1 Juan 5:6 - Biblia Yanowamö

⁶ Yai Bada bei Ijilubö a Jesucristo lä cui, yanowamö täbä nijamö a waloqueyoluma. Mau u jamö a fe ojoblamolayoma. A befi ca̦i lä i̦taono wei jamö a i̦yä nö ca̦i beblaloma. ¿Ö̦jö tawä? Mau unö a fe lä ojoblamono wei tä bädawänö mlai, bei i̦yäbö lä falayono wei tä ma cuinö a nö ca̦i ö̦jöböamou waiquiwä.

1 Juan 5:6 Iomraidhean Croise

Mateo 26:28

Yai Bada tänö tä a̦fa lä wäqueno wei tä a̦ bejedi cublobä, ö̦jö bei lä ya i̦yäbö nö owä malä cui. Bluca täbä bayeliblamobä ya i̦yäbö läblalio, täbä doblou lä mlai etä nowa mladobä.

Mateo 3:16

Jesús a fe fa ojoblamolunö, lobe a washölöblou co̦o däjä, judu mösö ca jolablalejelayoma. Mösö ca fa jolablalujulunö, Yai Bada a Bufi, jai joledo a cuwä, Jesúsnö a itou dalalema. Cama nija a loquema.

Marcos 14:24

Ö̦jö däjä abinaja bä nowa tama. —Yai Bada tänö tä a̦fa lä wäqueno wei tä a̦ bejedi cublobä, ö̦jö bei lä ya i̦yäbö nö owä. Bluca täbä bayeliblamobä, ya i̦yäbö läblalio.

Lucas 22:20

Inaja showawä, bä fa iyalönö, ji̦shima a ja, nashiwä toubä befi ca̦i däa nomöjölema. Abinaja a cuma. —Yai Bada tänö tä a̦fa lä wäqueno wei tä a̦ bejedi cublobä, ö̦jö bei lä ya i̦yäbö nö owä. Wamacö bayeliblamobä ya i̦yäbö läblalio. Ö̦jö wama tä a̦ nofi dude jaducubobä, ei a li ji̦shima.

Juan 14:17

Yai Bada tä Bufi lä cui, ö̦jö lä ya tä a̦fa taö, tä a̦ bejedi lä wäyäö wei. Yanowamö täbä lä cuinö, tä nö ö̦jöböaimije yalo, tä ca̦i daö fa mlacujenö, tä a̦ waibouje. Ö̦jö ma cui, cafä wamacönö wama tä li daö. Wamacö ca̦i malä cule. Cafä wamacö nija tä nia yai cuo cadidio.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 16:13

Yai Bada tä Bufi waloyoluu däjä, bejedi tä a̦ jamö wamacö nia lulubou. Cama Bayeliawä a bufi lä cuu weinaja, a wa̦ nia faö bädaomi. Fayä nija tä a̦ bluca lä ji̦liaö wei tä a̦ nia yai wäyäö. Tä nia lä cublou wei, cafä wamacö nija tä a̦ nia ca̦i bluca wäwämaö.

Juan 3:5

Abinaja Jesús e cuma. —Cafä nija ei ya wa̦ lä cui, bejedi lä ya wa̦. Mau u ma cuinö, Yai Bada tä Bufi ma cuinö, ö̦jö tänö a tablamou co̦o lä mlai a lä cui, Yai Bada tänö cama ebä ca̦i cuobä jamö a cuo daomi.

Juan 4:10

Jesús e a̦ juo ja, abinaja e cuma. —Yai Bada tänö tä lä jöbäaö wei wa tä daö fa cunoja, cafä nija mau ya u lä nacafe wale nö ca̦i ö̦jöböaö fa cunoja, camiyä nija wa nö yai nacobö wei. Cafä nija ba̦limiblamamodima ya u nö jöbäquebö wei —e cuma.

Juan 4:14

camiyänö ya u lä jöbäaö wei u co̦aöje ja, bä amishaö co̦daaö mlaicätä. Ubä fe lä jojoblai jamö ubä fadii shi wa̦lii lä cuaaö weinaja, ba̦limiblamodima ya u nia lä jöbäaö wei, inaja u fa cuaadinö, ba̦limi bä nia cuo shi wa̦lii —a nowa tama.

Juan 6:55

Bei ya ya̦ji lä cui, ö̦jö nii cäcö yai malä cui. Bei ya i̦yäbö lä cui, bä amishi yai co̦obä, ö̦jö cäbä.

Hechos 8:36

Ö̦jö yo jamö cäcöbö befi ca̦i fa lälälönö, mau u jamö cäcöbö waloquema. Ö̦jö däjä, abinaja bada a cuma. —Fei mau u da mö, fei, fei. Camiyä ya fe ojoblamou showadaobä, ¿ai bei tä läami daanö? —a cuma.

Romanos 3:25

Yai Bada tänö Jesucristo a noshi ö̦jödaboma, a shämou läobä. Ö̦jö a nofi fa mölabojenö, cama bei i̦yäbönö bä doblou lä mlai etä nowa mladou. ¿Ö̦jö tawä? Cama Yai Bada tä nia cadejewä fa dablamonö, inaja a li cuaama. Jaba däjä täbä doblono ma mlai, a bufi asio fa balöonö, a bufi lämoma. Ö̦jö ma cui fei däjä tä nowa yai tabou, cama a cadejewä dablamobä. Jesús a nofi lä mölabou wejei tänö, jai bä dodijidawä waiquiwä bä nofi tabou.

Efesios 1:7

Wa̦lidiwä tä ja, Jesucristo i̦yäbönö bämalecö fujeblamalema. Bämacö doblou lä mlai tä nowa mladamalema. ¿Ö̦jö tawä? ¡Bejedi lä bämalecö nofi ojodabou!

Colosenses 1:4

Jesucristo wama a nofi jo̦wa lä mölabole, bämacö a̦fa malä ji̦libou wei. Yai Bada cama wama ebä bluca ca̦i jo̦wa nofimaö. ¿Ö̦jö tawä?

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

Tito 3:5

Bejedi lä, bämalecö fucäama. Dodijidawä bämacö cuo waiquio däjä mlai. Bämacö dodijaö waiquio däjä mlai. Bämalecö nofi fa jalujubonö, bämalecö nofi ojodadalema. Yai Bada tä Bufinö bämalecö bufi fa aublalönö, dude bämalecö tablaö co̦layoma.

Hebreos 10:29

¿Ö̦jö tawä? Wa̦lidiwä tä fulii mö yabaaö lä co̦o wejei bä nö bleaabä bä li waiquiwä. Ö̦jö ma cui, Yai Bada bei Ijilubö a waii lä majöblao wejei bä lä cui, ö̦jö bä nö nia yai bleaaö dodijio. ¿Ö̦jö tawä? Yai Bada a wa̦ nö wäo lä co̦ono wei tä a̦ ca̦i läobä, Jesucristo a shämolayoma. I̦yäbö falayoma. Ö̦jö i̦yäbönö bä doblou lä mlai etä nowa mladamalema ma cui, inaja bä lä cuaaö wei bä lä cuinö i̦yäbö nö waiblaö majöoje. Yai Bada tänö täbä nofi ojodabobä a Bufi läa ma waiquile ma cui, a Bufi nö ca̦i waiblaöje.

Hebreos 12:24

Jesús a lä culadi jamö wamacö cua, dude tä a̦ ca̦i lä läle a lä cui lija, cama i̦yäbö lä yomösamodayono wei jamö. Abele i̦yäbö nö yuamou lä bufiono weinaja mlai, camiyä bämalecö nofi nia lä ojodabou wei i̦yäbö a̦fa shi̦lo wäyämamou.

Hebreos 13:20

Bei. Yai Bada tänö bämalecö bufi lä yanöcömabou wei a lä cui lija wamacö yai bayeliblamobä, ö̦jö lä, Bada tä Jesús a demi jocädamaö lä co̦layono wei a lä cui lija. Ö̦jö oweja bäma ecö lä cui, bämalecö yai nia lä nowamaö wei, ö̦jö a Bada. Cama i̦yäbönö bämalecö nia nowamaö shi lä wa̦lii wei tä a̦ ca̦i läa, Yai Bada tä a̦ nö wäo ja a lä cuno weinaja showawä.

Hebreos 9:14

¡fei däjä yai! Cristo i̦yäbönö fei däjä bei wamacö bufi yai aublou dodijia yailayou. Etä wa̦lidiwä cua mlai ja, Yai Bada lija a dodomoquema. Yai Bada tä Bufi lä ba̦limi wei tä lofotenö, a dodijidawä dodomoquema. Wamacö lä cuaano wei tänö wamacö mili nomama ma cui, bei wamacö bufi jamö tä wa̦lidiwä lä läono wei, Cristo i̦yäbönö tä mladamalema. Wamacö bufi aublou majölayoma. Fei däjä wamacö yai au, Yai Bada a cua shi lä wa̦lile wama a nosie yai fuaö majöobä.

Hebreos 9:7

Ö̦jö ma cui, ai a yano lä cui jamö, a yano yai nowamaö lä dodijio wejei jamö, bä fuimi. Ö̦jamö lä nofi bäyäalewä bada a shi̦lo fuu dao. A fuu ma dao wei ma cui, a showadi fuimi. Moli a shi̦lo fudou. Lasha ai a faö lä co̦le däjä ma cui, ai a faö lä co̦le jamö ma cui, ai a ja ma cui, moli a shi̦lo fudou cuaaö. Yalo i̦yäbö mlai ja a ca̦i lucäö buomi. Yalo i̦yäbö mashi fa dälänö, i̦yäbö ca̦i faö. Cama a ma cui, ai täbä mö feduwä ma cui, bä doblono lä mlai etä nowa mladobä, i̦yäbö dodobou.

1 Pedro 1:2

Fayä Yai Bada tänö wamacö nia lä taamaö wei tä daö fa showadaonö, wamacö yailema. Cama wama ecö dodijidawä cuobä Yai Bada tä Bufinö wamacö yaimaquema. ¿Ö̦jö tawä? Jesucristo wama a wa̦ fa julänö, cama i̦yäbönö wamacö bufi aublobä wamacö yaia. Wamacö doblamabobä, ö̦jö Yai Bada cätä. Bei. Yai Bada nija wamacö shino yai bayeliblamou dodijiobä. Wamacö nofi shino ojodabobä. Wamacö bufi shino ca̦i yanöcömabobä.

1 Pedro 3:21

Inaja showawä, fei däjä bämacö lä bayeliblamou wei, mau u jamö culanö bäma tä jömaö, bämacö fe lä ojomamou wei däjä. Bei bämacö sibo ya̦lömobä tämi. Bämacö fe ojomamou däjä, wa̦lidiwä bäma tä lämabou mlai ja, Yai Bada nijamö bämacö bufi mö lä yaiblou wei bäma tä shino yai jömaö. Jesucristo a demi jocädou co̦layoma yalo, bämacö bayeliblamou.

1 Juan 1:7

Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.

1 Juan 4:10

¿Ö̦jö tawä? Camiyä Yai Bada nija bämacö nofimou dobloimi dicowä. Camanö bämalecö lä nofimaö wei bäma tä dablaö däjä, nofimou tä lä cui bei bäma tä shino yai dalalei. Bä Ijilubö e shämou läobä a malä shömöleno wei, wa̦lidiwä bäma tä lä taö wei tä nowa bluca mladamabä.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 5:9

Amowa dude tä a̦ ca̦i tamaje. Abinaja bä amowabö a̦ cuma. Oni wa si däabä, mai wa cocobä caloblabä, cafä wa yai. Cafä wa shämou fa läonö, bei wa i̦yäbönö yanowamö wa täbä nowa bluca malä comaqueno wei. Yai Bada tänö bä tabobä, bluca bä yaiablalou lä nodiaö wei bä nijamö, cama wa ebä nowa comaquema. Bluca bä caficö a̦ lä bou wejei bä nijamö ca̦i. Shomi bä bluca lä bälöblai bä nijamö ca̦i. Bluca bä bälöblawä lä yaiblai bä nijamö ca̦i.

Apocalipsis 7:14

Abinaja ya e cuma. —Bada tä. Cafänö wa bä li daö —ya e cuma. Inaja ya cuu ja wale yömölama. —Fei bä lä cui, yanowamö täbä nö yai bleaaö nö lä quiliano wei däjä, bä demi lä feiblaliyono wei fei cäbä. Oweja a wa̦fa ocalo lä jilamou wei i̦yäbö ja esibä fa yalulalöjenö, esibä li aublaliyoma.