1 Juan 4:11 - Biblia Yanowamö

¹¹ Iba wamacö. Inaja Yai Bada tänö bämalecö nofimaö waiquia yalo, bämacö nofimayou mö da feduo.

1 Juan 4:11 Iomraidhean Croise

Lucas 10:37

—A nofi lä ojodadaleno wei a lä cuinö —a cuma. —Inaja cafä wa ca̦i cuaaö mö feduobä —Jesúsnö a nowa tama.

Juan 13:34

Cafä wamacö nija ya tä tamaö lä bufii wei, ya tä a̦ dude wäaö lä cule. Bä da nofimayo. Cafä bämacö nofimaö lä waiquilenaja, inaja showawä, bä nofimayou da cuo.

Efesios 4:31

Wama täbä nofi wa̦libou lä ja̦tomou wei tä da blajamalöje. Wamacö nö wa̦lowä lä jushudou wei tä ca̦i. Wamacö jushudou lä bädao wei tä ca̦i. Wamacö a̦ lä läblou wei tä ca̦i. Wamacö a̦fa lä tayou wei tä ca̦i. Wamacö nö lä nabämou wei, tä jödödöwä da blajamalöje.

Colosenses 3:13

Täbä nofimaö fe da yadioje. Wamacö ma taamaö wejei ma cui, tä nowa tabo dijejä. Yai Bada tänö wamacö nofi lä asibono weinaja, cafä wamacö nofi asiboyou mö feduobä wamacö.

1 Juan 2:7

Iba wamacö. Cafä wamacö nija Yai Bada tänö tä tamaö lä bufii wei ya tä a̦ oniblaö lä cule. Jesucristo wama a lä bufiblaleno wei däjä, wama tä a̦ jaba lä ji̦lileno wei tä a̦ showawä. Tä a̦ dudemi. Wama tä a̦ ji̦lia waiquilema.

1 Juan 3:11

Wama tä a̦ jaba lä ji̦lileno wei tä a̦ lä cui, bämacö nia lä nofimayou wei, ö̦jö tä a̦ showawä malä cui.

1 Juan 3:23

Ja̦o. ¿Wedi tä tamaö bufii, ö̦jö lä? Yai Bada bei Ijilubö Jesucristo bäma a bejedi bufibä, ö̦jö waiquiwä. Bämacö nofimayobä tä ca̦i, bämalecö nowa lä taleno weinaja showawä.

1 Juan 4:7

Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.

2 Juan 1:5

Wamale a̦ da ji̦lilä, ¿ö̦jö tawä? Bämacö yai da nofimayo, Jesús bäma a jaba bufiblaö däjä, bämalecö taamaö lä bufino weinaja showawä. Tä a̦ dudemi.