1 Juan 5:7 - Biblia Yanowamö

⁷ Yai Bada tä Bufinö, ö̦jö tä a̦ ca̦i bejedi wäyäö. Tä a̦ lä bejedi wei tä a̦ wäyäbä, ö̦jö Yai Bada tä Bufi malä waiquii.

1 Juan 5:7 Iomraidhean Croise

Mateo 17:5

A wa̦ faö showai ja, ölajashi a bada au fa itolunö, bä jo̦yablalema. Ö̦jö däjä, ölajashi jamö culanö a wa̦ bädaliyoma. —Ei Ijiluyä a, ya lä nofimaö wei. Wale bufi lä doblamabou wei a. A wa̦ da ji̦liläje —a cuma.

Mateo 18:16

Ö̦jö ma cui, wa wa̦ ji̦liaö bufiomi waiquiwä ja, aifä wa nia nacaö. Bolacabö ma cui, wa cöbö nacaö dao. Ö̦jö wa cöbö ca̦i fa junö, wa wasöö lä co̦le däjä, ö̦jö cäcöbö lä cuinö wa wa̦ nia bayeliblaböö, Moisesi tä a̦ lä cuu weinaja showawä. ¿Ö̦jö tawä? Bä dobloimi jömamou ja, moli a wa̦nö bä nia jömamou malä mlai. Bolacabö cäcöbö a̦ ma cuinö, 3 bä a̦ ma cuinö, bä a̦ faö fe lä usucui bä a̦nö bä nia shino yai jömamou.

Mateo 28:19

Ö̦jö cudeenö, camiyä ya wa̦nö bä juu da cuaafälö. Bluca bä bälöjöwä lä yaiblai bä da yömöladuje, camiyä nija bä nocao mö feduobä. Fayä a wa̦ ma cuinö, bä Ijilubö ya e a̦ ma cuinö, Yai Bada bei Bufi a wa̦ ma cuinö, ö̦jö yamacö a̦nö wama bä fe ojomaö cuaabä.

Juan 1:1

Bita a cuo showao mlao däjä, Bei Tä a̦, a wa̦fa lä jilou wei a cuo showao balöoma. Yai Bada sho cäcöbö cuo showadaoma. Ö̦jö a lä cui, Yai Bada bei a cuoma.

Juan 10:30

Fayä sho, ö̦jö yafäcö waiquiwä —a cuma.

Juan 12:28

Ö̦jö däjä, Yai Bada nija abinaja a cuma. —¡Fabe! —a cuma—. Cafä a shino yai doblao da damolalu. Einaja a cuu ja, fedu jamö a culanö a wa̦ bädaliyoma. —Ya doblao damoa waiquilaliyoma. Ya nia ca̦i doblao dablamou co̦o —a cuma.

Juan 14:17

Yai Bada tä Bufi lä cui, ö̦jö lä ya tä a̦fa taö, tä a̦ bejedi lä wäyäö wei. Yanowamö täbä lä cuinö, tä nö ö̦jöböaimije yalo, tä ca̦i daö fa mlacujenö, tä a̦ waibouje. Ö̦jö ma cui, cafä wamacönö wama tä li daö. Wamacö ca̦i malä cule. Cafä wamacö nija tä nia yai cuo cadidio.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 5:26

Ba̦limi bä cuobä Fayänö bä lä taamaö weinaja, bei Ijilubö ya e ma cui, inaja showawä ya e ca̦i cuaaö mö feduobä wale malä tablamaleno wei.

Juan 8:18

Camiyä ya wa̦fa wäyämamou. Fayä a ma cuinö, wale lä shömöleno wei a showawä lä cuinö, ö̦jönö yale a̦fa ca̦i wäyäö —Jesús a cuma.

Juan 8:54

Jesús abinaja a cuu mö feduoma. —Camiyä ya wa̦fa doblao tamamou bädao ja, tä nowa cuami waiquiwä. Wale a̦fa yai doblao lä taö wei a lä cui, Fayä a, wama a jo̦wa lä bufibou wei a showawä lä cui.

Hechos 2:33

’¿Ö̦jö tawä? —a cuma—. A nö Bada ö̦jöböamobä, cama Yai Bada jayu boco mashi jamö, a döcämabou lä culadi. Ö̦jamö a Bada lä döcämaqueno wei däjä, bä Fö̦önö a dobälema. Cama a Bufi a̦fa wäyämamou lä balöono wei tä ja, a dobälema. Ö̦jö tä ja, cama a fa dobämamoludunö, camiyä yamalecö dobäa fe dolea nomöjölema. Ei wama tä lä möle, wama tä a̦ lä ji̦liale, ö̦jönö tä wawäblamalei lä cufe.

Hechos 5:32

¿Ö̦jö tawä? Tä lä cublaliyono wei yama tä a̦fa wäyäbä, ö̦jö yamacö. Yai Bada a Bufi ma cuinö tä a̦fa ca̦i wäyäö. A wa̦ lä juaö wejei bä nija a Bufi jöböamou —bä cuma.

2 Corintios 13:14

Bei. Yai Bada lija showadi wamacö bayeliblamobä. Bada tä Jesucristonö wamacö nofi shi̦lo ojodabobä. Yai Bada tänö showadi wamacö nofimabä. Yai Bada tä Bufi sho, wamacö nofi shi̦lo tamayobä.

Deuteronomio 6:4

Moisesinö Isaeli ebä yömölaö ja, abinaja bä nowa tama. —Bei. Bä yömöca da daicu, Isaeli wama ecö. Jeobaa a lä cui, camiyä bämacö nija a bufiblamobä a lä cui, ö̦jö yami tä Jeobaa cua ayaa.

1 Juan 1:1

Jaba tä a̦ cuo showao lä balöono wei a lä cui, ö̦jö ya wa̦fa wäyäbä ya tä a̦ oniblaö lä cule, täbä lä ba̦limiblamaö wei a lä cui. ¿Ö̦jö tawä? Yama a wa̦ ji̦lii cublelei. Bei yamacö mamocunö yama a ca̦i möö cublelei. Bei yamacö imicönö yama a ca̦i jubaö cublelei.

1 Juan 5:6

Yai Bada bei Ijilubö a Jesucristo lä cui, yanowamö täbä nijamö a waloqueyoluma. Mau u jamö a fe ojoblamolayoma. A befi ca̦i lä i̦taono wei jamö a i̦yä nö ca̦i beblaloma. ¿Ö̦jö tawä? Mau unö a fe lä ojoblamono wei tä bädawänö mlai, bei i̦yäbö lä falayono wei tä ma cuinö a nö ca̦i ö̦jöböamou waiquiwä.

1 Juan 5:8

Tä a̦ nö bejedi lä ö̦jöböamaö wejei, 3 bä cua. Yai Bada tä Bufinö tä a̦ nö bejedi ö̦jöböamaö. Jesucristo a fe lä ojoblamolayono wei tänö tä a̦ nö bejedi ca̦i dablamaö. A befi ca̦i i̦taobä jamö, i̦yäbö lä falayono wei tänö ca̦i. Ö̦jö lä bä 3 lä cuinö tä a̦fa bejedi taö fe usucuweje.

Apocalipsis 19:13

Camishi labe cäcö lä i̦yämalaleno wei cäcö ja, a didia. Yai Bada bei tä a̦, bei a wa̦fa jilaöje.