1 Juan 5:9 - Biblia Yanowamö

⁹ Tä a̦fa wäyäbeje jamö, yanowamö täbä nija bämacö ma mölaö wei ma cui, Yai Bada nija lobe bämacö mölabä ö̦jö bei a wa̦ shino yai. Yai Bada a wa̦ nö wäo ja, bä Ijilubö e a̦fa wäyäö cadidou.

1 Juan 5:9 Iomraidhean Croise

Mateo 17:5

A wa̦ faö showai ja, ölajashi a bada au fa itolunö, bä jo̦yablalema. Ö̦jö däjä, ölajashi jamö culanö a wa̦ bädaliyoma. —Ei Ijiluyä a, ya lä nofimaö wei. Wale bufi lä doblamabou wei a. A wa̦ da ji̦liläje —a cuma.

Juan 10:38

Ö̦jö ma cui, ya tä yai taö däjä, camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi juducua fe da yadiicu. Camiyä nija Fayä a lä cule, wama tä daö fe yadiobä. Cama nija camiyä ya ca̦i lä cule, wama tä ca̦i dabä. Ö̦jö yafäcö —Jesús a cuma.

Juan 5:39

’Ba̦limi wamacö cuobä, Yai Bada showadi wama tä a̦ oni mödii. ¿Ö̦jö tawä? Camiyä ya wa̦fa yai lä wäyämou wei, ö̦jö lä tä a̦ oni waiquiwä.

Hechos 17:31

Yanowamö täbä obi nia malä jömaö wei. Bämacö dodijaö ma cui, bämacö doblou ma mlai ma cui, bämalecö nowa taö ja a wa̦ nia cadidou. A wa̦ nia lä famaö wei a yaia waiquilema. “Bejedi lä ö̦jö lä a waiquiwä”, bämacö bluca cubä, a nofi lä yaibole a ma nomalayono wei ma cui, a demi jocädamaö co̦layoma —Pablo a cuma.

Hechos 5:32

¿Ö̦jö tawä? Tä lä cublaliyono wei yama tä a̦fa wäyäbä, ö̦jö yamacö. Yai Bada a Bufi ma cuinö tä a̦fa ca̦i wäyäö. A wa̦ lä juaö wejei bä nija a Bufi jöböamou —bä cuma.

Hebreos 2:4

Tä a̦ bejedi. Yai Bada tä ma cuinö, ö̦jö tä a̦ bejedi yai dablamaö cuaama. Tä a̦ ji̦liamobä jamö, tä nö lä quilijii tä bluca ca̦i wawämaö cuaama. Cama ebä lä cuaano wei jamö, a nö lofote ca̦i ö̦jöböamou cuaama. Bei tä Bufi fa jibämoicunö, cama ebä dobäö bufi doblao lä cuono weinaja, bä ca̦i taamaö cuaafälöma.

Hebreos 6:18

Yai Bada a wa̦ nö wäo ja a wa̦ cadidou showadao. A wa̦ nia shominajaö majöomi. Inaja showawä, cama a caficö jolemou dao lä mlai a wa̦fa wäyämou ja, a wa̦ nö shominajaaö majöobimi waiquiwä. ¿Ö̦jö tawä? A wa̦ nö lä wäono wei tä a̦ lä cui ja, bämacö mölaö lofotoo showaobä tä a̦. Yai Bada lija bämacö nofi lä yashuo wei bämacö lä cui, bämacö nia lä bayeliblou wei tä a̦ ja, bämacö mölaö showao fe yadiobä.

1 Juan 5:10

¿Ö̦jö tawä? Yai Bada bei Ijilubö a bejedi lä bufii wejei bä lä cuinö, Yai Bada tänö bä Ijilubö e a̦fa lä wäyäno wei tä a̦ nofi jaducubouje. Yai Bada tä a̦ bejedi bufibou lä mlajei bä lä cuinö, tä a̦no lä waii wejei tänö, Yai Bada bei a jolemou jömaöje. Bä Ijilubö e a̦fa yai ma wäyäö wei ma cui, Yai Bada tä a̦ bejedi bufii malä mlajei.

1 Juan 5:8

Tä a̦ nö bejedi lä ö̦jöböamaö wejei, 3 bä cua. Yai Bada tä Bufinö tä a̦ nö bejedi ö̦jöböamaö. Jesucristo a fe lä ojoblamolayono wei tänö tä a̦ nö bejedi ca̦i dablamaö. A befi ca̦i i̦taobä jamö, i̦yäbö lä falayono wei tänö ca̦i. Ö̦jö lä bä 3 lä cuinö tä a̦fa bejedi taö fe usucuweje.