1 Juan 4:4 - Biblia Yanowamö

⁴ Ijilu bä. Yai Bada wama ecö waiquiwä. Yai Bada a wa̦no jole jole wäyälewä bä lä cui bä nija wamacö nö wa̦lojoblou waiquilayoma. Bita jamö bä lä cublai bä nija, fecula bada a nö wa̦lojaö ma cule, Yai Bada wama a Bufi lä bälömabole a nö shino yai wa̦lojaö ayawä malä cui.

1 Juan 4:4 Iomraidhean Croise

Juan 12:31

Fei däjä Yai Bada tänö yanowamö täbä nia jömaö. Fei däjä fecula bada a nö nia bleaamaö, bita jamö a lä nosiemou wei a lä cui.

Juan 14:30

’Bei —a cuma—. Fei däjä bämacö a̦ wayomadibä tä cuami waiquiwä. Fecula bada a ajeo lä cule, ei tä ulifi jamö a lä nosiemou wei a lä cui. Cama nija camiyä ya nosiemamoimi.

Juan 16:11

Yai Bada tänö täbä nia lä jömaö wei tä ja, Bayeliawänö täbä bufi nia ca̦i jaducublamaö. Bita jamö a yai lä nosiemou wei a fecula bada lä cui, ö̦jö a jömöbou malä waiquile.

Juan 17:23

Cama bä nija ya culanö, camiyä nija cafä wa ca̦i cuobä. Ö̦jö däjä, cama bä ma cui, moli dodijiwä bä ca̦i cuo mö feduo showaobä. Yanowamö täbä bufi jaducublobä. Cafänö eja camiyä wale lä shömöleno wei wale dabeje. Cafänö camiyä wale lä nofimalenaja, iba wa bä nofimaö mö lä feduo wei tä lä cui, ö̦jö tä ca̦i dabeje.

Romanos 8:31

¿Ö̦jö tawä? Bämalecö doblamabobä Yai Bada a cua waiquia ja lä, ¿wedinö bämalecö nia li doblamaimi majöo?

Romanos 8:37

Ma. Inaja bämalecö ma taamaö wejei ma cui, bämacö nö wa̦lojaö fe yadiobä bämacö. Bämalecö yai lä nofimale a lija bämacö bayeliblamou ja, bämacö nö yai wa̦lojabä bämacö.

1 Corintios 2:12

Ö̦jö bäma a Bufi li tabou. Yai Bada tänö bämalecö befi lä tabou wei tä ja bämalecö bufi moyawäblamabä, a Bufi jibämobema. Ö̦jö bäma a Bufi tabou yalo, yanowamö täbä bufi lä cuaablalou weinaja bämacö bufi cuaaimi.

1 Corintios 6:13

Abenaja täbä ca̦i cuu. “Bei bämacö busi lä cui, nii bä befi”, täbä ca̦i ma cuu wei ma cui, Yai Bada tänö bei bämacö busi nia lä mladamaö weinaja, nii bä nia ca̦i mladamaö mö feduo. Bämacö iyabä bei bämalecö busi tablalema ma cui, bei bämacö yai lä cui, bämacö nofi jushublalobä bämalecö tablanomi. Bada tä lä culadi tä lija bei bämacö noshi yai ö̦jödaobä, bämalecö tablalema. Ö̦jönö bei bämalecö shi̦lo bayeliblaö talei.

2 Corintios 4:4

Bita jamö Sadanasi a bada lä bufiblamou wei a lä cuinö, ö̦jönö bä bufi mojodumabou. Dodijidawä tä a̦nö bä bufi wacacablou mlaobä cama etä a̦ li lämaö. Tä a̦ bejedi bufii lä mlajei, showadi inaja bä li taamaö, Cristo a nö doblao ö̦jöböaö mlaobeje. ¿Ö̦jö tawä? Yai Bada a cuwä lä dodijiinaja, Cristo a cua mö fedua.

2 Corintios 6:16

Täbä nö jole ijidubö lä bufiblamou wei täbä lä cui, Yai Bada etä yafi jamö ¿ö̦jö täbä nia dablamou daanö? ¿Ö̦jö tawä? Ja̦o. Camiyä bämacö lä cui, ¿Yai Bada bäma ecö yafibömi daanö? Yai Bada tä demi cua shi lä wa̦lile, ö̦jö bäma ecö yafibö malä cui. Yai Bada etä a̦ oni lä cuu weinaja showawä. Abenaja Yai Bada a cuma. Ö̦jö ya bä ca̦i nia bälöo. Ya bä nia ca̦i fuu. Cama bä lija showadi ya nia bufiblamodii. Iba bä nia yai cuo.

Efesios 2:2

Wa̦lidiwä tä jamö yanowamö täbä showadi cuaaö lä showainaja, wamacö cafä ca̦i jaba cuaaö balöoma. Fecula bada lija wamacö luluamoma, fecula ösö jamö bä lä cublai bä lä nosiemaö wei a lä cui lija. Yai Bada tä a̦ fuaö lä mlajei bä lä cui, ö̦jö fecula bada lija bä luluamou showaa lä cudi.

Efesios 3:17

Cristo wama a nofi mölabou ja, cafä wamacö bufi jamö a cudiobä ya wa̦ ca̦i faö. Wamacö bufi yai nofiobä ya wa̦ ca̦i faö, fii fibä nasöcö fa dalonö, tefibä ublao lofotoo lä culenaja, wamacö bufi yai lofotoo cuobä. Yafi bä colo lofotoo däjä, bä yafi wäcäö dao lä mlainaja wamacö yai cuo mö feduobä.

Efesios 6:10

Abenaja nomöjöwä, ya wa̦ waicobä. Bada tä Jesucristo lija bä bufi shi̦lo da lofotoicu. Cama etä lofotenö wamacö nö wa̦lojabä.

1 Juan 2:1

Ijilu bä. Wa̦lidiwä wama tä taö mlaobä, ei ya tä a̦ oniblaö lä cule. Ö̦jö ma cui, wa̦lidiwä bäma tä taö bädao ja, bämalecö nofi nia lä bäyäbou wei a cuadayoa. Bä Fö̦ö e nijamö Jesucristo a cuadayoa, a shino lä cadidou wei a lä cui.

1 Juan 2:13

Bada wamacö. Yai Bada a sho cäcöbö cuo lä balöono wei a lä cui wama a daö cudeenö, cafä wamacö nija ya tä a̦ oni shömaö mö fedua. Fiya wamacö. Fecula bada a yai lä wa̦lidii a lä cui nija wamacö nö wa̦lojaö waiquia yalo, cafä wamacö nija ya tä a̦ oni ca̦i shömaö mö fedua. Oshe wamacö. Yai Bada nija bämacö lä Fö̦ömou wei wama a fei däjä daö yalo, cafä wamacö ma cui nija ya tä a̦ ca̦i shömaö mö fedua.

1 Juan 3:20

“Shädayai. ¿Camiyä ya nofi jolemou bäa ma culawä?”, camiyä bämacö nofi tamamou si ma ijejeo wei ma cui, Yai Bada tänö inaja bämalecö nofi tabou malä mlai. Jödödöwä tä daö nö mlawä.

1 Juan 3:24

Yai Bada tänö tä tamaö lä bufii wei tä a̦ nofi lä cadidibou wejei bä lä cui, Yai Bada nija ö̦jö bä yanöcöwä cudia. Cama bä nija Yai Bada tä ca̦i yanöcöwä cudia mö fedua. ¿Ö̦jö tawä? Camiyä bämacö nija Yai Bada tä Bufi jöbömobema yalo, a yanöcöwä lä cudio wei bäma tä daö.

1 Juan 4:13

Camiyä bämacö nija Yai Bada tä Bufi jöbömobema yalo, a yanöcöwä lä cudio wei bäma tä daö. Cama nija bämacö yanöcöwä cudia mö lä fedule tä ca̦i.

1 Juan 4:16

¿Ö̦jö tawä? Yai Bada tänö bämalecö lä nofimaö wei bäma tä daö. Ö̦jö tä ja bämacö mölaö. Bufi nofio tä lä cui, ö̦jö lä Yai Bada etä waiquiwä. Täbä showadi lä nofimaö wejei bä lä cui, Yai Bada nija bä yanöcöwä cua. Inaja showawä, cama bä nija Yai Bada tä yanöcöwä cuo mö feduo.

1 Juan 4:6

Camiyä bämacö mö feduwä lä cui, Yai Bada bei bäma ecö li. Yai Bada tä lä daö wejei bänö bämalecö a̦ ji̦liaö bufi doblaoje. Yai Bada ebä lä mlai bänö bämalecö a̦ ji̦lii bufiomije. Ö̦jö lä tänö Yai Bada tä Bufi lä tabou wejei bäma bä nö ö̦jöböaö. Bä lä jolemou wei bä ca̦i.

1 Juan 5:19

Camiyä Yai Bada bei ijilubö bäma ecö waiquiwä ma cui, a yai lä wa̦lidii a lä cuinö, yanowamö täbä bluca tabou dicoa. Ö̦jö bäma tä ca̦i daö.

1 Juan 5:4

Bita jamö bämacö ma yabäcamou wei ma cui, Yai Bada bäma ecö ijilubö nö bluca wa̦lojaö fe yadiobä bämacö malä cui. Jesucristo bäma a nofi lä mölabou wei tänö bämacö nö wa̦lojaö fe yadio.

Apocalipsis 12:11

¿Ö̦jö tawä? Oweja a wa̦fa ocalo lä jilamou wei i̦yäbönö, fecula bada a nö bleaamamaje, bejedi tä a̦ lä wäyäno wejei tä a̦ ca̦inö. Bä shämobä tä ma cui ja bä quilino malä mlai.