1 Juan 5:8 - Biblia Yanowamö

⁸ Tä a̦ nö bejedi lä ö̦jöböamaö wejei, 3 bä cua. Yai Bada tä Bufinö tä a̦ nö bejedi ö̦jöböamaö. Jesucristo a fe lä ojoblamolayono wei tänö tä a̦ nö bejedi ca̦i dablamaö. A befi ca̦i i̦taobä jamö, i̦yäbö lä falayono wei tänö ca̦i. Ö̦jö lä bä 3 lä cuinö tä a̦fa bejedi taö fe usucuweje.

1 Juan 5:8 Iomraidhean Croise

Mateo 28:19

Ö̦jö cudeenö, camiyä ya wa̦nö bä juu da cuaafälö. Bluca bä bälöjöwä lä yaiblai bä da yömöladuje, camiyä nija bä nocao mö feduobä. Fayä a wa̦ ma cuinö, bä Ijilubö ya e a̦ ma cuinö, Yai Bada bei Bufi a wa̦ ma cuinö, ö̦jö yamacö a̦nö wama bä fe ojomaö cuaabä.

Marcos 14:56

A wa̦fa jole lä wäyäno wejei bä ma blucaono wei ma cui, bä jolemoma yalo, bä a̦ faö fe usucublonomi.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 19:34

Ö̦jö ma cui, sodado ai a lä cuinö, boo shi bada namonö, Jesús leboco diquibalejelayoma. Leboco fa diquibalujulunö, i̦yäbö falayoma, mau ubä ca̦i.

Hechos 15:15

Yai Bada a wa̦no wäyälewä bä lä cuinö, ö̦jö tä a̦fa ca̦i wäyäö balöomaje. Abinaja tä a̦ cuu.

Romanos 8:16

ö̦jö cama a Bufi showawänö, bämalecö bufi taamaö. Yai Bada bäma ecö nö ijilubö ö̦jöböamaö.

2 Corintios 1:22

Cama bäma ecö nö ö̦jöböamobä, a Bufi jibämobema. Bei bämacö bufi jamö a lä bälöle tä ja, bämacö jaba dobämoa balölayoma, bämalecö nia lä dobädayou wei tä ja, bämacö mölaö showaobä.

Hebreos 13:12

Inaja showawä, täbä lä bälöle tä sibo jamö, Jesús a ca̦i shämoa culayoma, cama i̦yäbö showawänö bäma ecö yaiobä.

Hebreos 6:4

Jesucristonö bä bufi ma wacacablamaleno wei ma cui, a bufiboimi majöo dicoweje ja, Yai Bada lija bä bufi mö yabäjadou co̦obä, etä cuami waiquiwä. No mlai ja Yai Bada tänö bä lä dobäleno wei tä daöje. Yai Bada tä Bufi ca̦i däa mö fedua waiquilemaje.

1 Pedro 3:21

Inaja showawä, fei däjä bämacö lä bayeliblamou wei, mau u jamö culanö bäma tä jömaö, bämacö fe lä ojomamou wei däjä. Bei bämacö sibo ya̦lömobä tämi. Bämacö fe ojomamou däjä, wa̦lidiwä bäma tä lämabou mlai ja, Yai Bada nijamö bämacö bufi mö lä yaiblou wei bäma tä shino yai jömaö. Jesucristo a demi jocädou co̦layoma yalo, bämacö bayeliblamou.

1 Juan 5:9

Tä a̦fa wäyäbeje jamö, yanowamö täbä nija bämacö ma mölaö wei ma cui, Yai Bada nija lobe bämacö mölabä ö̦jö bei a wa̦ shino yai. Yai Bada a wa̦ nö wäo ja, bä Ijilubö e a̦fa wäyäö cadidou.