1 Juan 5:12 - Biblia Yanowamö

¹² Bä Ijilubö e lä tabou wejei bä lä cui, ba̦limi bä li cua waiquia. Yai Bada bei Ijilubö e tabou lä mlajei bä lä cui, bä nia lä ba̦limio wei etä cuami.

1 Juan 5:12 Iomraidhean Croise

Marcos 16:16

Wale a̦ bejedi lä bufii wejei bä lä cui, bä fe fa ojoblamolunö, bä jucäamou wä. Ö̦jö ma cui, wale a̦ bejedi bufii lä mlajei bä waimamobä cäbä.

Juan 1:12

Ö̦jö ma cui, a wa̦ juaö fe lä yadiono wejei bä lä cui, a wa̦ bejedi lä bufino wejei, Yai Bada ijilubö ebä cuobä, bä tablamalema.

Juan 3:15

Camiyä wale a̦ bejedi lä bufii wejei bä bluca lä cui, bä ba̦limi cuobä.

Juan 3:36

Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

Juan 5:24

’Cafä wamacö nija ei ya wa̦ lä cui, bejedi lä ya wa̦—a cuma—. Wale a̦ fa ji̦liajenö, wale lä shömöleno wei a wa̦ bejedi lä bufii wejei bä lä cui, ba̦limi bä cuobä bä li waiquiwä. Bä dobloimi jömamobä bämi. Ö̦jö bä lä cui, bä nomabä bä ma cuono wei ma cui, bä ba̦limiblou nomöjöa lä cule.

1 Corintios 1:30

Jesucristo lija wamacö bufi fa yädäicunö, Yai Bada tänö wamacö ba̦limibou lä cule. ¿Ö̦jö tawä? Cama bufi moyawe etä lä cuinö bämacö bufi li camiyä moyawäblaliyoma. Cama dodijidawä etänö, bämacö li dodijidablaliyoma. Yai Bada bäma ecö dodijidawä cuobä, Jesucristo lija bämacö yaimoa yädälayoma. Bämalecö nowa fa co̦macönö, Yai Bada lija bämalecö ajedea comaquema.

Gálatas 2:20

¿Ö̦jö tawä? Fii balitama tefi jamö Cristo a lä shäleno wejei däjä, camiyä ya ca̦i shämoa yädäa showalayoma. Fei däjä ya demi lä cule, Cristonö wale ca̦i demi cua. Camiyä ya bufi lä cuaablalou weinaja ya cuaaimi. ¿Ö̦jö tawä? Eja ya demi cua lä showale, Yai Bada bei Ijilubö ya e nofi mölabolanö ya e cua lä cule. Wale fa nofilänö, wale bayeliblabä cama a jibämoquema.

Hebreos 3:14

Cristo bäma a nofi jaba lä mölabono weinaja, bäma a nofi tabou cadidia fe yadia showalanö, cama a ojodamobä jamö bämacö yädäa.

2 Juan 1:9

Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.