1 Samuel 10:3 - Biblia Yanowamö

³ ’Ö̦jö däjä, wa aa fa co̦lufälönö, co̦lufälönö, Dabolo tä jamö fii fi bada lä ublale ja, wa nia waloo —a cuma—. Ö̦ja wa fa waloicunö, Bedele jamö Yai Bada lija bä nö bayeli nacaodayobä, 3 bä lä fuu wei bä lija wa nia waloo. Ai anö shibo 3 bä nia lulubou. Ai anö nii 3 ji̦bä nia bou mö feduo. Ai a mö feduwä lä cuinö, yalo si ja nashiwä toubä nia ca̦i besibou mö feduo.

1 Samuel 10:3 Iomraidhean Croise

Génesis 28:19

Jeobaa a wa̦fa yanobö jilama yalo, Bedele tä a̦fa ulifi jilaa showadaquema. Ö̦jamö a shabono lä cuono wei, Lusi a wa̦fa jilamou ma balöono wei ma cui, Bedele tä a̦fa jilabou nomöjöomaje.

Génesis 28:22

’Ö̦jö däjä, maa ya ma lä i̦tacöfe jamö, showadi cafä nija bä nö bayeli nacaobä tä nia yafi cublou. Ö̦jö däjä, cafänö wale nia lä dobäö wei täbä lä cui, fe usucuwä 10 ya täbä fa shedequeblalönö, ö̦jö ai moli täbä ja, cafä bäfä nia dobäö mö yabao co̦o —Jacobo a cuma.

Génesis 35:1

Yai Bada tänö Jacobo a yömölama. —Wa fa shu̦luculonö, Bedele jamö wa dolequea fa co̦bofälönö, ö̦jamö a da bälöicudu. Ö̦jamö, camiyä Yai Bada ya nija yalo bä lä dodoblamou wei bä maqueblamobä, täcö da i̦tacö. Ö̦jamö lä cafä nija ya jaba da damolalui cä ya, a̦iyofä Esaunö wa shäö mlaobä wa lä doculayono wei däjä —a nowa tama.

Génesis 35:3

Ö̦jö däjä, bämacö fa shu̦luculonö, Bedele jamö bämacö dolecou da co̦ofälö, Yai Bada nija yalo bä lä dodoblamou wei bä maqueblamobä, ya täcö i̦taabä. Ya nö beblalou yaio däjä, camanö wale bayeliblalema. Ö̦jönö wale jaba fa bayeliblalönö, ya juaaö bädaobä jamö ma cui, showadi wale ca̦i fa cuonö, wale ca̦i cua showaa lä cule —bä nowa tama.

Levítico 1:10

’Oweja wa̦lo a ma cui, shibo wa̦lo a ma cui, ö̦jö a nia comi ö̦shö dodobou ja, a lä dodijidai a nia ca̦i icuo, etä wai jalili yädäa lä mlai —a cuma—.

Levítico 23:13

’Dodijidawä wama ji̦bä dodobou yädämobä, lo̦shi wama mobä fa washishanö, wama ji̦bä nia jushishaö —a cuma—. Jaboca blowäjäwä a ja, ö̦jö wama ji̦bä fe fa lajoblalönö, dabö dabö wama ubä fa coyocoblalönö, camiyä Jeobaa ya nija wama ji̦bä nia dodobou. Cowa wacö ja wama ji̦bä fa ö̦shömanö, ya tä nö wa̦queshi u̦cucaö däjä, “Tä dodijidawä”, ya tä nofi nia tabou. Uba nashiwä wama toubä ca̦i dodobou yädämou showaobä, yalo blowäjäwä si wai ja, nashiwä wama toubä fe fa lajoblalönö wama toubä nia dodobou.

Levítico 3:12

’Wale a̦ oquemabobä, shibo a dodobou ja, camiyä Jeobaa ya nija a ca̦i fa juimanö,

Levítico 3:6

’Jeobaa wale a̦ oquemabobä, ai anö oweja e ma cui, shibo e ma cui, e ca̦i juu däjä, cama yalo ebä nija a lä dodijidai a nia yaiaö —a cuma—. Suwä a ma cui, wa̦lo a ma cui, Jeobaa ya nija etä wai jalili yädäa lä mlai a nia dodobou.

Jueces 4:12

Dabolo cäcö jamö, Abinoama bä ijilubö Balaco a lä cuinö cama ebä ca̦i lä dolequebefälöno wei, Sisala lija bä a̦ wäyäöje däjä,

Jueces 4:6

Debola a lä cuinö, Abinoama bä ijilubö Balaco e nacamaö bufima. Nefitali ebä ulufibö jamö a bälöoma, Sedesiteli bä shabonobö jamö. Abenaja a nowa taö mö baoma. —Isaeli bäma ecö lija Jeobaa a lä bufiblamou wei a lä cui, cafä lija a wa̦no wäyämamou bufi doblaa lä cule. ¿Ö̦jö tawä? Dabolo cäcö jamö wa nia shimaö, ö̦jamö afä 10.000 wa bä toujublamabä. Wa bä nia lä toujublamaö wei, Nefitali nodiwä wa ebä nia nacaö. Sabulono nodiwä ebä ca̦i.

Jueces 8:18

Ö̦jö däjä, Jedeoni a lä cuinö, Seba, Saluna cäcöbä wa̦lima. —Dabolo jamö wama bä jo̦wa lä shäleno wei, tä a̦ da wäböba —a cuma. Bä a̦ fuo ja, abenaja cäcöbä cuma. —Cafä wa lä culenaja bä cuoma. Inaja showawä bä bluca cuwä mö feduoma. Bä bälöo lä dodijii bä bada mömou lä culenaja, bä mömou cuo mö feduoma —cäcöbä cuma.

1 Samuel 10:4

Ö̦jö bänö wa wa̦ nia wayomaö mö baoje. Cafä lija nii bolacabö ji̦cöbä nia dodobouje. Ö̦jö wa cöbä nia däaö.