1 Juan 4:12 - Biblia Yanowamö

¹² Yanowamö bämacö lä cuinö, Yai Bada bäma a dablaö daomi. Ö̦jö ma cui bämacö nofimayou ja, camiyä bämacö nija tä nia yanöcöwä cudio. Tä yanöcöwä fa cudionö, camanö täbä yai nofimaö lä culenaja, inaja showawä bäma täbä nia nofimaö cuo mö feduo.

1 Juan 4:12 Iomraidhean Croise

Génesis 32:30

Inaja tä fa cublalunö, Jacobonö tä a̦fa ulifi jilaa showaquema. “Yai Bada tä sho yafäcö ma möyolufe, ¡ya nofi demi showawä yai!”, a cuma yalo, tä a̦fa ulifi Benueli jilaquema.

Éxodo 33:20

Öjö ma cui, camiyä wawädowä wale wäyäcu nia möimi. Yanowamö a lä cuinö, wawädöwä wale wäyäcu möö ja, a nia demöo malä mlai —a cuma.

Números 12:8

’Cama wawädowä ya wa̦ li wayoblaamaö —a cuma—. Shominaja ya etä a̦ wäyäö yacäablaloimi. Cama nija Jeobaa wawädowä ya e dablamou. ¿Ö̦jö tawä? Wale nosie yai lä juaö wei, ö̦jö iba a. Inaja Moisesi ya nofi ma tabole ma cui, ¿wedi tä tabä wafäcö jölaö li quiliimi, ö̦jö lä? —Jeobaa a cuma.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

1 Corintios 13:13

¿Ö̦jö tawä? Bämacö nia cuaaö fujeblou lä mlai, abenaja tä cua. Bufi shalililanö Yai Bada bäma a nofi nia mölabou. Ö̦jö lija bämacö nia shi̦lo mölaö. Bämacö bufi nia ca̦i shi̦lo nofio. Inaja bämacö nia shi̦lo cuaadii ma cui, bämacö bufi lä nofio wei tä ja, bämacö bufi mö yai blucaobä. ¡Inaja lä yai!

1 Timoteo 1:17

¿Ö̦jö tawä? Tä shi̦lo Bada nosiemou lä ayai, tä lofote cua shi lä wa̦lile a lä cui, ö̦jö tä a̦fa doblao tamou shi wa̦libä. Tä dablamou dao lä mlai, tä bufiblabeje tä Yai Bada cua lä ayale, tä a̦fa doblao tamou shi wa̦libä. Ö̦jö lä tä nofi yai doablamou shi wa̦libä. Inaja lä tä cuobä.

1 Timoteo 6:16

Ö̦jö a shi̦lo ba̦limi cua ayaa. Tä shi̦i lä wacalamiladi jamö a cuadayoa. Bämacö icuo dao lä mlai jamö a cua, yanowamö täbä lija a dablamou lä mlai. A dablamoimi waiquiwä. ¡Ö̦jö a wa̦fa shi̦lo yai doblao tamobä! ¡Ö̦jö a yai shi̦lo Bada cuo dodijiobä! Inaja lä tä cuobä.

Hebreos 11:27

Yai Bada a wa̦ nofi mölaboma yalo, Ejidoteli bada a nö quili taö mlai ja, tä ulufi daaquefälöma. Yai Bada a dablamou ma mlai ma cui, jai a daa waiquilalema a nofi tabolanö, a nö wa̦lojaö fe yadioma.

1 Juan 2:5

Ö̦jö ma cui, bäma a wa̦ nofi cadidibou ja, Yai Bada bäma a shino yai nofimaö fe balojoo. Bäma a wa̦ nofi lä cadidibou wei tänö, bämacö bejedimou nö ö̦jöböamou.

1 Juan 3:24

Yai Bada tänö tä tamaö lä bufii wei tä a̦ nofi lä cadidibou wejei bä lä cui, Yai Bada nija ö̦jö bä yanöcöwä cudia. Cama bä nija Yai Bada tä ca̦i yanöcöwä cudia mö fedua. ¿Ö̦jö tawä? Camiyä bämacö nija Yai Bada tä Bufi jöbömobema yalo, a yanöcöwä lä cudio wei bäma tä daö.

1 Juan 4:16

¿Ö̦jö tawä? Yai Bada tänö bämalecö lä nofimaö wei bäma tä daö. Ö̦jö tä ja bämacö mölaö. Bufi nofio tä lä cui, ö̦jö lä Yai Bada etä waiquiwä. Täbä showadi lä nofimaö wejei bä lä cui, Yai Bada nija bä yanöcöwä cua. Inaja showawä, cama bä nija Yai Bada tä yanöcöwä cuo mö feduo.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.

1 Juan 4:6

Camiyä bämacö mö feduwä lä cui, Yai Bada bei bäma ecö li. Yai Bada tä lä daö wejei bänö bämalecö a̦ ji̦liaö bufi doblaoje. Yai Bada ebä lä mlai bänö bämalecö a̦ ji̦lii bufiomije. Ö̦jö lä tänö Yai Bada tä Bufi lä tabou wejei bäma bä nö ö̦jöböaö. Bä lä jolemou wei bä ca̦i.