Biblia Todo Logo
Bìoball air-loidhne

- Sanasan -




1 Juan 5:4 - Biblia Yanowamö

4 Bita jamö bämacö ma yabäcamou wei ma cui, Yai Bada bäma ecö ijilubö nö bluca wa̦lojaö fe yadiobä bämacö malä cui. Jesucristo bäma a nofi lä mölabou wei tänö bämacö nö wa̦lojaö fe yadio.

Faic an caibideil Dèan lethbhreac




1 Juan 5:4
21 Iomraidhean Croise  

¿Ö̦jö tawä? Yanowamö täbä oshe tablamou lä culenaja mlai. Cama yanowamö täbä inaja taamamou fa ojodaonö mlai. Yai Bada tänö cama ebä tablamaö ojodao fa showadaonö, bä li tablamalema.


Camiyä nija wamacö culanö, wamacö bufi yanöcöo fe yadiobä ya wa̦. Bita jamö wamacö cua showalanö, wamacö nö nia ma bleaamaö wejei ma cui, bä bufi nö da wa̦lojoicu. Bita jamö a lä nosiemou wei a nija ya nö wa̦loblou waiquilayoma —a cuma.


Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.


Ö̦jö ma cui, Yai Bada lija bämacö bufi doblalobä bämacö. Bada tä Jesucristo a shämou fa läonö tä nowa mladamalema, bämacö nö wa̦lojaö fe yadiobä, bämacö nomaö quilii mlaobä.


Jesucristo wama a cadejewä daö waiquiwä ja lä, bufi wedinajamou mlai ja, Yai Bada bei ijilubö wama ebä nö nia ca̦i ö̦jöböaö. Bä cadejewä mö lä fedule bä lä cui, ö̦jö lä bei ebä waiquiwä.


Yai Bada nija dude bä tablamoa lä co̦layono wei bä lä cuinö, wa̦lidiwä tä taimije. Cama ebä nija, Yai Bada etä cua malä waiquile. Yai Bada bei ijilubö ebä waiquiwä yalo, tä wa̦lidiwä taimije.


Ijilu bä. Yai Bada wama ecö waiquiwä. Yai Bada a wa̦no jole jole wäyälewä bä lä cui bä nija wamacö nö wa̦lojoblou waiquilayoma. Bita jamö bä lä cublai bä nija, fecula bada a nö wa̦lojaö ma cule, Yai Bada wama a Bufi lä bälömabole a nö shino yai wa̦lojaö ayawä malä cui.


“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.


Yai Bada bei ijilubö ebänö wa̦lidiwä tä taö fe yadibloimije. Ö̦jö bäma tä daö. Yai Bada bei Ijilubö Jesucristo e lä cuinö bä nowamaö. Fecula bada a yai wa̦lidiwä lä cuinö, ö̦jö lä bä juliimi.


¿Ö̦jö tawä? Bita jamö showadi bämacö ma yabäcamou wei ma cui, Yai Bada bei Ijilubö Jesús bäma e bejedi lä bufii wei, bämacö nö shino yai wa̦lojaö ayaobä bämacö.


¿Ö̦jö tawä? Oweja a wa̦fa ocalo lä jilamou wei i̦yäbönö, fecula bada a nö bleaamamaje, bejedi tä a̦ lä wäyäno wejei tä a̦ ca̦inö. Bä shämobä tä ma cui ja bä quilino malä mlai.


Ö̦jö däjä, jai modu u cuwä ya tä si bada flacajawä blaa dalalema. Tä mömou walalaoma. Jai cowa wacöbä coyocowä tä mömou ca̦i cuoma. Ö̦jö modu u lä walalaono wei u casö jamö, yanowamö ya bä ublajaa dalalema. Yai Bada amowä e fibä showabomaje, bei fibä nata lä jubamou wei fibä lä cui. Yalo a waiteli jaba lä cui a nö ca̦i idubö lä cule, ö̦jö nija bä nö wa̦lojaö lä ayaono wei bä li cuoma, bei a wa̦fa número onibono lä mlajei.


’Bä yömöcacö lä walalai bä yömöca dao dodijiobä, Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei ya bä nia nowamaö. *Täbä nomablou lä co̦o wei tä ja, ö̦jö bä nö nia bleaaimi —a cuma.


’Bä yömöcacö lä walalai bä yömöca dao dodijiobä —a cuma—. Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei bä lä cui, ya bä nia iyamaö, nii manaa bä lä jo̦yale bä ja. Maa au ya mabä nia ca̦i oni jöbäö. Dude a wa̦fa ca̦i lä onile, ya mabä nia jöbäö, a wa̦fa daö lä mlajei. Mabä lä däaö wejei bä lä cuinö a wa̦fa nia shino daöje.


’Bä nö wa̦lojaö lä ayao wei bä lä cui, bä waicou mlai ja wale nosie lä juadii wejei, bada ya bä nia tablamaö —a cuma—. Yanowamö täbä bälöblawä lä yaiblai bä lä cui nija bä bada läobä, ya bä nö nia wa̦lojomabou.


’¿Ö̦jö tawä? —a cuma—. Bä yömöcacö lä walalai bä yömöca dao dodijiobä, Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö shino wa̦lojaö lä ayao wei ya bä nia doblamabou. Yai Bada etä ca jamö, ba̦limiblamodima defi lä ublale defi ja, bä nia iyaö —a cuma.


Bä nö wa̦lojaö lä ayao wei bä lä cui, ya bä nia bada tablamaö, Yai Bada ebä nijamö bä läobä. Yai Bada ya wa̦ lä juaö wei etä yafi jamö, jai codobö ya bä bada nia tamabou. Ö̦jamö bä nia cudio shi wa̦lii. Cama ebä yalo, ö̦jö bä nijamö, Yai Bada ya wa̦ lä juaö wei ya wa̦fa nia oniblaö. Yai Bada etä shabono lä cule, ö̦jö etä a̦fa ca̦i. Fedu jamö, Yai Bada ya wa̦ lä juaö wei a lä cule jamö culanö, etä nia shabono itou. Jelusale dude tä shabono lä cui. Camiyä dude ya wa̦fa nia ca̦i oniamou, ö̦jö bä nijamö.


Bä nö wa̦lojaö lä ayao wei bä lä cui, bada ya bä nia tablamaö. Camiyä ya lä döcäo wei täcö ja bä nia döcäo ajedeblou. Camiyä ya nö ca̦i wa̦lojaö fa ayaonö, Fayä a lä döcäo wei etäcö ajede jamö wale döcämabou lä culenaja showawä.


Camishi au bä ja ö̦jö bä nia lä didio weinaja, inaja showawä bä nö yai lä wa̦lojaö wei bä nia ca̦i didio mö feduo. Bä nia ba̦limi lä cudio wei ya bä a̦fa lä onibole si ja, ya bä a̦fa mladamaö mlaicätä. Fayänö cama a̦jele ebä ca̦i lä cule jamö, ö̦jamö iba ya bä a̦fa nia wawädowä wäaö.


Lean sinn:

Sanasan


Sanasan