1 Juan 4:2 - Biblia Yanowamö

² Wama bä a̦ fa ji̦lilänö, Yai Bada wama a Bufi nö nia ö̦jöböaö. ¿Ö̦jö tawä? “Yai Bada tänö a shömabä, Jesucristo a yailema. A yanowamöblaleyoluma.” Einaja bä cuu lä wawädoo wei, ö̦jö lä Yai Bada ebä waiquiwä.

1 Juan 4:2 Iomraidhean Croise

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

1 Corintios 12:3

Wamacö bufi jaba yacläma yalo bämacö cadidamaö lä cule, wamacö bufi wedinajamou mlaobä. ¿Ö̦jö tawä? Yai Bada tä Bufinö a wa̦ lä faö wei a lä cui, Jesús a wa̦fa nia wa̦lidiwä taimi. Inaja showawä, Yai Bada tä Bufi lija a bufi taamamou lä mlai a lä cui, “Jesús Bada cätä waiquiwä”, a nia cuimi.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

1 Juan 1:2

Ba̦limi täbä lä tablamaö wei a lä cui, Yai Bada tänö a fa yanowamöblamalönö, yama a möma. Ö̦jö lä bei yama a wa̦fa wäyäö. Ba̦limi täbä lä tablamaö wei a lä cui, bä Fö̦ö e nija a ba̦limi cuo showao balöoma. Cafä wamacö nija, ö̦jö yama a wa̦fa wäyäö, camiyä yamacö nija a lä damalaleno wei a showawä lä cui.

1 Juan 2:23

Yai Bada bei Ijilubö e lä waii wejei bä lä cuinö, bä Fö̦ö e ma cui e taboimije. “Ö̦jö lä a waiquiwä”, Jesús a nofi tabolajenö, a nofi lä mölabou wejei bä lä cuinö, Jesús, bä Fö̦ö sho cäcöbä tabou bolacaaje.

1 Juan 4:15

Yai Bada bei Ijilubö Jesús e a̦fa lä wäyäö wejei bä lä cui bä nija, Yai Bada tä yanöcöwä cudia. Yai Bada nija ö̦jö lä bä yanöcöwä cua mö fedua.

1 Juan 4:3

Ö̦jö ma cui, “Ma, Yai Bada tänö a shömabä a lä yaileno wei a lä cui, Jesús ö̦jö lä ami”, bä lä cuu wei, Yai Bada ebämi. Yai Bada tä Bufi tabou mlajei, Jesucristo a nofi yai lä wa̦libou wei etä a̦ shino tabouje. Ö̦jö lä a nia jo̦wa lä waloono wei etä a̦ cublawä waiquiwä.

1 Juan 5:1

“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.

2 Juan 1:7

Yanowamö täbä nijamö, täbä lä mölamaö wejei bä bluca jublou cuaaö waiquia lä cudi. Jesucristo a ma yanowamöblaleyoluno wei ma cui bä a̦ lämou. Tä a̦fa jole taö dicooje. Inaja bä lä cuu wei bänö täbä yai mölamaöje. Jesucristo a nofi yai lä wa̦libou wei a owämaöje, täbä lä mölamaö wei a lä cui. Inaja showawä a cama ca̦i cuu.