1 Juan 4:3 - Biblia Yanowamö

³ Ö̦jö ma cui, “Ma, Yai Bada tänö a shömabä a lä yaileno wei a lä cui, Jesús ö̦jö lä ami”, bä lä cuu wei, Yai Bada ebämi. Yai Bada tä Bufi tabou mlajei, Jesucristo a nofi yai lä wa̦libou wei etä a̦ shino tabouje. Ö̦jö lä a nia jo̦wa lä waloono wei etä a̦ cublawä waiquiwä.

1 Juan 4:3 Iomraidhean Croise

Mateo 24:5

Obi, bluca bä nia wawäblou. Camiyä ya wa̦fa nia ma wäyämou wei ma cui, bä möla dijä. Abinaja bä nia jole cuu. “Yai Bada tänö wale shömabä wale lä yaileno wei, ¡ö̦jö lä ei ya e waiquiwä!”, bä jole fa cunö, bluca täbä nia lulubouje.

1 Juan 2:18

Ijilu bä. Ei tä ulifi nia lä mladou wei tä ajedou waiquiwä. Jesucristo a nofi yai lä wa̦libou wei a nia wawäblou. Ö̦jö lä wama tä a̦ ca̦i ji̦libou waiquia. ¿Ö̦jö tawä? A nofi lä wa̦libou wejei bä bluca wawäblou balöa waiquia yalo, ö̦jö bäma tä ajedewä daö.

1 Juan 2:22

¿Ö̦jö tawä? Täbä lä jolemou wei täbä a̦ ma bluca wei ma cui, abinaja bä shino lä cuu wei bä yai jolemou. “Yai Bada tänö a shömabä a lä yaileno wei, ö̦jö lä Jesús a cuonomi”, bä wawädowä lä cuu wei, ö̦jö lä bä lä cui bä yai jolemou. Jesucristo a nofi yai lä wa̦libou wei a lä cuinö, Yai Bada bei Ijilubö Jesucristo e ma cui, bä Fö̦ö e ma cui, cäcöbö waibou bolacao.

2 Juan 1:7

Yanowamö täbä nijamö, täbä lä mölamaö wejei bä bluca jublou cuaaö waiquia lä cudi. Jesucristo a ma yanowamöblaleyoluno wei ma cui bä a̦ lämou. Tä a̦fa jole taö dicooje. Inaja bä lä cuu wei bänö täbä yai mölamaöje. Jesucristo a nofi yai lä wa̦libou wei a owämaöje, täbä lä mölamaö wei a lä cui. Inaja showawä a cama ca̦i cuu.