1 Juan 5:1 - Biblia Yanowamö

¹ “Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.

1 Juan 5:1 Iomraidhean Croise

Mateo 16:16

Pedro a wa̦ juoma. —Yai Bada tänö a shömabä a lä yaileno wei, ö̦jö cafä bei wa dodijiwä. Yai Bada a demi cua shi lä wa̦lile, ö̦jö bei wa Ijilubö —bei e cuma.

Lucas 7:5

Judio bämalecö malä nofimaö wei. Yamacö yododabä a yafi tablalema —bä cuma.

Juan 1:3

Täbä bluca lä tablamolayono wei däjä, ö̦jö lä a wa̦nö, täbä bluca tablamolayoma. Bei Tä a̦, a wa̦fa lä jilou wei a lä cuinö, ö̦jönö täbä tano lä mlai täbä cuami waiquiwä.

Juan 15:23

Wale nofi lä wa̦libou wejei bä lä cuinö, Fayä a ma cui a nofi ca̦i wa̦libou mö feduoje.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 6:69

Camiyä yamacönö bäfä a̦ li bejedi bufii waiquiwä. Yamacö bufi ca̦i jaducublaliyoma. Yai Bada tänö a lä yaileno wei, ö̦jö cafä bei wa dodijiwä —e cuma.

Juan 8:42

Abinaja Jesúsnö bä nowa tama. —Yai Bada wama ecö ijilubö cuo fa cunoja, wamale nö nofimabö wei. Ö̦jö lä Yai Bada nija ya cuoma ya malä juno wei. Camiyä ya juu bashio bufi fa doblaonö mlai, ö̦jönö wale yai shömölema.

Hechos 8:36

Ö̦jö yo jamö cäcöbö befi ca̦i fa lälälönö, mau u jamö cäcöbö waloquema. Ö̦jö däjä, abinaja bada a cuma. —Fei mau u da mö, fei, fei. Camiyä ya fe ojoblamou showadaobä, ¿ai bei tä läami daanö? —a cuma.

Hechos 8:37

—Jesús wa wa̦ bejedi bufii ja, wa fe ojoblamobä wa waiquiwä —a Felipe cuu mö feduoma.

Santiago 1:18

Cama bejedi etä a̦nö, dude bämalecö tablaö co̦layoma, Jesús nija jaba bämacö bufi lä cuqueno wei bämacö lä cui, cama bäma ecö yaiobä. ¿Ö̦jö tawä? Judio bänö Yai Bada a dobäbeje, döano sibä ja bä jaba lä lalou wei ebä yaimabou lä culajeinaja, inaja showawä camiyä jaba bei bäma ecö yaia mö fedua lä cule. ¿Ö̦jö tawä? Dude bämalecö tablamaö bufi fa doblaonö bämalecö li tablamalema.

1 Pedro 1:3

Awei. No mlai ja Yai Bada tänö bämalecö nofi ojodabou fe balojooma yalo, bämacö bufi doblalobä bämacö. Bada tä Jesucristo bä Fö̦ö e nija, bämacö bufi a̦fa shino doblalou da wäyämo, Jesucristo nija a lä bufiblamou wei a showawä lä cui nija. ¿Ö̦jö tawä? Dude bämalecö bufi tablaö co̦layoma. Jesucristo a demi jocädou co̦layoma yalo, bämacö mölaö showalanö bämacö cua lä cule.

1 Juan 2:10

Cama ai ebä lä nofimaö wejei bä lä cui, shi̦i wacacawä jamö ö̦jö bei bä shino yanöcöwä cua lä cule. Ö̦jamö lä bä mojodili wäcäcäablalobä tä cuami.

1 Juan 2:29

Jesucristo wama a cadejewä daö waiquiwä ja lä, bufi wedinajamou mlai ja, Yai Bada bei ijilubö wama ebä nö nia ca̦i ö̦jöböaö. Bä cadejewä mö lä fedule bä lä cui, ö̦jö lä bei ebä waiquiwä.

1 Juan 3:14

Bämacö nomaö shi wa̦libä, bämacö ma cuono wei ma cui, ba̦limi bämalecö tablamaö nömöjölayoma. Jesucristo bäma ebä lä nofimaö wei tänö, ba̦limi bämalecö lä tablamaleno wei bäma tä daö. Täbä nofimaö lä mlajei bä lä cui, bä nomaö shi wa̦libä jamö bä cudia showaa lä cule.

1 Juan 3:17

Ö̦jö ma cui täbä bayeliblabeje täbä tabou ma cujei, täbä bayeliblaö moji dicooje ja, ö̦jö bä lä cui bä bufi nofiomi. Cama ai e nö jo̦lili lä bleaaö wei a nofi ojodabou lä mlajei bä lä cuinö, Yai Bada bei tä nofimaimi waiquiweje.

1 Juan 3:9

Yai Bada nija dude bä tablamoa lä co̦layono wei bä lä cuinö, wa̦lidiwä tä taimije. Cama ebä nija, Yai Bada etä cua malä waiquile. Yai Bada bei ijilubö ebä waiquiwä yalo, tä wa̦lidiwä taimije.

1 Juan 4:2

Wama bä a̦ fa ji̦lilänö, Yai Bada wama a Bufi nö nia ö̦jöböaö. ¿Ö̦jö tawä? “Yai Bada tänö a shömabä, Jesucristo a yailema. A yanowamöblaleyoluma.” Einaja bä cuu lä wawädoo wei, ö̦jö lä Yai Bada ebä waiquiwä.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.

1 Juan 4:7

Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.

1 Juan 5:18

Yai Bada bei ijilubö ebänö wa̦lidiwä tä taö fe yadibloimije. Ö̦jö bäma tä daö. Yai Bada bei Ijilubö Jesucristo e lä cuinö bä nowamaö. Fecula bada a yai wa̦lidiwä lä cuinö, ö̦jö lä bä juliimi.

1 Juan 5:4

Bita jamö bämacö ma yabäcamou wei ma cui, Yai Bada bäma ecö ijilubö nö bluca wa̦lojaö fe yadiobä bämacö malä cui. Jesucristo bäma a nofi lä mölabou wei tänö bämacö nö wa̦lojaö fe yadio.

1 Juan 5:5

¿Ö̦jö tawä? Bita jamö showadi bämacö ma yabäcamou wei ma cui, Yai Bada bei Ijilubö Jesús bäma e bejedi lä bufii wei, bämacö nö shino yai wa̦lojaö ayaobä bämacö.