1 Juan 4:8 - Biblia Yanowamö

⁸ Bä nofimaö lä mlajei bänö Yai Bada bei a daimije. Nofimou tä lä cui, ö̦jö Yai Bada bei etä waiquiwä malä cui.

1 Juan 4:8 Iomraidhean Croise

2 Corintios 13:11

Bei. Iba wamacö. Inaja lä waiquiwä. Wamacö doblou lä mlai, dodijidawä bä da cuicu. Wamale a̦ da ji̦lilä. Bä bufi bluca da shaliliicu. Yanöcöwä bä da bälöicu. Yai Bada tänö bämalecö bufi lä nofimabou wei tä lä cuinö wamacö nia ca̦i cuo, bämalecö bufi lä yanöcömabou wei tä showawä lä cuinö.

Efesios 2:4

Ö̦jö ma cui, Yai Bada a bufi asio fe balojoo. Bämalecö yai nofimaö fa dodijionö,

Hebreos 12:29

A nö quili tamobä a malä cui, cowa wacä lä ömöo wei wacä nö quili tamou lä culenaja showawä, täbä mö bluca lä watäblaö wei wacä lä cui.

1 Juan 1:5

Jesús nija yama tä a̦ lä ji̦lileno wei tä a̦ lä cui, cafä wamacö nija ei yama tä a̦ wäyäö nomöjöa lä cule. Tä shi̦i lä wacacai, ö̦jö lä Yai Bada bei tä waiquiwä. Cama nija wiisibö ma cui tä mö ca̦i wai didi cuami.

1 Juan 2:4

“Ya tä daö”, bämacö ma cuu wei ma cui, tä tamaö lä bufii wei bäma tä taimi ja, bämacö jolemou waiquiwä. Tä a̦ lä bejedi wei bäma tä a̦ taboimi.

1 Juan 2:9

Ai bä lä cui, “Shi̦i wacacawä tä jamö ya cua”, bä ma cuu wei ma cui, cama ebä mashi nofi wa̦libou dicooje ja bä jolemou. Mö didi jamö bä cua showaa.

1 Juan 3:10

¿Ö̦jö tawä? Yai Bada bei ijilubö ebä nö shino ö̦jöböamou si ijejewä. Fecula bada ebä nö ca̦i ö̦jöböamou mö feduo. Dodijidawä tä taö lä mlajei bä lä cui, Yai Bada ebämi. Bä ai ebä nofimaö lä mlajei bä lä cui, ö̦jö ebä ca̦i malä mlai.

1 Juan 3:6

Ö̦jö cudeenö, Jesucristo nija bä yanöcöwä lä cuo wei bänö tä wa̦lidiwä taimije. Wa̦lidiwä tä lä taö wejei bä lä cui, Jesucristo nija bä bufi jaducuwämi. A ca̦i daimi waiquiweje.

1 Juan 4:16

¿Ö̦jö tawä? Yai Bada tänö bämalecö lä nofimaö wei bäma tä daö. Ö̦jö tä ja bämacö mölaö. Bufi nofio tä lä cui, ö̦jö lä Yai Bada etä waiquiwä. Täbä showadi lä nofimaö wejei bä lä cui, Yai Bada nija bä yanöcöwä cua. Inaja showawä, cama bä nija Yai Bada tä yanöcöwä cuo mö feduo.

1 Juan 4:7

Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.