1 Juan 4:7 - Biblia Yanowamö

⁷ Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.

1 Juan 4:7 Iomraidhean Croise

Juan 13:34

Cafä wamacö nija ya tä tamaö lä bufii wei, ya tä a̦ dude wäaö lä cule. Bä da nofimayo. Cafä bämacö nofimaö lä waiquilenaja, inaja showawä, bä nofimayou da cuo.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

1 Corintios 8:3

Ö̦jö ma cui, Yai Bada tä lä bufibou wei a lä cui, Yai Bada tänö ö̦jö a nofi ibabou.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

Gálatas 4:9

Ö̦jö ma cui fei däjä Yai Bada wama a daö. Ma, camanö cafä wamacö li yai daö. ¿Ö̦jö tawä? Ö̦jö wama a daö ma waiquile ma cui, ¿fecula wama bä nia bufijaö co̦o daanö? Ö̦jö bä ujudi. Ö̦jö bänö täbä bayeliblamoimi. Ö̦jö bä lija wamacö jaba nosiemamou nö ma bleaano wei ma cui, ¿wamacö nia jibäamou mö yabao co̦o dicoo daanö?

Gálatas 5:22

Ö̦jö ma cui, Yai Bada tä Bufi ja bä lä luluamou wei bä lä cui, abenaja bä cuaaö. Bä bufi nofio. Bä bufi ca̦i doblalou. Yanöcöwä bä bufi ca̦i cuo. Bä shi jalimoimi. Täbä ca̦i bayeliblaö bufi doblaoje. Dodijidawä bä ca̦i cuoje. Bä ca̦i li cadidou.

2 Timoteo 1:7

Bämacö quilibä Yai Bada tä Bufi jibäamono malä mlai. Bämalecö nö yai wa̦lojomabobä a. Bämalecö bufi yai nofimabou. Bämacö wasöobä, bämalecö bufi yai taamaö.

1 Pedro 1:22

Jesucristo nija tä a̦ bejedi lä cule, wama tä a̦ julema. Wama tä a̦ lä juleno wei tänö wamacö bufi aublaliyoma, cama wama ebä nofimabä. ¿Ö̦jö tawä? Bufi cadidilanö bä da nofimayo, ö̦jö lä.

1 Juan 2:10

Cama ai ebä lä nofimaö wejei bä lä cui, shi̦i wacacawä jamö ö̦jö bei bä shino yanöcöwä cua lä cule. Ö̦jamö lä bä mojodili wäcäcäablalobä tä cuami.

1 Juan 2:29

Jesucristo wama a cadejewä daö waiquiwä ja lä, bufi wedinajamou mlai ja, Yai Bada bei ijilubö wama ebä nö nia ca̦i ö̦jöböaö. Bä cadejewä mö lä fedule bä lä cui, ö̦jö lä bei ebä waiquiwä.

1 Juan 2:3

Yai Bada tänö tä tamaö lä bufii wei bäma tä a̦ nofi shino cadidibou ja, bämacö bufi nia wedinajamoimi. “Yai Bada ya daö lä”, bämacö nia lojode cudou showadao.

1 Juan 2:4

“Ya tä daö”, bämacö ma cuu wei ma cui, tä tamaö lä bufii wei bäma tä taimi ja, bämacö jolemou waiquiwä. Tä a̦ lä bejedi wei bäma tä a̦ taboimi.

1 Juan 2:7

Iba wamacö. Cafä wamacö nija Yai Bada tänö tä tamaö lä bufii wei ya tä a̦ oniblaö lä cule. Jesucristo wama a lä bufiblaleno wei däjä, wama tä a̦ jaba lä ji̦lileno wei tä a̦ showawä. Tä a̦ dudemi. Wama tä a̦ ji̦lia waiquilema.

1 Juan 3:9

Yai Bada nija dude bä tablamoa lä co̦layono wei bä lä cuinö, wa̦lidiwä tä taimije. Cama ebä nija, Yai Bada etä cua malä waiquile. Yai Bada bei ijilubö ebä waiquiwä yalo, tä wa̦lidiwä taimije.

1 Juan 4:11

Iba wamacö. Inaja Yai Bada tänö bämalecö nofimaö waiquia yalo, bämacö nofimayou mö da feduo.

1 Juan 4:12

Yanowamö bämacö lä cuinö, Yai Bada bäma a dablaö daomi. Ö̦jö ma cui bämacö nofimayou ja, camiyä bämacö nija tä nia yanöcöwä cudio. Tä yanöcöwä fa cudionö, camanö täbä yai nofimaö lä culenaja, inaja showawä bäma täbä nia nofimaö cuo mö feduo.

1 Juan 4:16

¿Ö̦jö tawä? Yai Bada tänö bämalecö lä nofimaö wei bäma tä daö. Ö̦jö tä ja bämacö mölaö. Bufi nofio tä lä cui, ö̦jö lä Yai Bada etä waiquiwä. Täbä showadi lä nofimaö wejei bä lä cui, Yai Bada nija bä yanöcöwä cua. Inaja showawä, cama bä nija Yai Bada tä yanöcöwä cuo mö feduo.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.

1 Juan 4:8

Bä nofimaö lä mlajei bänö Yai Bada bei a daimije. Nofimou tä lä cui, ö̦jö Yai Bada bei etä waiquiwä malä cui.

1 Juan 5:1

“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.

2 Juan 1:5

Wamale a̦ da ji̦lilä, ¿ö̦jö tawä? Bämacö yai da nofimayo, Jesús bäma a jaba bufiblaö däjä, bämalecö taamaö lä bufino weinaja showawä. Tä a̦ dudemi.