayu bä befi ca̦i läläabä, filideo 30.000 ebä cuoma. Cabayo bä jamö, ai bä wayu befi ca̦i läläaö mö feduobä, 6.000 bä cuo mö feduoma. Bei bä mamicö jamö bä wayu lä funo wei, ö̦jö bei bä yai li blucao dodijioma. Modu u casö jamö mlaca mlaca bä nö wabamobimi lä culenaja, ö̦jö bä cuo mö feduoma. Ö̦jö däjä, filideo bä wayu fa itolufälönö, Mimasa tä ajede jamö bä nabä bälöaleyoluma. Bedabenateli bä lä bälöle tä mashi jamö bä wayu cuquema, motoca a faö lä cuaaimaö wei tä mashi jamö.

1 Samuel 8:11

Abenaja bä nowa taö ja a cuma. —Cafä wamacö lija a nia lä nosiemou wei, abenaja a nia bada cuaaö. A wa̦ fuamobä, ijilufä bä nia däaö. Bä ishobä jamö, cama läläamodima ebä fuwäbobeje, ai bä nia shimaö. Cama cabayo ebä jamö bä befi ca̦i läläabä, ai bä ca̦i. Cama a befi ca̦i läläabä jamö a wa̦no nia wäyäö lä balöablalou wejei, ai bä ca̦i.